Хүүхэддээ ОНЦ сурах нь чухал гэж бүү сургаарай

Хүн бүр үр хүүхдээ ихийг сурч, өөрийнхөө бүтээж чадаагүй тэр амжилтын оргилд гарч, амьдралаас сайн сайхныг амсаж мэдрээсэй гэж хүсдэг. Тиймдээ ч үр хүүхдээ сайн хүн болгож өсгөх гэж хичээхийн зэрэгцээ, онц сайн сурахыг зааж зөвлөдөг. Гэхдээ энэ нь хэтэрвэл хүүхдийн хүмүүжилд сөргөөр нөлөөлөх эрсдэлтэйг сэтгэл зүйч анхааруулж байна. 

Та бидний түлхүү гаргадаг дараах хандлага таны хүүхдэд хэрхэн нөлөөлдөг тухай сэтгэл зүйч Т.Хонгорзул зөвлөж байна. 

1. ХҮҮХДЭЭ СУРГУУЛИАС ӨМНӨ УНШУУЛЖ БИЧҮҮЛЭХ ГЭЖ ХИЧЭЭХ ХЭРЭГГҮЙ 

Сургуулиас өмнөх нас буюу 4-6 нас бол хүүхдийн тоглоомын нас байдаг. Энэ насан дээрээ хүүхдүүд тоглоомоор дамжуулан нийгмийн харилцааны ур чадвар, асуудлыг шийдвэрлэх, хийсвэрлэн бодох чадвар гэх мэт олон ур чадваруудад суралцаж байдаг. 

Энэ насан дээр заавал уншуулж бичүүлж сургах гээд хүчлэх хэрэггүй байдаг. Судалгаагаар эрт уншиж бичсэнээр үеийнхээ хүүхдүүдээс түрүүлж гоц хөгждөггүй гэдгийг баталсан байдаг. 

2. ХҮҮХДЭДЭЭ ОНЦ СУРАХ НЬ ХАМГИЙН ЧУХАЛ ЗОРИЛГО ГЭДЭГ ОЙЛГОЛТЫГ ӨГӨХ ХЭРЭГГҮЙ 

Эцэг, эхчүүд хүүхэддээ хамгийн сайн боловсрол олгоход санаа тавих нь зүйн хэрэг юм. Хэдий тийм боловч зөвхөн дүнгийн үзүүлэлтээр хүүхдийнхээ сурлага хөдөлмөрийг хэмжвэл өрөөсгөл ойлголт болно. Сургалтын системийн үнэлгээ нь тэр бүр хүүхдийн сурсан зүйлсийг тоон хэмжүүрээр бодитой гаргаж чаддаггүй. Тиймээс авсан дүнгээр нь хүүхдээ юм сурдаггүй хоосон толгой гэж үнэлэх нь хүүхдийн өөрийн үнэлэмжинд сөргөөр нөлөөлөх тал бий. 

Энэ зөвхөн эцэг, эхчүүдэд хамаатай бус багш сурган хүмүүжүүлэгч нарт ч хамаатай бөгөөд тухайн хичээл дээр гоц сайн сурсангүй гэж хүүхдийг хэл амаар доромжлон гутаах ялангуяа олон хүүхдүүдийн өмнө ичгүүрт оруулах нь хүүхдийн үнэлэмжинд нөлөөлж сэтгэл санааны хямралд оруулах нь бий. 

3. ТӨГС ОНОО БУС ТӨЛӨВШСӨН ХҮН БОЛОХ НЬ ЧУХАЛ

Хүүхдийн өөрийн үнэлэмж төгс тоон хэмжүүр дээр тогтож байвал, заавал 100 оноо авах ёстой гэсэн бодолтой хүүхдийн хувьд 98 оноо авахаараа сэтгэлээр унаж эхэлдэг. Өөрийгөө 100 л авахгүй бол хангалттай сайн биш гэсэн ойлголт тухайн хүүхдэд төрдөг учир хэдийгээр онц дүнтэй байсан ч төгс онооны хойноос улайран яваандаа энэ нь түгшүүрийн эмгэг төдийгүй сэтгэл гутралд орох аюултай байдаг. 

Энэхүү бодол нь эцэг, эхчүүд болон сурган хүмүүжүүлэгч нарын хүүхэддээ багаас  нь суулгасан итгэл үнэмшилтэй холбоотой байдаг. 

Төгс төгөлдөр оноогоор өөрийгөө үнэлж өссөн хүүхэд өсөж том болоод ажил дээр гараад өөртөө төдийгүй бусад хамтран ажиллагсаддаа өндөр шаардлагыг тавьж улмаар сэтгэлд нь хүртэл үр дүн үзүүлж чадахгүй тохиолдолд харилцааны асуудалд ордог. Улмаар бусдын санаа бодлоос илүү зөвхөн өөрийнхөө санаа бодлыг хамгийн сайн нь хэмээн итгэж багаар хамтран ажиллахад хүндрэл учирдаг.  Түүнчлэн бусдыг өөлөн шүүмжилж, бусадтай таарч тохирохгүй зожгирох хандлагатай болдог. 

4. ЗАН ЧАНАР ТӨЛӨВШЛИЙГ ТОДОРХОЙЛНО 

Барууны орнуудын сургалтын системд хүүхдийг төлөвшүүлэх буюу эерэг зан чанарыг онцолсон хөтөлбөрүүдийг чухалд тооцдог бөгөөд бага ангиас нь эхэлж заан сургадаг. Тухайлбал, бага ангийн хүүхдүүдэд бусдыг энэрэн хайрлах талаар хөдөлгөөнийг өрнүүлэн хөгжлийн бэрхшээлтэй хүүхдүүдтэй цагийг өнгөрүүлэн тэдэнд ямар хүндрэл бэрхшээл байдгийг биеэр харж мэдрэх, өвчтэй зовлонтой хүүхдүүдэд хандив өргөх, хогоо гудманд хаяхгүй байх, байгаль орчноо хайрлан хамгаалах, хүндлэх мэндлэх ёсонд сургах, настай хүмүүст хүндлэлтэй хандах, олон нийтийг хамарсан аливаа ажилд гар бие оролцох гэх мэт олон хөтөлбөрийг хэрэгжүүлдэг. 

Хүүхдээ багаас нь нийгмийн хамтач сэтгэлгээнд сургах нь чухалд тооцогддог бөгөөд энэ нь эргээд зөвхөн амин хувиа хичээсэн биш харин бусдын эрх ашгийг боддог улс эх орноо гэсэн сэтгэлгээг суулгаж өгдөг. 

Түүнчлэн гэр бүлийн үнэ цэнэ, эрсдэлтэй зан үйлээс татгалзах, харилцааны ур чадвар, асуудлыг шийдвэрлэх чадвар гэх мэт зүйлсүүдэд сургаснаар эргээд нийгмийн аливаа асуудал болох салалт, хүсээгүй жирэмслэлт, бүх төрлийн донтолт гэх мэтүүдээс урьдчилан сэргийлж чадна.

Т.Хонгорзул

2018.01.24

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.
  • Шинэ
  • Их уншсан
  • Их сэтгэгдэлтэй

Азийн Силикон Валлей гэж нэрлэгддэг Сингапур улсад Монголын компаниудыг Азийн зах зээлд гаргах хөтөлбөр

...

Дэлгэрэнгүй » 2019.03.21

Хаврын улиралд ашигтай 5 дасгалыг танилцуулж байна

...

Дэлгэрэнгүй » 2019.03.21

Д.Эрдэнэсувд: Үндэслэлгүйгээр хөрөнгөжсөн хэрэгт нэр бүхий долоон шүүгчийг шалгаж байна

...

Дэлгэрэнгүй » 2019.03.21

Монгол Улс эдийн засгийн цагаачтай орон болов уу

...

Дэлгэрэнгүй » 2019.03.21

KFC хэдий болтол иргэдийг хохироох вэ?

...

Дэлгэрэнгүй » 2019.03.21

Б.Жаргалсайхан: УИХ-ын гишүүд "завсарлага" нэрээр зальдан морь малаа эргэсээр байх уу...

...

Дэлгэрэнгүй » 2019.03.21

Н.Оюунцэцэг: Энэ ондоо “U Money“ карт цэнэглэх цэгийн тоог 650-д хүргэнэ

...

Дэлгэрэнгүй » 2019.03.21

Нара: Батцацралаа чи ичиж амьдар

...

Дэлгэрэнгүй » 2019.03.21

Монгол Улс эдийн засгийн цагаачтай орон болов уу

...

Дэлгэрэнгүй » 2019.03.21

Байнгын хороодын дарга нар томилогджээ

...

Дэлгэрэнгүй » 2016.07.22

Цагдаагийн байгууллагын нээлттэй хаалганы өдөрлөг болно

...

Дэлгэрэнгүй » 2016.05.13

Маргааш Ерөнхий цэргийн өдөр

...

Дэлгэрэнгүй » 2016.05.13

Хаврын тариалалт 60.1 хувьтай үргэлжилж байна

...

Дэлгэрэнгүй » 2016.05.25

Төрийн банкны баг тамирчид “Банкир-2016” сагсан бөмбөгийн тэмцээний шилжин явах цомын эзэд боллоо

...

Дэлгэрэнгүй » 2016.05.31

УИХ-ын гишүүн Х.Баттулгын албан өрөөнд Цагдаагийн тусгайгийнхан хүчээр дайран оржээ

...

Дэлгэрэнгүй » 2016.04.11

ВИДЕО: Ч.Улаан, Д.Тэрбишдагва нар МАХН-аас гарч МАН-д элсэнэ гэдгээ мэдэгдлээ

...

Дэлгэрэнгүй » 2016.05.04

МАН-ын сүүдэрт АН хөдөлгөөн хийнэ

...

Дэлгэрэнгүй » 2015.07.07

Д.Оюунхорол: Иргэний өгсөн мэдээлэл баталгаажсан тохиолдолд торгуулийн 15 хувиар урамшуулна

...

Дэлгэрэнгүй » 2017.06.30

Ардын намын горилогчидтой танилц

...

Дэлгэрэнгүй » 2016.01.07

2017 онд Япон, БНСУ, Австрали зэрэг улсуудад хөдөлмөрийн гэрээгээр ажиллуулна

...

Дэлгэрэнгүй » 2017.02.23

Зөв зам дээр байвал ганцаараа ч явж болно

...

Дэлгэрэнгүй » 2016.03.30

“GRANDEXPO-2015″ наадмын дүн гарлаа

...

Дэлгэрэнгүй » 2015.12.03

“Адуунчулуун”-ы нүүрсний уурхайд гал гарчээ

...

Дэлгэрэнгүй » 2016.04.12

Эрүүл мэндийн системийг цахимжуулах шаардлагатай

...

Дэлгэрэнгүй » 2017.03.31