Б.Сарантуяа: Өөрийнхөө хувийн амьдралаа лангуун дээр тавиад зарна гэхээр сонин, номоо үнэнч фэнүүддээ хүргэнэ

Монгол Улсын гавьяат жүжигчин, Зууны манлай дуучин Б.Сарантуяа жил бүрийн дөрөвдүгээр сарын 20-нд 48 нас хүрнэ. Хүний амьдралын 12 жилийг нэг үе гэдэг. Дуучин Сараагийн амьдралын нэг үе эхэллээ. Энэ амьдралын дөрөв дэх үеэ дуучин Сараа дуулиантай угтаж байна. Зууны манлай дуучин уламжлал ёсоор үзэгч, фэнүүдтэйгээ төрсөн өдрөө цуг тэмдэглэж, тоглолтоо хийнэ. Хэзээд олны анхаарлыг татдаг дуучин хатагтай, амьдралынхаа тухай өгүүлэх "Зууны дуу хоолой. Би Сараа” номын баяраа давхар тэмдэглэнэ.

Дуучин Сарааөөрийг нь сайн дуучин болж, Монголын рок попод нэг сайн дуучин мэндэлснийг зарлан тунхаглаж, 1995 оны дөрөвдүгээр сарын 21, 22-нд УДБЭТ-ын тайзнаа анх тавигдсан "Инээмтгий хүн” театрчилсан тоглолтоо "Saraa’s Music Production” нэртэйгээр 23 жилийн дараа дахин үзэгчиддээ толилуулах гэж байна. 

МУГЖ дуучин Б.Сарантуяатай тоглолтынх нь ярилцлаа. 

 

-Таны төрсөн өдрийн тоглолт үзэгч, фэнүүдийн хувьд хүсэн хүлээдэг баярын нэг болоод байна. Бэлтгэл ажил хэр явагдаж байна вэ?

-Төрсөн өдрийн баяраа 2000 оноос хойш эрхэмсэг үзэгч, фэнүүдтэйгээ 10 дахь удаагаа цуг тэмдэглэх гэж байгаадаа их баяртай байна.

Нэгдүгээрт, энэ бол тэр чигээрээ амьд тоглолт байх болно.Тоглолт хоёр хэсэгтэй байх бөгөөд эхний хэсэг нь театрчилсан тоглолт. Хоёрдугаар хэсэгт шинэ болон хит дуунуудаасаа хуваалцана. Хоёрдугаарт, миний 25-хан настайдаа тоглож байсан "Инээмтгий хүн” театрчилсан тоглолтыг үзсэн цөөн тооны хүмүүс л байгаа. Тэгэхээр дахин тайзнаа амилуулж, орчин үеийн хэв маяг шийдлүүдийг оруулж хийх гэж байгаа юм. 1995 онд "Инээмтгий хүн” тоглолтыг On’n Off продакшн зохион байгуулж байсан бол энэ удаа "Skin Entertainment” хариуцан ажиллаж байна.

Театрчилсан тоглолт нь нэг сэдэв барьсан байдаг. Мэдээж хэрэг энэ нь хайрын сэдэв байх болно. Ердийн тоглолтыг бодвол илүү сонирхолтой, үйл явдалтай байх юм. Тиймээс УДБЭТ-ын балетын бүжигчид, орчин үеийн бүжгийн хамтлаг, амьд хөгжмийн "Random” хамтлаг оролцоно. Тоглолтын ивээн тэтгэгчээр "Жигүүр гранд групп” ажиллаж байгаа. Ер нь энэ тоглолт нь "миний даван туулсан амьдралын зам зөв байж дээ” гэж өөртөө хэлэх боломж гэж бодож байна. 

 

-Таны амьдралын тухай өгүүлэх "Зууны дуу хоолой. Би Сараа” намтар роман ном хэвлэгдэн гарчээ. Энэ номынхоо талаар танилцуулаач? Яруу найрагч Р.Эмүжин бичсэн байсан.

-Энэхүү намтар романыг анх 2015 онд бичихээр болж, нэг сэтгүүлч бүсгүйд санал тавьж байсан юм. 2016 оны намар би "30 жилийн ойн тоглолт”-оо хийхээр төлөвлөсөн байсан боловч тодорхой шалтгааны улмаас ном маань хэвлэгдэж гараагүй.

Ингээд яруу найрагч Р. Эмүжин найз минь миний авралын од болсон. Р.Эмүжинтэй би 1998 оноос хойш нөхөрлөсөн.Тэр миний амьдралын амжилт, уналт, жаргал, зовлон бүхий л цаг үеийн гэрч.Р.Эмүжин ч мөн нэг удаа "Би Сараагийн фэн биш. Гэхдээ би Сараагийн амьдралынх нь зарчим, зан араншингийнх нь фэн байж болох юм” гэж байсан. Тэгэхээр яах аргагүй Р.Эмүжин бол миний амьдралын найз.

Анх би яагаад Р.Эмүжинд санал тавиагүй гэхээр найз нь найзыгаа хөндлөнгөөс бичихэд их хэцүү байх гэж бодож байсан. Гэхдээ түүний бичсэн "Хөх сарны явдал” романыг уншаад маш таалагдсан. Яруу найрагч хэр нь үргэлжилсэн үгийн зохиолыг маш сайн бичсэн байсан, бичилт нь орчин үеийн, энгийн, сонирхолтой санагдсан. Тиймээс би найздаа хандсан.

 

-Ном их олон зурагтай, мөн хуудас бүр нь өнгөтөөр хэвлэгджээ. Өндөр үнээр бүтсэн байх?

-Тийм ээ, ном маш өндөр үнээр бүтдэг юм байна. Чамгүй их зардал гарсан, бүгдийг үнэгүй хийнэ гэж байхгүй шүү дээ. 2013 оны төрсөн өдрөөр маань”Хөх Монгол принтинг” компани миний уран бүтээлийг ивээн тэтгэнэ гэж амлаж байсан. Ингээд 2017 оны арванхоёрдугаар сарын 28-нд номыг маань бүгдийг нь хэвлэж гаргаж өгсөн, Ерөнхий ивээн тэтгэгчээр ажилласан. Мөн "Гоёо” брэнд болон "Очир ундраа” групп өгөөмөр гараа сунгаж, номын ивээн тэтгэгчээр ажилласанд маш талархалтай байгаа.

Номоо хэвлүүлчихээд гэртээ авчраад яахаа мэдэхгүй хэсэг бодсон. Өөрийнхөө хувийн амьдралаа лангуун дээр тавиад зарна гэхээр бас их сонин. Тиймээс орон нутагт фэнүүддээ зориулж дуулж өгөөд, номын баяр хийхээр шийдсэн. Ингээд саяхан гуравдугаар сард Дархан, Эрдэнэт, Өмнөговь, Цогтцэций, Мандалговьд фэнүүддээ зориулсан VIP тоглолтуудыг хийж, номын баяраа хийсэн байгаа. 

 

-Одоо болох тоглолтын үеэрээ мөн номын баяр хийнэ гэж байсан. Тоглолтын аль хэсэгт хийх вэ?

-Тоглолтын өмнө, дундуур нь хүмүүс номоо худалдаж авах боломжтой. Мөн тоглолтын дундуур 20 минутын завсарлага болно. Энэ үеэр би болон яруу найрагч Р.Эмүжин нар гарын үсэг зурж, зургаа татуулна.

 

-Тоглолтын үеэр өөр ямар нэгэн задалж болох сюрприз байгаа юу?

 

-Тоглолтын хоёрдугаар хэсэгт би сүүлийн үеийн уран бүтээл болон хит дуунуудаа дуулна. "Амьдрал” киноны дуу хамгийн сүүлийн үеийн уран бүтээл байгаа. Мөн Voice шоугаар дахин алдаршаад буй "Хаврын ганц улиас” дуугаа дуулна. Энэ дашрамд хэлэхэд Voice тэмцээний дуунуудынх нь зохиогчийн эрх зөрчигдөж байгаа харагдсан. Нэг сюрприз гэвэл сүүлийн үед миний Оргилтой хамтран дуулсан "Чам руу над руу урсана” дуу залуучуудын дунд хит болоод байгаа талаар сонслоо. Тиймээс энэ дуугаа хоёр залуутай хамтран дуулна. Мөн өнөөдөр "Инээмтгий хүн” дууны маань клип цацагдаж, олон нийтийн хүртэл болж эхэллээ.

2018.04.16

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

79-р сургуулийн хөлбөмбөгийн талбайн хаалга унаж нэг хүүхэд амиа алджээ

...

Дэлгэрэнгүй » 2018.06.19

Б.Лхагважав: Бидэнд эдийн засгийн эрх чөлөө хэрэгтэй байна

...

Дэлгэрэнгүй » 2018.06.19

Хоёр хөршийн төмөр замын бодлогоос Монголд ирэх хонжоо

...

Дэлгэрэнгүй » 2018.06.19

“Ишиг эврээ ургахаар” эхийгээ байтугай мөргөх юм даа

...

Дэлгэрэнгүй » 2018.06.18

Саналын хуудас, техник хэрэгслийг хүргүүлж эхэллээ

...

Дэлгэрэнгүй » 2018.06.18

Хууль, эрх зүйн үнэ төлбөргүй зөвлөгөө өгнө

...

Дэлгэрэнгүй » 2018.06.18

О.Ууганцэцэг: XIX зууны аргаар XXI зууны хүүхдийг хүмүүжүүлэх боломжгүй

...

Дэлгэрэнгүй » 2018.06.18

Монгол барилдаан энэ хэвээрээ үргэлжлээд байх уу

...

Дэлгэрэнгүй » 2018.06.18

Тарваган тахал өвчнөөс урьдчилан сэргийлье

...

Дэлгэрэнгүй » 2017.08.08

Д.Оюунхорол: Агаарын бохирдлыг бууруулахад өнгөрсөн алдаагаа давтахгүй ажиллах шаардлагатай

...

Дэлгэрэнгүй » 2016.12.27

Sansar Loyalty карт худалдаанд гарлаа

...

Дэлгэрэнгүй » 2017.12.21

Н.Наранзул: Элэгний С вирүсийг бүрэн эмчилснээр элэгний хатуурал, хорт хавдраас сэргийлэх боломжтой

...

Дэлгэрэнгүй » 2016.08.22

УИХ-ын гишүүн Н.Учрал СХД-т бие төлөөлөгчийн газар байгуулна

...

Дэлгэрэнгүй » 2016.08.29

Монгол Улсын Ерөнхийлөгчийг гутаах нь Монголд ямар ашигтай юм бэ?

...

Дэлгэрэнгүй » 2016.03.29

Сонгинохайрхан дүүрэг “Хоггүй орчин-Эрүүл амьдрал” аян зарлалаа

...

Дэлгэрэнгүй » 2017.03.31

“Утаатай тэмцэгчид” 5 тэрбумыг завшчихаад 5 тэрбум төгрөг хүрэлцэхгүй гэх юм

...

Дэлгэрэнгүй » 2015.12.22

Сурагчдын цүнхний жин ямар байх ёстой вэ?

...

Дэлгэрэнгүй » 2017.08.28

ИЗНН дэд сайдад нэр дэвшигчдээ тодруулжээ

...

Дэлгэрэнгүй » 2015.09.15

Энэ бямба гарагт тэгш, ням гарагт сондгой тоогоор төгссөн тээврийн хэрэгсэл хөдөлгөөнд оролцоно

...

Дэлгэрэнгүй » 2015.08.27

Ж.Бат-Эрдэнэ: Монголбанкны үнэ тогтворжуулах хөтөлбөр цөөн тооны компанийг дэмжих хэрэгсэл байжээ

...

Дэлгэрэнгүй » 2017.05.30

Ц.Нямдорж гишүүн сайд болоод цагдаагийн алба хаагчдаа мартсан гэв

...

Дэлгэрэнгүй » 2018.02.27

“Монгол орны ойн салбарын бодлого, шинжлэх ухаан, технологи” сэдэвт үндэсний хоёрдугаар хурал болж байна

...

Дэлгэрэнгүй » 2017.03.21

416.5 мянган мал хорогджээ

...

Дэлгэрэнгүй » 2016.03.13

Эрүүл ахуйн тухай хуулийг албан ёсоор хэрэгжүүлж эхэллээ

...

Дэлгэрэнгүй » 2016.03.03