Их сургуулийн Эмнэлэг, сургалтын цогцолбор байгуулахад шаардлагатай хөрөнгө оруулалтыг шийдвэрлүүлэх хүсэлт тавилаа

Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны гишүүд Анагаахын шинжлэх ухааны үндэсний их сургуульд ажиллав.

Байнгын хорооны бүрэлдэхүүнд УИХ-ын дэд дарга Л.Энх-Амгалан, УИХ-ын гишүүн Ё.Баатарбилэг, М.Оюунчимэг, Б.Саранчимэг, Г.Мөнхцэцэг нар багтлаа.

Мөн Эрүүл мэндийн яам, Боловсрол, соёл, шинжлэх ухаан, спортын яамны Төрийн нарийн бичгийн дарга нар байлцав.

Эхлээд сургуулийн захирал Г.Батбаатар сургуулийнхаа өнөөгийн байдал, цаашдын зорилтын талаар дэлгэрэнгүй танилцуулга, мэдээлэл хийсэн.

Мэдээлэлдээ, “Манай хамт олон Монгол Улсад анх удаа Их сургуулийн Эмнэлэг, сургалтын цогцолбор байгуулах төслийг 2016 оноос хэрэгжүүлж эхэлсэн бөгөөд тус цогцолборт Сургалтын эмнэлэг, Анагаах ухааны сургууль, Монгол Анагаах ухааны олон улсын сургуулийн хичээлийн байр, Уламжлалтын эмнэлэг, Хичээлийн 4 байр, Оюутны соёлын төв, спорт цогцолбор, 1200 оюутны байр, Багш, ажилчдын орон сууц багтаж байна. Сургалтын эмнэлэг 2018 оны долдугаар сард ашиглалтад орохоор төлөвлөгдсөн. Цогцолбороор нь 2020 оны эхний улиралд ашиглалтад оруулах юм. Энэ төсөлд нийт 234.8 тэрбум төгрөг шаардлагатайгаас 176.7 тэрбум нь Япон Улсын Засгийн газрын буцалтгүй тусламжаар шийдэгдсэн. Тодорхой хувийг эмнэлэг өөрийн төсвөөс бүрдүүлж байгаа бол улсын төсвөөс Цогцолборын үйл ажиллагааг эхлүүлэх гарааны хөрөнгө оруулалт болох 16.9 тэрбум, Сургалтын эмнэлэгийн барилгад шаардагдах 14.3 тэрбум төгрөг гаргахаар шийдвэрлэсэн. Япон Улсын Засгийн газартай байгуулсан Цогцолборыг хүлээн авч байгаа орны Засгийн газар 10 хувийн санхүүжилтийг гаргах гэрээний заалтын дагуу улсын төсвөөс шаардлагатай санхүүжилт гарах юм” гэв.

Тэрбээр танилцуулгынхаа төгсгөлд Улсын төсвөөс гаргах санхүүжилтийг 2018 оны төсөвт тусган шийдвэрлэх, Оюутны дотуур байр барих газрын зөвшөөрлийг олгохоос татгалзсан Нийслэлийн Хот төлөвлөлт, ерөнхий төлөвлөгөөний газрын орлогч дарга Ц.Тулгын гарын үсэгтэй шийдвэр гарсан учир газрын зөвшөөрөл олгоход дэмжлэг үзүүлэх гэсэн хүсэлтийг Байнгын хорооны гишүүдэд тавилаа.

Дараа нь Ардын багш, Хүний гавъяат эмч Д.Малчинхүү, Х.Гэлэгжамц, Ж.Баасанхүү тэргүүтэй эрүүл мэндийн салбараас төрсөн үе үеийн эрдэмтэн багш нар санал сэтгэгдлээ хэлэв. Тэд 75 жилийн түүхтэй Анагаахын шинжлэх ухааны үндэсний их сургууль Сургалтын эмнэлэгтэй байх нь нэн чухал. Япон Улсын Засгийн газар 90 шахам хувийн хөрөнгө оруулалтыг шийдчихсэн учир манай улс 10 хувийн хөрөнгө оруулалтыг хойш нь тавилгүй шийдэх шаардлагатай. Анагаахын шинжлэх ухааны үндэсний их сургуульд олон орны Их сургуулийн эмнэлгүүдтэй хамтарч ажилладаг чадварлаг, мэргэшсэн багш нар олон бий. Тэднийхээ чадлыг эх орондоо ашиглаж, ард түмнийхээ эрүүл мэндийг хамгаалахад энэ Эмнэлэг, сургалтын цогцолборыг ашиглалтад оруулах асуудал маш чухал юм. Дэлхийн олон оронд Анагаахын том сургууль нь дэргэдээ эмнэлэгтэй байдаг жишиг манайд ч нэвтрэх ёстой. Энэ жишгийн дагуу Их сургуулийн эмнэлгийн суурь загварчлалыг бий болгохын төлөө хичээн ажиллаж байгаа хамт олныг дэмжиж байна хэмээн сэтгэгдлээ хэлэв. Мөн Эрдмийн зэрэг хамгаалах зөвлөл болон Эрүүл мэндийн даатгалын тухай хуулийн дагуу ахмад настнуудад хөнгөлттэй үнээр эм олгодог үйл ажиллагаанд шүүмжлэлтэй хандаж, засч залруулах шаардлага байгаа талаар саналаа хэллээ.


Үүний дараа Байнгын хорооны гишүүн Ё.Баатарзориг, М.Оюунчимэг, Г.Мөнхцэцэг, Б.Саранчимэг нар байр сууриа илэрхийлсэн. УИХ-ын гишүүд эмч нартай санал нэг байгаагаа илэрхийлж, Эмнэлэг, сургалтын цогцолборыг ашиглалтад оруулахад улсын төсвөөс гаргах санхүүжилт болон бусад тулгамдсан асуудлыг шийдвэрлэж ажиллахаамэдэгдэв.

Төгсгөлд нь УИХ-ын дэд дарга Л.Энх-Амгалан хэлсэн үгэндээ “Төсөл амжилттай хэрэгжсэнээр олон улсын стандартад нийцсэн эмнэлгийн тусламж, үйлчилгээг ард иргэдэд хүргэх боломжтой болох учир бүх талаар дэмжин, хамтран ажиллана. УИХ-аар батлагдсан Эрүүл мэндийн даатгалын тухай хууль, Эмнэлгийн тусламж, үйлчилгээний тухай хууль хэрэгжиж эхлэхэд тулгамдсан асуудлуудыг шийдвэрлэх боломж бололцоо нэмэгдэнэ. Мөн Эрүүл мэндийн салбарт төрөөс баримтлах бодлогын баримт бичиг гарсантай уялдуулж та бүхний танилцуулсан шинэчлэлийн асуудлыг шийдээд явах боломжтой.

Нийгмийн бодлого, боловсрол, соёл, шинжлэх ухааны байнгын хороо Эрүүл мэндийн даатгалын санг бие даалгах түүхэн шийдвэр гаргасан. Энэ нь эрүүл мэндийн салбарыг төрөөс дэмжиж байгаа маш том хөшүүрэг юм. Ардын багш, гавъяат эмч та бүхний үгийг сонсоход маш таатай байлаа. Эмнэлгийн хамт олон, эмч, багш, та бүхэндээ сайн сайхан бүхнийг хүсье” хэмээлээ гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

2017.10.31

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.
  • Шинэ
  • Их уншсан
  • Их сэтгэгдэлтэй

Шат нураахаас өөр хийх ажилгүй улс юм байх даа?

...

Дэлгэрэнгүй » 2018.10.19

Магистр, докторын сургалтандаа элсэлт авч дуусахад цөөхөн хоног үлджээ

...

Дэлгэрэнгүй » 2018.10.19

Д.Батсайханы гэр бүлд талийгаачийн 120 сарын үндсэн цалин болох 76 сая төгрөгийн тэтгэмжийг олгохоор болжээ

...

Дэлгэрэнгүй » 2018.10.19

Согтуугаар жолоо барьж хөдөлгөөнд оролцвол 7-30 хоног баривчилж, сая хүртэлх төгрөгөөр торгоно

...

Дэлгэрэнгүй » 2018.10.19

Ирэх жил 42 мянган тонн нүүрс экспортолно

...

Дэлгэрэнгүй » 2018.10.19

Эксим банкны 150 сая долларын хөнгөлөлттэй зээлийн хөрөнгөөр арван аймагт ДЦС байгуулна

...

Дэлгэрэнгүй » 2018.10.19

Улаанбаатар хотын ойролцоо дагуул, эко хот байгуулах төслийг Меркель дэмжин ажиллахаа мэдэгдэв

...

Дэлгэрэнгүй » 2018.10.19

Эх орныхоо тусгаар тогтнолыг, бүх ард түмнийхээ санал асуулгаар тунхаглан баталгаажуулсан түүхт 73 жилийн ойн мэндчилгээ

...

Дэлгэрэнгүй » 2018.10.19

Түрээсийн орон сууцанд орох иргэдийг бүртгэнэ

...

Дэлгэрэнгүй » 2017.03.02

УИХ-ын дарга М.Энхболд нийслэлийн удирдлагуудыг хүлээн авч уулзав

...

Дэлгэрэнгүй » 2016.07.07

Дарханчууддаа зориулж S.Outlet дэлгүүр онцгой хямдрал зарлалаа

...

Дэлгэрэнгүй » 2016.04.14

Б.Чулуудай оффшор дансныхаа талаар албан ёсны тайлбар хийлээ

...

Дэлгэрэнгүй » 2016.05.10

Хаан банканд итгэж болохгүй шалтгаан

...

Дэлгэрэнгүй » 2016.03.23

НМХГ: Шонхор шувууг зөвшөөрөлгүй барьсан Катар иргэдийг саатуулсан

...

Дэлгэрэнгүй » 2015.10.07

Д.Амарбаясгалангаар ахлуулсан ажлын хэсэг орон нутагт ажиллалаа

...

Дэлгэрэнгүй » 2017.03.20

МАХН-ын Бага чуулган эхэллээ

...

Дэлгэрэнгүй » 2016.04.19

A PHP Error was encountered

Severity: Warning

Message: mysql_fetch_array() expects parameter 1 to be resource, boolean given

Filename: views/tabnews.php

Line Number: 147