Тахимаа өгч сураагүй бөх давж чаддаггүй

 

        Төр захиргааны өндөр албан тушаалд томилогдсоныгоо насан турш өв залгамжилсан хунтайжийн сэнтий мэт боддог хүмүүс олон болжээ. Тиймээс хууль, захирамж, дүрэм журам, төрийн албаны эрэмбэ дараа, ээлж халаа гэгчийг тэд үл тоон дураар авирлах болов. Үүний тод жишээ Баянзүрх дүүрэгт болж буй үйл явц. Тус дүүргийн өмнөх Засаг дарга нь тамгаа шилжүүлж, төрийн албаа хүлээлцэхгүй гэж зүтгэсээр он дамнан хэрүүл тэмцэл нь даамжирсан.

 

Дөрвөн жил Баянзүрх дүүргийн Засаг даргаар хэл амтайхан шиг ажилласан Пүрэвдаваагийн хувьд ИТХын сонгуулийн дүнд МАН, АН-ын хүчний харьцаа тэнцүү болсон гэх үндэслэлээр ажлаа хүлээлгэн өгөхгүй аргацаасаар байсан юм. Гэтэл ИТХ-д АН-аас хэд хэдэн төлөөлөгч сонгуулийн үеэр мөнгө тараасан нь шүүхээр тогтоогдсоноор Баянзүрх дүүргийн ИТХ-д МАН үнэмлэхүй олонхи буюу 19 суудалтай болсон юм. Ингээд хуулийн дагуу бүх процесс явагдаж нийслэлийн Засаг дарга С.Батболд Баянзүрх дүүргийн Засаг даргаар Э.Бат-Амгаланг батламжилсан захирамжаа  гаргасан байна. 

 

Болж өнгөрсөн процесс ердөө ийм. Үүнийг ойлгоход хууль зүйн болон улс төрийн гүн гүнзгий мэдлэг огт шаардлагагүй. Энгийн хүн үүнийг ойлгоно. Дүүргийн шинэ Засаг даргыг томилсон нь зүй ёсны хэрэг гэдгийг хэлэх болов уу. Гэтэл Д.Пүрэвдаваа болон дүүргийн АН-ынхан үүнийг хүлээн зөвшөөрч чадахгүй байгаа ажээ. Энэ нь нөгөө л улстөржилт, төрийн албыг төрлийн алба, хувийн эзэмшил мэт боддог увайгүй зангийн илрэл. 

 

Дээд шатны байгууллага нь хуулийн дагуу захирамж шийдвэрээ гаргаад шинэ Засаг даргын ажлыг хүлээлцүүлэхээр ирэхэд өмнөөс нь энгийн номхон иргэдээ турхирчихаад өөрөө ард нь нуугдан суух нт төрийн хүний шинж мөн үү. Д.Пүрэвдавааг ажлаа өгөх нь гэнгүүт ярсхийтэл гүйж ирээд шатан дээр  жагсчихдаг иргэд ч гэсэн бас сүрхий улс төрийн мэдрэмжтэй хүмүүс аж. Төрийн ажлыг ингэж дээр доор, эх захгүй болгож, хууль журмыг уландаа гишгэж замхруулсан хүн нь Д.Пүрэвдаваа өөрөө билээ. Гэхдээ АН-ын гишүүд бүгд Д.Пүрэвдавааг дэмжиж байгаа юу гэвэл үгүй. Тэрээр угаасаа л дөрвөн жилийн өмнөөс л Засаг дарга болмогцоо дүүргийнхээ АН-ыг хагалан бутаргаж, өөрийн тойрон хүрээлэгчдээрээ элдэв бусармаг үйлдэл хийлгэж, намчирхаж, талцуулж байсан гэдэг. АН-ын гишүүд нь "Эр хүн шиг тахимаа өгөөд төрийн тамгыг нь хадагтай нь хамт хүндэтгэлтэй гардуулчих хоншоор Пүрэвдаваад алга даа" хэмээн толгой сэгсэрч байна. МАН нийслэл, дүүргүүдэд үнэмлэхүй олонхи болсон тул тэдэнд бүх хариуцлагыг нь үүрүүлэх нь зүйтэй гэж үзэх хүмүүс ч олон байгаа. Гэтэл Д.Пүрэвдаваад Засаг даргын л зөөлөн сэнтий юу юунаас чухал, намынхан гишүүдийн үзэл бодол, үнэт зүйлээс ч илүү хэрэгтэй байгаа бололтой. 

 

АН засгийн эрх барьж байсан өмнөх дөрвөн жилд ч зарим дүүрэг, аймагт Засаг даргын суудлын маргаан гарч л байсан. Ерөнхий сайд асан Н.Алтанхуяг дээрээс нь "зүтгүүлж", крандаж байгаад л Дорнод зэрэг хэд хэдэн аймагт АН-ын хүнээ Засаг дарга болгож л байсан. Бүр АН-ынхан хоорондоо үзэлцээд хоёр тамга сийлж аваад хоёр Засаг даргатай болох ч шахаж байсан. Одоо тэр бүхнийг ярихаа байг гэхэд ядаж улс төрийн наад захын соёл, зарчим төрийн албаны хууль, журам, жишиг зэргийг бодолцоод ялагдсан намын хувьд тахимаа өгсөн шиг өгч, бүрх эрх нь дуусгавар болсон Засаг дарга нь тамгаа нэр төртэйгөөр хүлээлгэн өгвөл олон түмэнд гоё харагдахсан. Хааны алба халгаатай, эзний алба ээлтэй гэдэг үг ч бий. Үүнийг Д.Пүрэвдаваа ойлгохгүй суугаа ажээ.  Ялагдаж сурна гэдэг ялахын эхлэл байдаг гэдэг. Сонгуульд булхайцчихаад түүнээсээ болж ялагдчихаад тахимаа өгөхгүй тамгаа өгөхгүй ширээгээ тойрч зугтаан гэдэг инээдтэй бөгөөд эмгэнэлтэй хэрэг билээ. Ялагдаж сурна гэдэг улс төрийн хамгийн том соёл гэдгийг хал үзсэн хашир туршлагатай улстөрчид хэлдэг. Төрийн албаа нэртэй төртэй хүлээлгээд өгчихөж чадахгүй бусдын араар бултагнаж байгаагаас нь харахад Д.Пүрэвдаваа дарга өнгөрсөн дөрвөн жилд албан тушаалын амтанд орсных, басхүү хэвлэлээр байнга шахуу бичигддэг булхай луйврууд нь үнэний ортой юу гэдгийг цаг хугацаа харуулах биз ээ. 

 

А.Гал


2017.03.04

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Азийн Силикон Валлей гэж нэрлэгддэг Сингапур улсад Монголын компаниудыг Азийн зах зээлд гаргах хөтөлбөр

...

Дэлгэрэнгүй » 2019.03.21

Хаврын улиралд ашигтай 5 дасгалыг танилцуулж байна

...

Дэлгэрэнгүй » 2019.03.21

Д.Эрдэнэсувд: Үндэслэлгүйгээр хөрөнгөжсөн хэрэгт нэр бүхий долоон шүүгчийг шалгаж байна

...

Дэлгэрэнгүй » 2019.03.21

Монгол Улс эдийн засгийн цагаачтай орон болов уу

...

Дэлгэрэнгүй » 2019.03.21

KFC хэдий болтол иргэдийг хохироох вэ?

...

Дэлгэрэнгүй » 2019.03.21

Б.Жаргалсайхан: УИХ-ын гишүүд "завсарлага" нэрээр зальдан морь малаа эргэсээр байх уу...

...

Дэлгэрэнгүй » 2019.03.21

Н.Оюунцэцэг: Энэ ондоо “U Money“ карт цэнэглэх цэгийн тоог 650-д хүргэнэ

...

Дэлгэрэнгүй » 2019.03.21

Нара: Батцацралаа чи ичиж амьдар

...

Дэлгэрэнгүй » 2019.03.21

Монгол Улс эдийн засгийн цагаачтай орон болов уу

...

Дэлгэрэнгүй » 2019.03.21

Цагдаагийн байгууллагын нээлттэй хаалганы өдөрлөг болно

...

Дэлгэрэнгүй » 2016.05.13

Ганга нуурыг хамгаалах асуудлаар санал солилцлоо

...

Дэлгэрэнгүй » 2017.01.25

БОАЖ-ын сайд Д.Оюунхорол Дэрэвгэр жиргэрүүг түүн бэлтгэж, экспортлохыг хориглолоо

...

Дэлгэрэнгүй » 2017.09.22

21 аймгийн байгаль орчин, аялал жуулчлалын салбарынхан номын дуу сонсож байна

...

Дэлгэрэнгүй » 2017.09.26

Л.Чинбат Цензургүй багийг таван сая төгрөгөөр урамшууллаа

...

Дэлгэрэнгүй » 2016.04.25

Б.Насанбаяр уучлал гуйлаа

...

Дэлгэрэнгүй » 2016.04.05

Хүүхдийн мөнгийг олгоно

...

Дэлгэрэнгүй » 2016.01.04

Байгаль хамгаалах намрын аяны хүрээнд “Туул” гол орчмыг цэвэрлэлээ

...

Дэлгэрэнгүй » 2015.10.19

Аав руу нь утасдаж "хүү чинь үхнэ" гэж сүрдүүлжээ

...

Дэлгэрэнгүй » 2017.02.16

Ц.Янжинлхам -Ямар ч байгууллага ажилчдынхаа хөдөлмөрийн аюулгүй байдал, эрүүл мэндийн асуудалд хамгийн түрүүнд анхаарах ёстой

...

Дэлгэрэнгүй » 2016.11.15

Татварын Ерөнхий газар шилдэг 99 татвар төлөгчийг тодрууллаа

...

Дэлгэрэнгүй » 2017.05.03

Намын бүлгүүд хуралдана

...

Дэлгэрэнгүй » 2015.08.03

Ус цацсан жолоочид хариуцлага тооцохгүй

...

Дэлгэрэнгүй » 2015.08.04

Өмнөговь аймагт шатахууны үнэ 150 төгрөгөөр буурлаа

...

Дэлгэрэнгүй » 2016.01.27

Үндэсний их баяр наадмыг 2 тэрбум 981 сая төгрөгөөр зохион байгуулна

...

Дэлгэрэнгүй » 2018.05.30