Даварсан “МИН ТРАНС” компанитай хариуцлага тооцсон төрийн байгууллага буруутан болох уу?


Жолооч, зорчигчдын эрх ашгийг уландаа гишгэсэн   “МИН ТРАНС” компанийн удирдлагуудад хариуцлага тооц!

Хуулийн хэм хэмжээг дагаж мөрдөхгүй байвал хариуцлага тооцдог байх нь зүй ёсны асуудал. Тиймээс ч хариуцлагагүй үйлдэл гаргасан байгууллага хийгээд иргэдэд хуульд нийцсэн арга хэмжээ авах нь төрийн байгууллагын үүрэг юм. Тухайлбал, Авто тээврийн үндэсний төвтэй гэрээ байгуулан ажиллаж байсан “МИН ТРАНС”  компани нь гэрээ болон Авто тээврийн тухай хуулийг удаа дараа зөрчсөн учраас, төрийн байгууллагын зүгээс гэрээг цуцалжээ. Гэтэл тус компанийн зүгээс өөрсдийнхөө эрх ашгийг зөрчлөө хэмээн чарлаж байгаа юм. Тээврийн салбарт хариуцлагыг чанд мөрдөхгүй бол ард нь  эрдэнэт хүний амь нас, эрүүл мэндэд ноцтой аюул тулгарч байдаг.

Тиймээс ч хариуцлага бас дахин хариуцлагыг энэ салбарынхан хамгийн түрүүнд анхаарах ёстой юм. Гэтэл зорчигчдын амь нас, эрүүл мэндэд аюул, эрсдэл дагуулж болзошгүй үйлдлүүдийг удаа дараа гаргасан “МИН ТРАНС”  компанийнхан өөрсдийгөө өмөөрөн ярьцгааж, төрийн байгууллагын шийдвэрийг  үл хэрэгсэж буй нь харамсалтай.

Хэрэвзээ “МИН ТРАНС”  компанийн жолооч нар хурд хэтрүүлэх, зорчигчдыг билет бичүүлэхгүй  хууль бусаар тээвэрлэх,  хүмүүсийн ачааг хольж солих, зориулалтын бус газарт ачаа ачих, цаг хугацаандаа гаралгүй чирэгдэл учруулах,  зорчигч тээвэрлэх явцдаа эвдрэл гэмтэл их гаргах зэрэг зөрчлүүдийг удаа дараа гаргаж иргэдийг хохироогоогүй байсан бол төрийн байгууллага тэдэнтэй хариуцлага нэхэж, гэрээг цуцлахгүй байсан шүү дээ.

Авто тээврийн үндэсний төвтэй гэрээтэй ажилладаг  аж ахуйн нэгжүүдээс  хамгийн олон зөрчил гаргасан компани бол  “МИН ТРАНС”  компани юм. Тус  компанийн удирдлагууд харилцааны соёлгүй,  жолооч нараасаа маш их татвар авдаг, техникийн бүрэн бүтэн байдалд нь огт хяналт тавьдаггүй юм билээ. Тиймээс ч жолооч нар нь  татварын дарамтаасаа болж хулгайгаар хүн тээвэрлэдэг нь  тодорхой болсон зүйл. Тэгэхээр тээврийн компаниа удирдаж чадахгүй, жолооч, ажилчиддаа дарамт үзүүлж, улмаар иргэдийг хохироосон үйлдлийг тус компаниас удаа дараа гаргаж өдийг хүрчээ.

Тэгчихээд бас болоогүй хэдэн жолооч нартаа заавар зөвлөгөө өгөн төрийн байгууллагын шийдвэрийн эсрэг жагсаал хийлгээд амжсан. Жолооч нарын ард тэдний амьдрал байгаа гэж тэд хэлнэ лээ. Мэдээж тэрийг хэн ч үгүйсгэхгүй. Гэхдээ нийтийн тээврийн салбарын үйлчилгээ мянга мянган хүний эрдэнэт амь настай холбоотой. Тиймээс ч Авто тээврийн үндэсний төв гэж төрийн байгууллага нэг компанийн эрх ашгаас иргэд зорчигчдын эрх ашгийг дээр тавьж үзэх нь зүй ёсны асуудал юм аа. Элдэв янзаар улстөржүүлэлгүйгээр иргэдийн эрх ашгийг нэгдүгээрт тавьж ажиллах ёстой салбар бол тээврийн салбар шүү дээ.

Авто тээврийн үндэсний төв нь “МИН ТРАНС”  компанитай байгуулсан гэрээг чухам яагаад цуцлах болсон үндэслэлээ тодорхой илэрхийлсэн байна лээ. Харин  “МИН ТРАНС”  компанийн удирдлагууд бол өөрсдөдөө хир халдаахгүй байгаа юм. Уг нь эхлээд гэрээ болон хуулийн дагуу найдвартай үйлчилгээг иргэдэд үзүүлчихсэн бол өдийд “МИН ТРАНС” –ынхан ийм зүйл ярихгүй байх байлаа. Ерөөс тус компанийн удирдлагууд эхлээд хариуцлагатай ажиллах ёстой гэдгээ ухамсарласан байх ёстой байв.

Тэгэхээр ийм нэг хариуцлагагүй байгууллага тээврийн салбарт олон жил зоргоороо аашилж, даварч өдийг хүрчээ. Авто тээврийн үндэсний төв гэж байгууллага өөрийн эрх үүргийн хүрээнд тус байгууллагад хариуцлага тооцон, гэрээ цуцалсан биш буруутан болж чичлүүлж байгаа аж. Гэсэн ч даварсан  “МИН ТРАНС” компанитай  хариуцлага тооцож чадсан нь сайн хэрэг юм.

2017.10.13

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.
  • Шинэ
  • Их уншсан
  • Их сэтгэгдэлтэй

Шат нураахаас өөр хийх ажилгүй улс юм байх даа?

...

Дэлгэрэнгүй » 2018.10.19

Магистр, докторын сургалтандаа элсэлт авч дуусахад цөөхөн хоног үлджээ

...

Дэлгэрэнгүй » 2018.10.19

Д.Батсайханы гэр бүлд талийгаачийн 120 сарын үндсэн цалин болох 76 сая төгрөгийн тэтгэмжийг олгохоор болжээ

...

Дэлгэрэнгүй » 2018.10.19

Согтуугаар жолоо барьж хөдөлгөөнд оролцвол 7-30 хоног баривчилж, сая хүртэлх төгрөгөөр торгоно

...

Дэлгэрэнгүй » 2018.10.19

Ирэх жил 42 мянган тонн нүүрс экспортолно

...

Дэлгэрэнгүй » 2018.10.19

Эксим банкны 150 сая долларын хөнгөлөлттэй зээлийн хөрөнгөөр арван аймагт ДЦС байгуулна

...

Дэлгэрэнгүй » 2018.10.19

Улаанбаатар хотын ойролцоо дагуул, эко хот байгуулах төслийг Меркель дэмжин ажиллахаа мэдэгдэв

...

Дэлгэрэнгүй » 2018.10.19

Эх орныхоо тусгаар тогтнолыг, бүх ард түмнийхээ санал асуулгаар тунхаглан баталгаажуулсан түүхт 73 жилийн ойн мэндчилгээ

...

Дэлгэрэнгүй » 2018.10.19

Түрээсийн орон сууцанд орох иргэдийг бүртгэнэ

...

Дэлгэрэнгүй » 2017.03.02

УИХ-ын дарга М.Энхболд нийслэлийн удирдлагуудыг хүлээн авч уулзав

...

Дэлгэрэнгүй » 2016.07.07

Дарханчууддаа зориулж S.Outlet дэлгүүр онцгой хямдрал зарлалаа

...

Дэлгэрэнгүй » 2016.04.14

Б.Чулуудай оффшор дансныхаа талаар албан ёсны тайлбар хийлээ

...

Дэлгэрэнгүй » 2016.05.10

Хаан банканд итгэж болохгүй шалтгаан

...

Дэлгэрэнгүй » 2016.03.23

НМХГ: Шонхор шувууг зөвшөөрөлгүй барьсан Катар иргэдийг саатуулсан

...

Дэлгэрэнгүй » 2015.10.07

Д.Амарбаясгалангаар ахлуулсан ажлын хэсэг орон нутагт ажиллалаа

...

Дэлгэрэнгүй » 2017.03.20

МАХН-ын Бага чуулган эхэллээ

...

Дэлгэрэнгүй » 2016.04.19

A PHP Error was encountered

Severity: Warning

Message: mysql_fetch_array() expects parameter 1 to be resource, boolean given

Filename: views/tabnews.php

Line Number: 147