Ж.Мөнхжаргал: Вьетнамаас ажиллах хүч авах тухай яриа хэлэлцээр хийгдээгүй

УИХ-ын даргын зөвлөх Ж.Мөнхжаргалтай ярилцаж, зарим асуудлаар тодруулга авлаа.

 

-УИХ-ын даргын Вьетнамд хийсэн албан ёсны айлчлалын талаар товч мэдээлэл өгнө үү?

-УИХ-ын дарга М.Энхболд тэргүүтэй Монголын парламентчдын төлөөлөл БНСВУ-ын Ханой хотноо энэ сарын 18-20-нд Ази, Номхон далайн орнуудын парламентын чуулганы 26-р хуралдаанд оролцсон. Үргэлжлүүлээд БНСВУ-ын Үндэсний ассамблейн дарга, хатагтай Нгуен Тхи Ким Нганы урилгаар албан ёсны айлчлал хийгээд ирлээ.

Айлчлал маш амжилттай болсныг тэмдэглэе. БНСВУ-ын нам, төрийн дөрвөн өндөрлөг бүгд УИХ-ын дарга М.Энхболдыг хүлээн авч уулзсан нь айлчлалыг төрийн хэмжээнийх болголоо. Хоёр парламентын тэргүүн нар албан ёсны хэлэлцээ хийж, Улсын Их Хурал, БНСВУ-ын Үндэсний ассамблей хоорондын хамтын ажиллагааны Санамж бичигт гарын үсэг зурсан. Хоёр орны харилцааны нэн чухал бүхий л асуудлуудаар санал бодлоо солилцлоо. Товчоор энэхүү айлчлал хоёр орны уламжлалт, найрсаг харилцааг шинэ агуулгаар баяжуулсан чухал ач холбогдолтой айлчлал болсон гэж дүгнэж болно.
 

-Тухайлбал ямар асуудлуудыг голлон хөндөж ярилцсан бэ?

-Мэдээж хэрэг, хууль тогтоох байгууллага хоорондын нэгэнт тогтсон харилцааг цааш өргөжүүлэн гүнзгийрүүлэхэд чухал алхам болсон. Түүнчлэн худалдааны эргэлтийг нэмэгдүүлж, хоёр талтай болгох, аж үйлдвэр, аялал жуулчлал, барилга, хот байгуулалт, дэд бүтэц, уул уурхай зэрэг салбарт харилцан хөрөнгө оруулахыг дэмжих, Засгийн газар хоорондын комиссын хуралдаанаар шийдвэрлэсэн экспорт, импортын бүтээгдэхүүний нэр төрөл, тоо хэмжээг өсгөх, Вьетнамын Засгийн газрын тэтгэлгээр суралцах оюутны тоог нэмэх, уур амьсгалын өөрчлөлт, агаар, хөрс, усны бохирдлоос сэргийлэх хамтарсан төсөл хөтөлбөр хэрэгжүүлэх,  бизнесийн салбарын үр өгөөжийг нэмэгдүүлэхийн тулд агаарын болон төмөр замын тээврийн асуудлыг шийдвэрлэх зэрэг асуудлыг хөндөж ярилцсан. Мөн НҮБ-аас дэмжиж Улаанбаатарт байгуулагдсан далайд гарцгүй хөгжиж буй орнуудын хамтарсан судалгааны төвийн үйл ажиллагааг идэвхжүүлэх талаар Вьетнамын талд тавьсан саналыг дэмжиж байгаагаа илэрхийлсэн. Түүнчлэн бүс нутаг, олон улсын байгууллагын тавцанд хоёр тал бие биеийг харилцан дэмждэг байр сууриа цаашид хэвээр хадгалахаа нотоллоо.
 

-Айлчлалын дараа М.Энхболд дарга Вьетнамаас ажиллах хүч оруулж ирэх хэлэлцээ хийжээ гэдэг яриа нийгмийн сүлжээгээр нэлээд явсан, энэ үнэн юм уу?

-Шууд хариулья, худлаа. Айлчлалын үеэр Монгол Улс Вьетнамаас ажиллах хүч авах тухай ямар нэгэн яриа хэлэлцээр болоогүй гэдгийг хамт явсан хүний хувьд хариуцлагатайгаар хэлэх байна.

 

-Тийм үү. Ер нь УИХ-ын даргын талаар үнэн худал нь мэдэгдэхгүй таагүй мэдээлэл ялангуяа нийгмийн сүлжээнд их гарах юм. Энэ талаар ямар байрь суурьтай байна вэ?

-Ор үндэсгүй хуурамч мэдээ, илт худлаа мэдээлэл, гүтгэлэг нь сошл орчинд түймэр мэт маш хурдан түгдэг онцлогтой. Тиймээс энэ орон зайг ашиглаж, бусдын нэр төрд эрээ цээргүй халдах явдал газар авч байна. Үндсэндээ 2017 оны Ерөнхийлөгчийн сонгуулийн үеэс эхэлсэн гүтгэлэг, доромжлол өнөөдөр ч үргэлжилсээр байна. М.Энхболд гэдэг хүнийг муухай харагдуулах, харлуулах зорилготой кампанит ажлыг тодорхой бүлэг этгээдээс зохион байгуулалттай явуулдаг нь тогтоогдож байгаа. Түүний мэдлийн шатахуун түгээх газрууд хомсдол үүсгэлээ, шүдийг нь фотошопоор шарлуулаад яг хужаа гэх юм уу, Засгийн газрын хуралдаанд орж өвлийн морин уралдаан явуулахыг шаардлаа гэх мэт нь цэвэр гүтгэлэг юм.

М.Энхболд гэдэг улстөрч “бурхан” биш. Тиймээс алдаа оноо байхыг үгүйсгэхгүй. Гэвч шууд л эрээ цээргүй гүтгэж, доромжилж байгаа нь зохион байгуулалтай, зорилготой байна.Тухайлбал “C1” телевиз, “breakingnews.mn” сайт, фэйсбүүкийн “оффшор групп”, “МАНАН-гийн эсрэг” зэрэг пэйжүүдээр нэр бүхий этгээдүүд илт гүтгэлгийн агуулгатай пост, постеруудыг удаа дараа тодорхой давтамжтай явуулсаар байгаа. Энэ мэт хэвлэл мэдээллийн хэрэгсэл болоод хувь хүмүүс бусдын нэр төрд санаатай халдаж гүтгэсэн нь “Зөрчлийн тухай” хуулийн 6.21 дэх заалтыг зөрчиж байх тул хууль хяналтын байгууллагад хандаад байна.

Энэ дашрамд иргэд, олон нийт, нийгмийн сүлжээний хэрэглэгчдэд хандаж дээрх хаягуудаар явуулж буй гүтгэлгийн шинжтэй хуурамч мэдээллүүдэд автахгүй байхыг зөвлөе.
 

-Хойшид нийгмийн сүлжээ хэрэглэгчдийн хариуцлага, ёс зүйн асуудал улам л эрчимтэй хөндөгдөх байх гэж бодож байна. Сэргийлэх, зогсоох арга хэмжээ авах боломж бий юү?

-Зөвхөн манайд ч биш, бусад улс орнууд дээрх асуудлыг үндэсний аюулгүй байдлын хэмжээнд авч үзэж байна. Тэгэхээс ч өөр арга алга. БНСУ, Герман, Франц зэрэг орнууд хуурамч мэдээлэл түгээсэн хаяг болон хэвлэл мэдээллийн хэрэгсэлд торгууль ногдуулж, шаардлагатай бол хааж байна. Хэн нь мэдэгдэхгүй хуурамч хаягуудыг хааж, зөвхөн бүртгэлтэй хаягуудыг ашиглах зөвшөөрөл олгож байгаа. Манайд энэ асуудал өвчнөөр бол хавдрын хэмжээнд хүрлээ.Тиймээс хортой болохоос нь өмнө цахим орчны харилцааг зохицуулах эрх зүйн орчныг бий болгох цаг ирснийг хэлэх байна.

Монгол Улс ардчилсан засаглалтай, хүний эрх, эрх чөлөөг Үндсэн хуулиараа тунхагласан орон. Тиймээс хуульд захирагдах нь иргэн бүрийн үүрэг. Үүргээ бүгдээрээ ухамсарлахыг уриалж байна. Цөөхөн монголчууд бие биенээ гутаан доромжлоход биш, өөрийгөө хөгжүүлэх, улс орныхоо сайн сайхан ирээдүйн үйл хэрэгт цагаа зарцуулаасай гэж хэлмээр байна. Талцаж муудалцах биш, тал талаасаа эвлэж байж л Монгол орон бүрэн бүтэн оршин тогтноно шүү дээ.
 

-Танд баярлалаа.

 

Б.Оршил

"Өнөөдөр" сонин

2018.01.29

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Ж.Мөнхбат: Сангийн сайд Ч.Хүрэлбаатар тооны хулгайгаар амташч гаршсан байна

...

Дэлгэрэнгүй » 2018.10.15

Шатахууны үнийн өсөлтийн талаар мэдээлэл хийлээ

...

Дэлгэрэнгүй » 2018.10.09

Хөдөлмөрийн баатар Д.Пүрэвдоржийн нэрэмжит наадам болно

...

Дэлгэрэнгүй » 2018.10.09

Жирийн иргэдийн бизнес хөгжих үү, хөших үү гэдгийг хууль тогтоогчид шийдэх цаг ирлээ

...

Дэлгэрэнгүй » 2018.10.01

“Босоо хөх Монгол” ТББ-ын тэргүүнээр МУ-ын харцага Г.Ганхуяг сонгогджээ

...

Дэлгэрэнгүй » 2018.09.26

Утаа тортгийн хэмжээ хэтэрсэн зөрчилтэй автобус нийтийн тээвэрт явж байжээ

...

Дэлгэрэнгүй » 2018.09.26

Монгол банк ам.долларын өсөлтийг "ажиглаж" байна

...

Дэлгэрэнгүй » 2018.09.26

Чойжин ламын музейн хашаанд доторх барилгыг албадан буулгаж эхэллээ

...

Дэлгэрэнгүй » 2018.09.26

"Хүүхдийн баяр" нэгдсэн арга хэмжээний хөтөлбөр

...

Дэлгэрэнгүй » 2016.06.01

Нийгмийн даатгалаа нөхөн төлөх боломжтой

...

Дэлгэрэнгүй » 2015.11.02

Түрээсийн орон сууцанд орох иргэдийг бүртгэнэ

...

Дэлгэрэнгүй » 2017.03.02

УИХ-ын дарга М.Энхболд нийслэлийн удирдлагуудыг хүлээн авч уулзав

...

Дэлгэрэнгүй » 2016.07.07

Зам чөлөөлөхөд тусалсан нийгмийн цахим сүлжээнийхэнд баярлалаа

...

Дэлгэрэнгүй » 2017.05.18

Дарханчууддаа зориулж S.Outlet дэлгүүр онцгой хямдрал зарлалаа

...

Дэлгэрэнгүй » 2016.04.14

Б.Чулуудай оффшор дансныхаа талаар албан ёсны тайлбар хийлээ

...

Дэлгэрэнгүй » 2016.05.10

Хаан банканд итгэж болохгүй шалтгаан

...

Дэлгэрэнгүй » 2016.03.23

Цөс ихтэй, халуун цустай тэнгэрийн үр садад зориулав

...

Дэлгэрэнгүй » 2017.02.15

Тариалангийн тухай хууль батлагдлаа

...

Дэлгэрэнгүй » 2016.01.30

Сэтгэлийнхээ өнгөөр хорвоог уярааж яваа бүсгүй

...

Дэлгэрэнгүй » 2017.04.27

МУ-ын Ерөнхий Прокурор, Төрийн хууль цаазын тэргүүн зөвлөх М.Энх-Амгалан танаа

...

Дэлгэрэнгүй » 2015.10.13

Хуримын зураг татуулахад хамгийн тохиромжтой газрууд

...

Дэлгэрэнгүй » 2015.08.25

Хувьцааны ногдол ашгийг өөрийн дансаар л хүртэх боломжтой

...

Дэлгэрэнгүй » 2018.09.17

Сургууль, цэцэрлэгийн хангамжийг сайжруулж өгөхийг хүсчээ

...

Дэлгэрэнгүй » 2016.03.13

Өнөөдрөөс эхлэн жолоочийн зөрчлийн оноог тооцно

...

Дэлгэрэнгүй » 2016.02.01