П.Мягмарсүрэн: Дурангийн мэс заслыг олон улсын хуралд оролцогчдод шууд дамжуулна


 

        Урологи-Андрологийн төвийн 60 жилийн ойг тохиолдуулан энэ сарын 08-09-ий өдрүүдэд “Урологийн дурангийн мэс заслийн орчин үеийн чиг хандлага” сэдэвт олон улсын хурал зохион байгуулагдах гэж байна. Энэ талаар УНТЭ-ийн Урологи-Андрологийн эмч П.Мягмарсүрэнтэй ярилцлаа.

 

Манай улсад ганц байдаг Урологи-Андрологийн төвийн 60 жилийн ойг тохиолдуулан  Олон улсын хурал зохион байгуулагдах гэж байна гэж байна. Энэ талаар та дэлгэрэнгүй мэдээлэл өгөхгүй юу?

 

Ойн хүрээнд “Урологийн дурангийн мэс заслийн орчин үеийн чиг хандлага” сэдэвт олон улсын хурлыг энэ сарын 8,9-ий өдрүүдэд зохион байгуулахаар бэлтгэл ажлууд хийгдээд явж байна. Энэхүү хурлыг УНТЭ-ийн Урологи-Андрологийн төвийн эмч нар болон Урологи-Андрологийн эмч нарын нийгэмлэг хамтран зохион байгуулж байна. Бид хурлаараа Урологийн мэс заслын орчин үеийн чиг хандлага болсон “Бага хүрцэт” дурангийн мэс засал өндөр хөгжсөн орнуудаас эмч нарыг урин хамтран мэс засал хийж, тэдгээрийн туршлагаас суралцаж, өөрсдийн чадавхыг дээшлүүлж, шинэ технологийг нэвтрүүлэхийг зорьж байна.

 

Энэ удаагийн олон улсын хуралд хэдэн улсын зочид, төлөөлөгчид оролцох вэ?  

 

Хуралд АНУ, Ирланд, БНСУ, БНХАУ зэрэг орны энэ салбарын тэргүүлэгч профессорууд оролцоно. Энэ удаагийн хурал 2 хэсгээс бүрдэнэ. Эхний хэсэгт эдгээр орны бөөрний мэс заслын эмч нар Урологийн шинэ дэвшлийг харуулсан 4 төрлийн мэс заслыг гардан хийх юм. Уг мэс заслыг бид хурлын эхний өдөр буюу 9 дүгээр сарын 8-ны өдөр УНТЭ-ийн мэс заслын өрөөнөөс хуралд оролцож буй эмч, төлөөлөгчдөд шууд дамжуулан үзүүлнэ. Эдгээр мэс заслыг хийх арга техник, үе шатууд дэвшилтэт технологийг үзүүлэхэд сургалтын гол зорилго оршино.  

 

Хурлын хоёр дахь өдөр олон улсын хурал зохион байгуулж, гадаадын 9 профессорын шилдэг илтгэлүүд Чингис зочид буудлын хурлын зааланд хэлэлцэгдэнэ. Мөн энэ үеэр манай улсын эмнэлгүүдэд Урологийн  дурангийн мэс засал хэрхэн хийгддэг, тэдгээрийн үр дүн, гарч буй хүндрэлүүд, түүнээс гарах цаашдын арга замууд зэрэг сэдвүүдээр судалгаанд үндэслэгдсэн  илтгэлүүд хэлэлцүүлэгдэнэ. Ингэснээр бид олон улсад ямар түвшинд явж байна вэ гэдгийг дүгнэх томоохон боломж бий болж байгаа юм.

 

Мэс заслын шууд дамжуулалтыг хуралд оролцогчдоос гадна бусад хүмүүс нээлттэй байдлаар үзэж болох уу?

 

Хуралд Монгол улсад Урологи-Андрологийн салбарт ажиллаж байгаа 60–аад эмч, мэргэжилтнүүд болон эмнэлгийн байгууллагууд оролцоно. Тус хурлыг сонирхож байгаа бүхий л хүмүүст нээлттэй. Энэ үеэр хэвлэл мэдээллийн байгууллагууд сурвалжлага, мэдээ, мэдээлэл бэлтгэх бүрэн боломжтой.

 

Шууд дамжуулах мэс заслын үеэр оролцогчид мэс заслын эмч нараас асуулт асууж, харилцаж болох уу?

 

Болно. Энэ удаагийн хурлын гол онцлог нь шууд дамжуулалтаар мэс заслын өрөөнд хийгдэж буй 4 дурангийн мэс заслыг УНТЭ-ийн хурлын заал болох 300 метр зайд дүрс болон дууны дамжуулалтаар бүрэн дамжуулна. Түүнчлэн мэс засал хийж буй эмчээс хуралд оролцогчид хүссэн асуултаа асуух дууны дамжуулалтыг хийх юм. Ингэснээр дадлага болоод онолын мэдлэг хосолсон гадаад улсад дор хаяж нэг сарын хугацаанд сурч байж олж авах хэмжээний мэдлэгийг энэхүү хурлаар олж авах боломжийг бүрдүүлж байна.

 

Дурангийн мэс заслыг хэдэн хүний бүрэлдэхүүнтэй хийх вэ?

 

Мэс заслыг гардан хийх эмч нэг, туслах эмч хоёр, мэдээгүйжүүлгийн эмч, сувилахуйн багийнхан гэсэн бүрэлдэхүүнтэй хийнэ.

 

Өнөөдрийн байдлаар манай улсад хэвлийн хүрцээр бөөрөнд хийх дурангийн  мэс засал  хэдэн удаа хийгдсэн бэ?

 

Нийтдээ 38 удаагийн дурангийн мэс засал хийсэн. Үүнээс бөөрний уйланхай авах 21, нөхөн сэргээх 8, донор бөөрийг бэлтгэж авах 4, бөөр бүтнээр нь авах 1 мэс заслыг тус тус хийсэн байна.

 

Манай улсад хэвлийн дурангийн мэс засал хийхэд хүндрэлтэй зүйл юу байдаг вэ?

 

Орчин үеийн дурангийн мэс засал хийхэд цаг үеэ дагаад технологийн шинэ багаж тоног төхөөрөмжүүд зайлшгүй шаардлагатай байдаг. Манай улсад хэвлийн дурангийн үндсэн суурь багаж тоног төхөөрөмжүүд байдаг. Нэмэлтээр тухайн өвчнийг эмчлэхэд зориулагдсан эмнэлэгт harvonic зүсэгчийн аппарат байхгүй учраас  гадаад эмч нар өөрсдөө авчраад  аваад явдаг.  Гаднаас тоног төхөөрөмж оруулж ирэхэд зөвшөөрөл, лиценз зэрэг асуудлууд нэлээд байдаг.

 

Урологи, андрологи гэдгийг иргэдэд ойлгогдохоор хамгийн энгийнээр тайлбарлавал...

 

Бие махбодийн шээс-бэлгийн замын эрхтэн систем гэж байдаг. Үүнд бөөр, шээлгүүр, давсаг, түрүү булчирхай зэрэг эрхтэнүүд ордог. Энэ эрхтэнүүдэд тохиолддог мэс заслын эмчилгээ шаардагддаг өвчлөлүүдийг судалж эмчлэх, оношлох анагаах ухааны цогц үйл ажиллагааны салбарыг Урологи гэдэг. Урологийн салбарыг дагалдаад эрэгтэйчүүдийн нөхөн үржихүйн мэс заслын эмгэгийг судалж шинжилдэг салбарыг Андрологи гэж хэлж болно. Андрологийн эмч нь Урологийн салбарыг судалсан, энэ чиглэлийн мэдлэгтэй байх шаардлагатай.

 

Мэдээлэл өгсөнд баярлалаа. Таны ажилд, зохион байгуулж буй хуралд нь өндөр амжилт хүсэе.

 

Баярлалаа.

2017.09.04

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.
  • Шинэ
  • Их уншсан
  • Их сэтгэгдэлтэй

Х.Амгаланбаатар: Өмнөх хүрсэн түвшинөөс дордуулсан Хөдөлмөрийн хуулийг хүлээн зөвшөөрөхгүй

...

Дэлгэрэнгүй » 2018.04.20

Балар эртний балиар зуршлаасаа хэзээ салах вэ, Нийслэлчүүд ээ!

...

Дэлгэрэнгүй » 2018.04.20

МАН-ын Ерөнхий нарийн бичгийн дарга Д.Амарбаясгалан тэргүүтэй төлөөлөгчид БНАСАУ-д айлчиллаа

...

Дэлгэрэнгүй » 2018.04.20

Хөгжлийн банк: Тендерийн урилга

...

Дэлгэрэнгүй » 2018.04.20

Доктор П.Чимэдцэрэн: Хорт бодисын шахуурга өөрөө ажиллана гэдэг маш том асуудал

...

Дэлгэрэнгүй » 2018.04.20

Д.Сугарыг “сугалах” баримт Б.Мөнхжаргалын гэрээс олдсон уу

...

Дэлгэрэнгүй » 2018.04.19

“МИАТ” ТӨХК-ийн Гүйцэтгэх захирлаар Д.Баттөрийг томиллоо

...

Дэлгэрэнгүй » 2018.04.18

Сонгинохайрхан дүүргийн 500 гаруй хүүхэд цэцэрлэгт хамрагдах боломжтой боллоо

...

Дэлгэрэнгүй » 2018.04.18

Цаазаар авах ялын хэрэглээ багасчээ

...

Дэлгэрэнгүй » 2018.04.16

Д.Сугарыг “сугалах” баримт Б.Мөнхжаргалын гэрээс олдсон уу

...

Дэлгэрэнгүй » 2018.04.19

Б.Бахытгүл:Би Мураттай эцсээ хүртэл тэмцэнэ, дээрэлхүүлэхгүй

...

Дэлгэрэнгүй » 2018.03.22

Төрийн банкны амралтын өдрүүдээр ажиллах цагийн хуваарь

...

Дэлгэрэнгүй » 2016.12.29

УИХ-ын дарга М.Энхболд: Авлигын эсрэг бид бас нэгэн шинэ алхам хийж байна

...

Дэлгэрэнгүй » 2016.12.09

Тэмдэг, тэмдэглэгээг зөв газарт байршуулвал талбай дээр ажиллаж байгаа ажилчдын амь насыг аврах боломжтой

...

Дэлгэрэнгүй » 2017.10.24

Эмч,сувилагчийн эрүүл мэндийг хамгаалах талаар ярилцлаа

...

Дэлгэрэнгүй » 2017.03.14

Байгаль орчныг хамгаалах Монголын өв уламжлал

...

Дэлгэрэнгүй » 2016.07.06

Төрийн банк: Хэрэглээний төлбөрөө ухаалаг төлцгөөе

...

Дэлгэрэнгүй » 2016.08.31

Камертон, Никитоны тоглолтыг 217 сая төгрөгөөр зохион байгуулжээ

...

Дэлгэрэнгүй » 2016.10.10

Нандин дурсамж мөнхөлсөн гайхамшиг үргэлжилсээр...

...

Дэлгэрэнгүй » 2017.02.20

GRANDEXPO-2015 наадмын шагнал гардуулах ёслолын ажиллагаа маргааш болно

...

Дэлгэрэнгүй » 2015.12.09

“Сансар” сүлжээ дэлгүүр таны оноог ихэд арвижуулна

...

Дэлгэрэнгүй » 2018.01.26

Ч.Сарантулга: Хеликобактери шүлс, ахуйн замаар дамждаг

...

Дэлгэрэнгүй » 2016.05.19

П.Цагаан: Соёлын дархлаа суларч байгаа нь харамсалтай

...

Дэлгэрэнгүй » 2017.02.22

ЭМД-аар үйлчлэх Нийслэлийн рашаан сувиллууд

...

Дэлгэрэнгүй » 2017.04.26