Монгол пянзнууд их ховор,үнэтэйд ордог



             

 Өнөөдөр Монголд залуучууд чөлөөт цагаа зөв боловсон өнгөрүүлэх талаар дээр маш их анхаарал хандуулдаг болсон. Энэ хэрээр ч залуучуудад зориулсан үйлчилгээний газрууд нэмэгдэж байгаа билээ. Энэ дундаас хамгийн анхаарал их татах нь  Монголын хамгийн анхны “Дундгол” пянзны кафе гэх их л содон бас сонихон хаягтай газрыг манай сайтын сурвалжлах баг онцолж байна.

Урлан бүтээх төвийн замын эсрэг талд байрлах  “Дундгол” пянзны кафе гэсэн хаяг цаанаа  л нэг содон бас хэн хүний анхаарлыг татмаар. Дотор нь их содон хэв маягаар тохижуулсан байдалтай. Цаанаа л нэг энгийн агаад бас чамин. Хаалга татан ороход пянз эргэлдэж, ая эгшиглэх нь өдгөө тэр цагт очсон мэт мэдрэмж төрнө. Тайтгарал, тайвшралыг нэгэн зэрэг мэдрэх энэ л агшин тэнд бүрэлдсэн мэт. 

 

Магадгүй бидний үеийн залуус энэ мэдрэмжийг мэдрээгүй ч байж магад. Үгээр хэлэхийн аргагүй тэр сайхан агшинд хүрэх мэдрэмжийг эндээс л олох юм байна. Өмнө нь надад пянзны талаарх ойлголт огт үгүй байлаа. Тиймээс бүр сонсох нь бүү хэл сонирхож ч байгаагүй. Харин сонсоод, ойлгоод, сонирхоод ирсэн чинь урьд өмнө нь хаанаас хэзээ ч сонсоогүй тэр гайхамшигт аялгууг сонслоо. Бүүр тухайн цаг үед очсон мэт мэдрэмжийг гагцхүү тэндээс л мэдрэв. Тиймээс чөлөөт цагаа зөв боловсон өнгөрүүлэх, тайвшрал тайтгарлыг мэдрэх, хөгжмийн өөр нэг ертөнцийг мэдрэхийг хүсвэл “Дундгол”  пянзны кафегаар ороод гараарай. Монголын анхны пянзны дэлгүүрийг ажиллуулдаг Бавуугийн Батболд гэдэг залууг урлагийнхан, тойрон хүрээлэгчид, пянз сонирхогчид анддаггүй. Түүнийг залуучууд “Дундгол”-ын Болдоо зарим нь  Болд гэдгийг хойноос нь дуудаад Длоб гэж хүртэл нэрлэдэг юм билээ.

 

Б.Батболд: Манайхыг зорьж ирдэг гадныхан хүртэл байдаг

 

        Ингээд түүнтэй хэрхэн ярилцсанаа  хүргэж байна. 

 

-Монголын анхны пянзны кафе гэхээр их л содон бас сонихон байна. Энэ талаар дэлгэрэнгүй мэдээлэл өгөхгүй юу?

 

-Одоогоос жилийн өмнө нээгдсэн. Хуучин хүүхдийн номын ордонд байрлаж байсан. Хүүхдийн урлан бүтээх төвийн энд саяхан нүүж ирээд байна. Энэ нь бидний гурав дахь нүүлт шүү дээ. Тэгэхээр манай үйлчлүүлэгчид мэдэхгүй байж магадгүй. Урлан бүтээх төвийн замын эсрэг талд “Дундгол” пянзны кафе гээд тодоос тод хаягтай байгаа шүү. Миний хувьд пянзнуудаа цуглуулж байгаад дэлгүүр болгосон байгаа. Манайд 1990 оноос өмнө орж ирсэн  бүх төрлийн пянзнууд байна. Хуучин социалист орнуудын ардын хөгжмүүд их байна. Зөвлөлт холбоот улсын ардын болон стради  хөгжмүүд байна. 

 

-Нэр нь их өвөрмөц юм аа. Дундгол гэсэн нэрийг яагаад өгөх болсон юм бэ?

 

-Манай байрны урдуур урсдаг жижиг голын нэр юм. Миний хувьд хип хоп дуу дуулдаг. Quiza бид хоёр дуундаа Дундголын жараахай гэж оруулдаг  байсан. Нэр маань үүнээс үүдэлтэй. 

 

-Та яагаад пянз цуглуулахаар болсон юм бэ?

 

-Quiza бид хоёр 2008 онд  байх манайд Японы реппер залуу ирж, бид хоёртой танилцсан юм. Бид хамтраад дуу хийсэн. Тэр өөрөө хөгжмийн компанитай. Хийсэн бүтээсэн бүх зүйлээ пянзан дээр гаргадаг. Тэгээд  жижигхэн 7 инчийн пянз гаргасан. Тухайн үед тэр 1000 ширхэг хэвлэгдсэн. Надад одоо ганцхан байгаа. Бид нарын дуу пянзан дээр  хэвлэгдээд л, дурлаад сонирхоод зорилгодоо хөтлөгдөөд  орчихсон. 

 

-Нийтдээ хичнээн ширхэг пянз байна вэ?

 

-3500-4000 ширхэг пянз байна. Манайх BBC,  Герман болон Хятадын мэдээллийн сайт дээр манай дэлгүүрийн талаар орчуулагдаж гарч байсан. Тиймээс маш олон гадны хүмүүс манайхыг  мэддэг болсон. Манайхыг зорьж ирдэг гадныхан хүртэл байдаг. Зуны улиралд ихэвчлэн аялж яваа хүмүүс манайхаар үйлчлүүлдэг. Манайх бол хэрэглэсэн хуучин пянзны дэлгүүр. Хүмүүс цоо шинэ юм байна гэж андуурах вий дээ. 

 

-Пянзны үнийг сонирхож болох уу?

 

-Болно. Дунджаар нэг пянзны үнэ 30 мянган төгрөгийн үнэтэй. Пянзны нөхцөл байдал эдэлгээ хэрэглээнээс их хамаарна. Бүүр 5-10 мянган төгрөгийн үнэтэй пянз хүртэл байна. Дотроо олон ширхэгтэй, цоо шинэ эсвэл монгол пянзнууд үнэтэйдээ ордог. Монгол пянзнууд их ховорт ордог. Монголын бүх пянзыг цуглуулчихсан хүн байна. Нийтдээ монгол дуутай 330 ширхэг пянз хэвлэгдсэн байдаг. Ихэвчлэн ОХУ-д хэвлүүлсэн байна. 

 

-Хамгийн  эртний пянз нь хэдэн оных байна вэ?

 

-Минутанд 78 –ийн эргэлттэй нэг талдаа нэгхэн дуутай пянзнууд байна. Оросын 78-ийн эргэлттэй пянзнууд байгаа. Монгол дуутай 78-ийн эргэлттэй пянзнууд ховордсон. Хамгийн эртнийх нь 1940, 1950 оных гээд л байгаа. 

 

-Бүх пянзнууд л сонирхолтой байх. Монголын пянзнуудаас хамгийн сонирхолтой  аль  нь байна вэ?

 

-Барууны үүргэвчтэй аялагчдын хамгийн их асуудаг нь Соёл-Эрдэнэ хамтлаг, Баян-Монгол чуулгын пянзнууд байдаг. Мөн хөөмийн чиглэлээр гаргасан пянзнууд их асуудаг. Орчин үеийн хамтлагуудаас пянзанд амжиж бичүүлсэн нь энэ хоёр хамтлаг байдаг. Сүүлийн үед дэлхий дээр эргээд пянз моданд орсон. Англи, Япон зэрэг улсуудад эргээд пянз маш ихээр хэвлэгддэг болсон. Хүний хоолой,  хөгжмөөс хамгийн өтгөн, хамгийн шингэнийг тэр чигээр нь сонсогддогоороо  пянз давуу талтай. СD болохоор хамгийн өтгөн, хамгийн шингэн хоёрын нь  хасаад чанарыг нь жаахан дунд зэрэг болгодог талтай. 

 

-Пянзыг  хэмжээгээр нь  ангилдаг байх?

 

-Пянзыг дотор нь 7, 10, 12 инчийн гэж ангилдаг. Хурдын хувьд 33, 45 гэсэн хоёрхон хурдаар эргэдэг. Мөн өнгөтэй уян пянз гэж байдаг. Манайхан ихэвчлэн beatles, АBBA зэргийг сураглаж ирдэг. Сүүлийн үед пянз сонирхогчдын групп гэж байдаг. Тэр групп маш идэвхтэй. Үүнийг шог зураач С.Цогтбаяр ах нээсэн. Тэнд пянз цуглуулдаг маш олон хүн байгаа. Би Японоос 12 инчийн цөөхөн дуутай пянзнууд авчирсан. Нэг дууны өөр өөр хувилбарууд байгаа. Энэ төрлийг DJ сонирхдог залуус авч ашигладаг. Пянзаар тоглоод сурчихвал Монголын цорын ганц пянзны DJ гэгдэх болно. Энэ төрлөөр тоглодог хүн одоохондоо манайд  байхгүй. Тиймээс залуучуудыг манайд ирж пянзаар DJ хийж, оролдоод үзээсэй гэж бодож байна. 

 

-Тохижилт нь өвөрмөц юм?

 

-Хөгжмийг сонсдог  гоё клубууд гадны бусад орнуудад их дэлгэрч байгаа юм. Түүнтэй л ижил төстэй үйлчилгээ үзүүлэхээр зорьж явна. Хөгжим сонсонгоо дуртай зүйлээ уугаад өдрийг гоё өнгөрүүлэх боломжтой. Пянз сонирхогчид бол манайхыг мэддэг. 

 

-Өнгөний хувьд олон янз уу?

 

-Өнгөний хувьд янз янз байдаг. Цэнхэр, шар, хар олон өнгө бий. Ард нь хамтлагийн мэдээлэл, дууны үг гээд олон зүйлийг багтаасан байдаг. CD-г бодвол маш олон жилээр хадгалах боломжтой. Эдэлгээ удаантай. Үе удмаараа хэрэглэж болдог. 

 

-Танд хэлж ярих зүйл байна уу?

 

-Пянзны дэлгүүр кафег ажиллуулаад явахад эдийн засгийн бэрхшээл тулгардаг. Энэ нь дан ганц миний өмч биш. Би пянзаар дамжуулж, орон, орны соёлыг түгээх, олонд хүргэх, энэ чиглэлийг хөгжүүлэх чин сэтгэлтэй зорилгодоо хөтлөгдсөн л залуу хүн. Тиймээс энэ бүхнийг олон нийтэд хүргэх, хайрлаж, хамгаалахад дэмжлэг хэрэгтэй байна. 

 

-Ажиллах  цагийн хуваарь? 

 

-Өдөр 02:00 цагаас орой 22:00 хүртэл ажилладаг. Ганцхан бүтэн сайн өдөр амардаг. 

 

 

 

С.Наран

www.unen.mn


2017.04.25

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Улсын хэмжээнд 500 гаруй хүүхэд ЭЕШ-аас хоцорчээ

...

Дэлгэрэнгүй » 2018.06.21

Б.Булган яагаад захидал бичих болов

...

Дэлгэрэнгүй » 2018.06.21

Я.Ариунболд: Солонгосын виз мэдүүлсэн төрийн албан хаагчдаас барьцаа мөнгө шаардахгүй

...

Дэлгэрэнгүй » 2018.06.21

Энх цагийн эмгэнэл

...

Дэлгэрэнгүй » 2018.06.21

Босго давах боломж

...

Дэлгэрэнгүй » 2018.06.20

Д.Хосбаяр: “Атмор” илүү нээлттэй улам өргөн хүрээнд үйл ажиллагаагаа явуулдаг компани болохыг зорьж байна

...

Дэлгэрэнгүй » 2018.06.19

“Их түмэн санаачилга” хөтөлбөрийн Зөвлөлдөх хорооны уулзалт болно

...

Дэлгэрэнгүй » 2018.06.19

79-р сургуулийн хөлбөмбөгийн талбайн хаалга унаж нэг хүүхэд амиа алджээ

...

Дэлгэрэнгүй » 2018.06.19

Ноён Т.Оошима бэсрэг наадам үзэж, монгол соёлын өвтэй танилцлаа

...

Дэлгэрэнгүй » 2017.07.19

Дарханчууддаа зориулж S.Outlet дэлгүүр онцгой хямдрал зарлалаа

...

Дэлгэрэнгүй » 2016.04.14

Д.Дорлигжав ЦЕГ-ын дарга Р.Чингисийг албан үүргээс нь чөлөөлөх хүсэлтийг хүргүүллээ

...

Дэлгэрэнгүй » 2016.04.20

Сонгинохайрхан дүүрэг “Хоггүй орчин-Эрүүл амьдрал” аян зарлалаа

...

Дэлгэрэнгүй » 2017.03.31

БОАЖ-ын сайд Д.Оюунхорол Дэрэвгэр жиргэрүүг түүн бэлтгэж, экспортлохыг хориглолоо

...

Дэлгэрэнгүй » 2017.09.22

Нохойноос хүнд халддаг өвчнөөс урьдчилан сэргийлэхэд анхаарна

...

Дэлгэрэнгүй » 2016.09.26

Шударгаар өрсөлдье

...

Дэлгэрэнгүй » 2016.06.27

“Бид нэг гэр бүл” хандивын аян үргэлжилсээр байна

...

Дэлгэрэнгүй » 2016.01.05

Оффшор бүсэд Монголын улс төрчийн нэр байгааг мэдээлжээ

...

Дэлгэрэнгүй » 2016.09.23

Шүгэл үлээсэн бүсгүйчүүд

...

Дэлгэрэнгүй » 2018.03.07

Пневмококкийн эсрэг 13 цэнт вакциныг шинээр зургаан дүүрэгт нэвтрүүлж эхэллээ

...

Дэлгэрэнгүй » 2018.03.02

Үндэсний их баяр наадмын өнөөдрийн хөтөлбөр

...

Дэлгэрэнгүй » 2015.07.10

УИХ-ын гишүүн О.Содбилэг, Д.Хаянхярваа нар Ерөнхий сайдыг огцруулах бичигт гарын үсэг зурлаа

...

Дэлгэрэнгүй » 2015.10.08

Сахиусан ТЭНГЭР

...

Дэлгэрэнгүй » 2015.10.13

“Хил орчмын аялал жуулчлалын үнэмлэх” бүхий Хятадын бүлэг өдрийн жуулчдыг Монголд нэвтрүүлж байжээ

...

Дэлгэрэнгүй » 2017.02.03

Улаанбаатарт өдөртөө 6 хэм дулаан байна

...

Дэлгэрэнгүй » 2016.03.16