УИХ-ын дарга М.Энхболд Төв аймагт ажиллаж байна

Монгол Улсын Их Хурлын дарга М.Энхболд өнгөрсөн лхагва, пүрэв гарагт Төв аймгийн Батсүмбэр, Мөнгөнморьт сумдад ажиллаж, УИХ-ын үйл ажиллагаа, намрын чуулганы үр дүн, батлан гаргасан хуулиуд, улс орны нийгэм, эдийн засгийн өнөөгийн байдал зэрэг асуудлаар иргэдэд мэдээлэл хийж, тэдний сонирхсон асуултад хариу өглөө.

 

 

Батсүмбэр сум 7100 гаруй хүн амтай, 67.7 мянган малтай, газар тариалан, эрчимжсэн аж ахуй хөгжүүлдэг, манай улсын томоохон сумдын нэг юм. Тус сум 22.0 мянган толгой үхэртэйгээс дийлэнх нь сүүний чиглэлийн сайн үүлдрийнх бөгөөд фермерийн аж ахуй сайн хөгжиж буй, нийслэлийн сүүний хэрэгцээнд дорвитой хувь нэмэр оруулдаг болохыг сумын Засаг дарга Д.Ганболд танилцууллаа. Эдний фермерүүд зуны улиралд 50-60, өвөлдөө 20-30 тонн сүү бэлтгэдэг, “Сүү” ХК, “Монфрэш” ХХК зэрэг томоохон 4 компанитай хамтран ажилладаг, энэ жилийн хувьд сүүний үнэ харьцангуй сайн буюу одоогийн байдлаар 1400-1500 төгрөгөөр худалдаж байгаа аж.

Цаашид эрчимжсэн аж ахуйн үр ашгийг дээшлүүлэх, жижиг дунд үйлдвэрлэл хөгжүүлэхэд гол анхаарлаа хандуулж байгаа талаар сумын Засаг дарга Д.Ганболд ярилаа.

 

 

УИХ-ын дарга М.Энхболд сүү, сүүн бүтээгдэхүүний үйлдвэрлэлийг нэмэгдүүлэх чиглэлээр нийт ард түмэн, аж ахуйн нэгжүүдэд хандан уриалга гаргасанд талархаж байгаагаа иргэд уулзалтын үеэр хэлж байлаа. Үйлдвэрлэл, хэрэглээг нэмэгдүүлж, сүү үйлдвэрлэгчдийг дэмжихийн тулд хууль эрх зүйн болон бодлогын зарим шийдвэр гаргах нь чухал гэж үзэж байгаагаа УИХ-ын дарга илэрхийлэв. Тухайлбал, 2007 онд Монгол Улсын Ерөнхий сайдаар ажиллаж байхдаа ургуулсан улаан буудайн тонн тутамд 60.000 төгрөгийн урамшуулал олгох шийдвэрийг анх гаргасан нь Монгол Улс дотоодынхоо хэрэгцээг бүрэн хангах, улмаар экспортлох хүртэл хэмжээнд хүрснийг онцлоод, стратегийн бүтээгдэхүүн сүү үйлдвэрлэдэг малчдын сааж, үйлдвэрт тушаасан сүүнд урамшуулал олгох боломжтой гэж үзэж байгаагаа хэлж байлаа.

УИХ-ын дарга М.Энхболд тус сумын Үдлэг багийн фермер Д.Лхагважавынд зочилсон юм. Эднийх 100 гаруй үхэртэй, “Алатау” үүлдрийн 26 үнээ сааж байна. Тэрбээр тэжээлийн зардал өндөр байгаа нь фермийн үр ашигт муугаар нөлөөлж байна. Бид тэжээлээ өөрсдөө тарьдаг. Өнгөрсөн жил манай нутагт зуншлага тааруу байсан тул Дорнод, Сэлэнгээс тэжээлээ худалдаж авч байна. Сүүний борлуулалтад урамшуулал олгох, тэжээлийн ургамлын тариалалтыг дэмжих чиглэлээр УИХ, Засгийн газар анхаарч өгвөл бидэнд ихээхэн тус дэм болно гэж байлаа.

 

 

Мөнгөнморьт сум 96.0 мянган толгой малтайгаас дийлэнх нь бод ажээ. Бурхан халдун уулын өвөрт байршилтай тул аялал жуулчлал хөгжих өргөн боломжтой, байгалийн дагалт баялаг болох самар, жимснээс нэлээд орлого олдог онцлогтой сум юм байна. 2017 онд л гэхэд орон нутгийн орлогод 539.6 сая төгрөг төвлөрүүлэх төлөвлөгөөгөө 853.3 саяд хүргэжээ.

Батсүмбэр, Мөнгөнморьт сумын аль алинд цас их унасан ч өвөлжилт хүндрээгүй байна. Улс, аймаг, сумын нөөцөөс малчдаа шаардлагатай өвс, тэжээлээр хангаж байгаа юм байна. УИХ-ын дарга М.Энхболд тус сумдаас УИХ-д сонгогдсон гишүүний хувьд тойргийнхондоо мөн тусламж үзүүлжээ. 

 

 

Уулзалтын үеэр иргэд байгаль орчноо хамгаалах, төрийн албанд сахилга хариуцлагыг дээшлүүлэх, сум орон нутагт улстөржилтийг багасгах, зогсоох, банкны зээлийн хүүг бууруулах, уул уурхайн хайгуул, ашиглалтын лицензийг багасгах зэрэг асуудлуудыг голчлон тавьж байлаа.

УИХ-ын дарга М.Энхболд Батсүмбэр сумын төвд баригдах сурагчдын дотуур байр, Үдлэг багт барих жишиг багийн төв, Мөнгөнморьт суманд баригдах Соёл, спортын төвийн барилгын шав тавих ёслолд ороцлож, дээрх бүтээн байгуулалтын ажилд УИХ-ын гишүүний хувьд байнга анхаарал тавьж, чанар гүйцэтгэлийг нь хянаж байх болно гэдгээ илэрхийллээ гэж УИХ-ын Хэвлэл мэдээлэл, олон нийттэй харилцах хэлтсээсмэдээлэв.   

2018.03.02

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Л.Энхболд охиныхоо компаниар 1,2 тэрбум төгрөг ЖДҮХС-гаас завшжээ

...

Дэлгэрэнгүй » 2018.12.07

Латин бүжгийн формэйшн төрөлд Монгол хүн дэлхийн аварга боллоо

...

Дэлгэрэнгүй » 2018.12.04

Ч.Раднаабазар: Тусгай хамгаалалттай газарт олгосон 65 зөвшөөрлийг цуцалсан

...

Дэлгэрэнгүй » 2018.12.04

Оюутнуудыг тэтгэлэгт төсөлд оролцохыг урьж байна

...

Дэлгэрэнгүй » 2018.12.04

ОБЕГ: Иргэд хуулиар хүлээсэн үүргээ биелүүлж, хамтран ажиллалаа

...

Дэлгэрэнгүй » 2018.12.04

Ерөнхийлөгч Х.Баттулга Ерөнхий сайдын зөвшилцөх бичигт хариу өглөө

...

Дэлгэрэнгүй » 2018.12.04

Нисэх, Телевиз орчмоор агаар хамгийн их бохирдолтой байна

...

Дэлгэрэнгүй » 2018.12.04

Малын түүхий эдийн үнийн мэдээллийг малчдад мессежээр хүргэдэг болно

...

Дэлгэрэнгүй » 2018.12.04

Газар тариалангийн зориулалттай шинэ техник, тоног төхөөрөмжүүдийг хүлээн авлаа

...

Дэлгэрэнгүй » 2018.12.03

Ерөнхий сайд У.Хүрэлсүх Цэцэд ханджээ

...

Дэлгэрэнгүй » 2018.11.29

Ой, хээрийн түймэр бүртгэгдэв

...

Дэлгэрэнгүй » 2016.07.05

Бямба гаригт бүх нийтийн цэвэрлэгээтэй

...

Дэлгэрэнгүй » 2016.04.12

Сар шинийн баяраар Төрийн банк ажиллана

...

Дэлгэрэнгүй » 2017.03.03

БНСУ-д ажиллахыг хүсэгчдийн бүртгэл дууслаа

...

Дэлгэрэнгүй » 2017.03.10

НМХГ: Шонхор шувууг зөвшөөрөлгүй барьсан Катар иргэдийг саатуулсан

...

Дэлгэрэнгүй » 2015.10.07

МАРКЕТИНГ КОНФЕРЕНЦ 2016

...

Дэлгэрэнгүй » 2016.04.18

Виктория Райдос зөвлөж байна

...

Дэлгэрэнгүй » 2017.02.16

Бяцхан миссүүд хар далайн эрэг дээр мод тарьжээ

...

Дэлгэрэнгүй » 2017.04.20

Б.Лхагважав: Бидэнд эдийн засгийн эрх чөлөө хэрэгтэй байна

...

Дэлгэрэнгүй » 2018.06.19

"Төрийн мэдээлэл" эмхтгэлийн 2016 оны 10 дахь дугаарын тойм

...

Дэлгэрэнгүй » 2016.03.11

Хан-Уулын бүтээн байгуулалт үргэлжилсээр ...

...

Дэлгэрэнгүй » 2016.04.11

“Арвайн үндэс” компани Түргэн тусламжийн төвтэй хамтран сургалт зохион байгууллаа

...

Дэлгэрэнгүй » 2015.09.23

“Батзүү” ХХК шинэ санаачилга гаргалаа

...

Дэлгэрэнгүй » 2015.10.07

Их эзэн Чингис хааны хөшөөнд хүндэтгэл үзүүллээ

...

Дэлгэрэнгүй » 2018.11.08