Б.Булган яагаад захидал бичих болов

Төр нийгмийн зүтгэлтэн, УИХ-ын гишүүн, дэд бүтцийн сайдын үүрэг гүйцэтгэгчээр ажиллаж байсан  С.Зориг агсаны аллагын цорын ганц гэрч Б.Булган төрийн гурван өндөрлөг болон Хууль зүй, дотоод хэргийн сайд Ц.Нямдорж, Үндэсний аюулгүй байдлын зөвлөл хийгээд Хүний эрхийн үндэсний комиссын гишүүдэд хандаж захидал илгээжээ.

Талийгчтай хамтран амьдарч байсан энэ эмэгтэй тэр аймшигт явдлаас хойш 20 жилийн дараа  яагаад ийнхүү өндөр түвшний эрхмүүдэд хандаж захидал бичих болов.

Хууль, шүүхийн байгууллагынхны хэлж ярьж байгаагаар бол хэрэг хэдийнэ илэрч, аллагын эзэд хариуцлагаа хүлээгээд байгаа. Түүнчлэн одоо захиалагчийг нь тогтоохоор ажиллаж байгаа гэх ерөнхий мэдээлэл бий.

С.Зориг агсаны аллагын гэм буруутнууд гэгдэж шүүхээс 24-25 жилийн хорих ял оноосон Ц.Амгаланбаатар, Б.Содномдаржаа, Т.Чимгээ нар одоо ялаа эдэлж байгаа. Хэдий тийм ч тэд хэргийн эзэд мөн үү гэсэн эргэлзээ нийгэмд буй. Аллага болсон тэр үед Ц.Амгаланбаатар Улаанбаатар ч орж үзээгүй 16 настай пацаан, Т.Чимгээ нялх хүүхэдтэйгээ Дорноговьд байсан, Б.Содномдаржаа гэр бүлийнхэнтэйгээ хадлан дээр байсан гэж мэдүүлдэг. Ийм гурван “хөдөөний мантуунууд” хотод ирээд тийм дуулиантай хэрэг үйлдчихээд 20 шахам жил баригдалгүй явсан гэхээр барагтай хүний ой тойнд итгэл үнэмшилтэйгээр бууж чадахгүй байх.

 Б.Содномдаржаа, Т.Чимгээ нарын ар гэрийнхэн үнэний эрэлд хатаж, дээшээ тэнгэр хол, доошоо газар хатуу гэгч болчихоод явж байгаагаа үе үе мэдээллийн хэрэгслээр илэрхийлдэг, хууль зүйн сайд нь хүртэл энэ хэргийн үнэн мөнийг дахин тодруулах ёстой гэсэн байр суурийг хэдэнтээ илэрхийлж байсан билээ.  

Тэгвэл Б.Булган төрийн өндөрлөгүүд болон эрх бүхий хүмүүст хандаж захидал бичжээ. Одоо нийгэм энэ захидлыг тойрон сенсаацалж байна. Тэнд юун тухай бичсэн нь тодорхойгүй ч Ж.Батзандан гишүүний хэлснээр ноцтой олон баримт, мэдээлэл байгаа гэжээ. Яадаг ч байсан Б.Булган 20 жилийн турш хадгалж явсан  бодит үнэн, таавар таамаг, хар сэр энэ бүхнээ бичсэн байх магадлалтай.

 Аль ч утгаараа Б.Булганы захидалдаа өгүүлсэн тэр бүхэн үнэнд хамгийн ойрхон мэдээллүүд байх нь тов тодорхой.

Захидлыг УИХ-ын гишүүн Ж.Батзандан энэ долоо хоногийн сүүлчээр хуулийн хүрээнд нийтэд ил тодорхой болгоно гэдгээ хэлсэн. Гэхдээ мөрдөн шалгах ажиллагаанд саад болохгүй хэсгийг нь гэж байгаа. Тийм болохоор ноцтой баримт, но-той мэдээллүүд нууц чигээрээ үлдэх юм шиг байна.

Б.Булганы захидлаас одоогоор нэг зүйл тодорхой болж байна. Ж.Батзандан гишүүний хэлснээр  тэрхүү захидалдаа Б.Булган ял авсан Ц.Амгаланбаатар, Б.Содномдаржаа, Т.Чимгээ нарыг огт харж байгаагүй, нэг ч уулзаж байгаагүй гэдгээ онцолжээ. Хэрэв тийм бол манай цагдаа шүүхийнхэн энэ аллагын цорын ганц гэрчтэй сэжигтнүүдийг нэг ч удаа нүүрэлдүүлж уулзуулалгүйгээр хэргийг шийдчихжээ гэсэн үг. Өөрөөр хэлбэл гэм буруутайг нь гэрчгүйгээр нотолчихжээ. Мундаг уу.

УИХ-ын гишүүн Ж.Батзандан энэ үгийг хариуцлагатайгаар хэлсэн байж таарна, эргэлзээд байх шаардлаггүй биз.

Нөгөө талаасаа Б.Булган яагаад энэ олон жилийн дараа  захидал бичих болов.  Түүнийг яллагдагчаар татах болсон тухай мэдээлэл түгсэнээс хойш тийм ч их удаагүй байна. Зарим эх сурвалжийн  мэдээлж байгаагаар түүнийг нөхрийнхөө аллагыг  захиалахад гар бие оролцсон гэж үзэж байгаа тухай мэдээлэл бий. Үүнийг баталж Улсын ерөнхий прокурорын орлогч Г.Эрдэнэбат “С.Зориг агсны хамтран амьдрагч асан Б.Булганыг яллагдагчаар татсан... Б.Булганыг С.Зоригийн хөнөөсөн захиалга өгсөн, хамтран зохион байгуулсан гэж сэжиглэж байгаа” гэсэн нь асуудлын зангилаан дээр сууж байгаа хүний олон нийтэд хариуцлагатайгаар хэлсэн үг гэдгийг санах учиртай. Ингэж хэрэг явдал буруугаар эргэж байгаа нь Б.Булганыг захидал бичихэд хүргэв үү.

Магадгүй, энэ захидал хэрэг явдлын үнэн мөнийг тогтоож өгөхөөсөө илүүтэй Булганы өөрийгөө хамгаалах урьдчилсан арга тактик байхыг үгүйсгэхгүй. Эсвэл хэргийн жинхэнэ үнэн мөнийг тогтооход мэдэх бүхнээрээ туслах, хэргийн улмаас “буруугүй” буруутнууд  хилсээр хэрэгт  тохогдсон гэх эмзэглэл байж ч болох юм.

Г.Хантулга

2018.06.21

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Хүнээ мартсан төр

...

Дэлгэрэнгүй » 2019.05.21

Дэлхий дахинаа авлигатай хийх тэмцлээр сонин сайхан юутай байна вэ?

...

Дэлгэрэнгүй » 2019.05.21

Гачуурт Арцатын аманд 153 өрх айлыг цахилгаанаар хангаж улсын комисст хүлээлгэн өгчээ

...

Дэлгэрэнгүй » 2019.05.21

Зөв тусгал: Бидний төсөөлснөөс ч илүү хөгжих боломж хүүхдэд бий

...

Дэлгэрэнгүй » 2019.05.21

Г.Наранбаатар: Хүүхэд насандаа сэтгэл зүйн гэмтэл авсан хүмүүс сэтгэл зүйн зөвлөгөө авахаар их ирдэг

...

Дэлгэрэнгүй » 2019.05.21

Монголын эдийн засаг гадны нөлөөнд эмзэг хэвээр байна гэж АХБ дүгнэжээ

...

Дэлгэрэнгүй » 2019.05.21

Селена Гоме Билл Мюррей нар гэрлэх үү

...

Дэлгэрэнгүй » 2019.05.21

Хятадын буцалтгүй тусламжаар 1008 айлын орон сууц барина

...

Дэлгэрэнгүй » 2019.05.21

Ц.Элбэгдорж: Эрдэнэт үйлдвэрт шахаа, талцал биш нээлттэй удирдлага хэрэгтэй

...

Дэлгэрэнгүй » 2017.02.24

Монголоо аваръя хөдөлгөөний зохицуулагчийг баривчлав

...

Дэлгэрэнгүй » 2016.04.11

Ноён Т.Оошима бэсрэг наадам үзэж, монгол соёлын өвтэй танилцлаа

...

Дэлгэрэнгүй » 2017.07.19

Т.Лхагвасүмбэрэл агсантай холбоотой мэдээллийг авч эхэлжээ

...

Дэлгэрэнгүй » 2016.03.22

Хөгжлийн банк хариуцлагатай хяналттай болсон

...

Дэлгэрэнгүй » 2017.07.24

Асашёорюү Д.Дагвадорж Улаанбурхан өвчний эсрэг арга хэмжээ авахыг уриаллаа

...

Дэлгэрэнгүй » 2016.04.15

Д.Амарбаясгалангаар ахлуулсан ажлын хэсэг орон нутагт ажиллалаа

...

Дэлгэрэнгүй » 2017.03.20

Дугаартайгаа өөр операторт шилжих үйлчилгээ энэ онд эхэлнэ

...

Дэлгэрэнгүй » 2015.11.16

Намын дүрмээ зөрчсөн хэмээн ХҮН дөрвөн гишүүнээ хаслаа

...

Дэлгэрэнгүй » 2016.05.04

Улаанбаатар хотын ойролцоо дагуул, эко хот байгуулах төслийг Меркель дэмжин ажиллахаа мэдэгдэв

...

Дэлгэрэнгүй » 2018.10.19

“NOMADIC BALLET” продакшны анхны тоглолт болно

...

Дэлгэрэнгүй » 2016.04.16

ТАНИЛЦ: Одоогоор УИХ-ын 14 гишүүн, хоёр сайд, нэг дэд сайд ЖДҮХС-гаас зээл авсан нь тодорхой болоод байна

...

Дэлгэрэнгүй » 2018.12.04

Эдийн засаг хямраагүй!!!

...

Дэлгэрэнгүй » 2015.08.11

АСЕМ-ийн зочин бүрт 6.7 сая төгрөгийн бэлэг гардуулжээ

...

Дэлгэрэнгүй » 2018.06.05

Он гарсаар 21 мянга ой газар түймэрт өртжээ

...

Дэлгэрэнгүй » 2016.07.05

УИХ-ын гишүүд Ерөнхий сайдад шаардлага хүргүүллээ

...

Дэлгэрэнгүй » 2015.09.03