Хог хаягдлын менежментийн стратеги сэдэвт сургалт эхэллээ


 

         “Монгол Улс дахь үндэсний болон хотын хог хаягдлын менежментийн стратеги” сэдэвт семинар, сургалт өнөөдөр эхэллээ. БОАЖЯ, НҮБ-ын Байгаль орчны хөтөлбөртэй хамтран хэрэгжүүлж байгаа “Үндэсний болон хотын хог хаягдлын менежментийн стратеги боловсруулах төсөл”-ийн хүрээнд боловсруулсан  хог хаягдлын менежментийн стратеги, үйл ажиллагааны төлөвлөгөөг уулзалтаар хэлэлцүүлж, мэргэжлийн хүмүүсийн санал бодлыг сонсч байна. БОАЖ-ын дэд сайд Ц.Батбаяр семинарыг нээж хэлсэн үгэндээ “Хог хаягдлын асуудал бол бид бүхний өдөр тутмын үйл ажиллагаанаас үүдэлтэй, бидний хамгийн сайн мэддэг боловч шийдвэрлэх шаардлагатай олон зүйлийг дагуулсан асуудал билээ. Дэлхий нийтийн өнөөгийн чиг хандлага нь хаягдал багатай технологи, арга ажиллагаанд шилжих, хог хаягдлыг дахин боловсруулах, эргүүлэн ашиглах замаар байгалийн нөөц, баялгийг хэмнэх, эцсийн устгах хог хаягдлын хэмжээг бууруулахад чиглэж байна. Одоогоор хүчин төгөлдөр мөрдөгдөж байгаа 2012 онд батлагдсан Хог хаягдлын тухай хууль, 2014 онд батлагдсан “Хог хаягдлын менежментийг сайжруулах үндэсний хөтөлбөр”-ийн зорилго энэхүү чиг хандлагатай нийцэж байгаа боловч нарийвчилсан зохицуулалт шаардлагатай асуудлууд ч бий” гэв.  

 

 

Монгол Улсад сүүлийн таван жилийн дотор хог хаягдлын хэмжээ дөрөв дахин буюу жил тутам дунджаар 500 гаруй мянган тонноор нэмэгдэж 2015 оны байдлаар 2.9 сая тонн хог хаягдал үүссэн байна. Өсөн нэмэгдэж буй хог хаягдал, олон жилийн турш зайлуулагдаагүй аюултай хог хаягдлын улмаас хөрс, ус, агаар бохирдож, хүний эрүүл мэндэд сөргөөр нөлөөлөх болсон. Тиймээс цаашид хог хаягдлыг цуглуулах, тээвэрлэх, булшлах үйл ажиллагаанд технологийн шинэчлэл хийх, аюултай хог хаягдлыг олон улсад хүлээн зөвшөөрөгдсөн аргаар устгах, хог хаягдлыг ангилан ялгах, дахин боловсруулах, дахин ашиглах, сэргээн ашиглах үйлвэрлэлийг дэмжих, урамшуулах  замаар хог хаягдлыг эдийн засгийн эргэлтэд оруулж, байгалийн нөөц, баялгийг хэмнэх эрх зүйн орчинг бий болгох шаардлагатай  байгааг семинарт оролцогчид хэлж байв. 

 

 

БОАЖЯ-ны зүээс 2007 оноос эхлэн 21 аймгийн төвийн хог хаягдлын төвлөрсөн цэгийг ландфилл технологийн дагуу засч тохижуулах ажлыг үе шаттайгаар хийх шаардлагыг орон нутагт тавьж, тодорхой хэмжээний хөрөнгө оруулалт хийсэн  ч энэ нь  өнөөг хүртэл технологийн дагуу бүрэн хийгдэж чадахгүй байгаа юм. Тулгамдаж буй эдгээр асуудлыг шийдвэрлэхэд “Үндэсний болон хотын хог хаягдлын менежментийн стратеги боловсруулах төсөл” үр дүнгээ өгнө хэмээн үзэж байгаа аж. НҮБ-ын Байгаль орчны хөтөлбөр болон Азийн Технологийн Институтын Ази, Номхон далайн бүс нутгийн нөөцийн төвийн дэмжлэгтэйгээр хэрэгжиж байгаа энэхүү төсөл нь Ази, Африк, Латин Америкийн бүс нутгаас сонгогдсон улс орнуудын үндэсний болон хотын түвшний хог хаягдлын менежментийн стратегийг боловсруулах болон сайжруулахад дэмжлэг үзүүлэх үндсэн зорилготой юм.  

 

 

Төслийн хүрээнд: 
•    Үндэсний болон хотын түвшний хог хаягдлын менежментийн стратеги боловсруулах, түүнийг хэрэгжүүлэх ажиллагааны төлөвлөгөө гаргах;
•    Хог хаягдлын стратегийг сайжруулах, чадавхи бэхжүүлэх чиглэлээр үндэсний хэмжээний сургалт, семинарыг зохион байгуулах;
•    Хог хаягдлын менежментийн стратегийг хэрэгжүүлэх үйл ажиллагааны үйл ажиллагааны төлөвлөгөөний хэрэгжилтийг дэмжих зорилготой хог хаягдал, хүлэмжийн хийг бууруулах чиглэлээр жишиг төсөл хэрэгжүүлэх гэсэн үндсэн гурван  үйл ажиллагааг хэрэгжүүлэх юм байна.

 

 Мөн энэ үеэр “Хог хаягдлын тухай” хуулийн шинэчилсэн найруулгын төслийг танилцуулж, Монгол оронд тулгамдаад байгаа цахим болон цахилгаан хог хаягдлын менежмент, тооллогын чиглэлээр олон улсын туршлагыг танилцууллаа. Гурван өдөр үргэлжлэх семинарт БОАЖЯ, ЭМЯ, БХБЯ, ЗТХЯ, БХЯ, БСШСЯ, аймаг, дүүрэг, олон улсын байгууллага, боловсролын байгууллагаас нийт 70 гаруй төлөөлөгч оролцож байна гэж БОАЖЯ-ны ХМА-наас мэдээллээ.


2016.12.14

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Хүнээ мартсан төр

...

Дэлгэрэнгүй » 2019.05.21

Дэлхий дахинаа авлигатай хийх тэмцлээр сонин сайхан юутай байна вэ?

...

Дэлгэрэнгүй » 2019.05.21

Гачуурт Арцатын аманд 153 өрх айлыг цахилгаанаар хангаж улсын комисст хүлээлгэн өгчээ

...

Дэлгэрэнгүй » 2019.05.21

Зөв тусгал: Бидний төсөөлснөөс ч илүү хөгжих боломж хүүхдэд бий

...

Дэлгэрэнгүй » 2019.05.21

Г.Наранбаатар: Хүүхэд насандаа сэтгэл зүйн гэмтэл авсан хүмүүс сэтгэл зүйн зөвлөгөө авахаар их ирдэг

...

Дэлгэрэнгүй » 2019.05.21

Монголын эдийн засаг гадны нөлөөнд эмзэг хэвээр байна гэж АХБ дүгнэжээ

...

Дэлгэрэнгүй » 2019.05.21

Селена Гоме Билл Мюррей нар гэрлэх үү

...

Дэлгэрэнгүй » 2019.05.21

Хятадын буцалтгүй тусламжаар 1008 айлын орон сууц барина

...

Дэлгэрэнгүй » 2019.05.21

Г.Наранбаатар: Хүүхэд насандаа сэтгэл зүйн гэмтэл авсан хүмүүс сэтгэл зүйн зөвлөгөө авахаар их ирдэг

...

Дэлгэрэнгүй » 2019.05.21

Хэргийг сэргээн шалгуулахаар болжээ

...

Дэлгэрэнгүй » 2019.05.09

Язгуур урлагийн “Хөөмэй-Домог” тоглолтод урьж байна

...

Дэлгэрэнгүй » 2019.04.03

Монголын төмөр зам дээр олон мянган зээр амь алджээ

...

Дэлгэрэнгүй » 2016.04.27

Шатахууны хомсдол өргөн хэрэглээний бүтээгдэхүүний үнэд шууд нөлөөлжээ

...

Дэлгэрэнгүй » 2018.01.31

Хүүхдийн аминд хүрсэн нохойн эзнийг яллана

...

Дэлгэрэнгүй » 2016.05.27

Гэрэлтүүлэг хариуцсан байгууллагуудад шалгалт явуулж, зөвлөмж чиглэл хүргүүллээ

...

Дэлгэрэнгүй » 2016.10.11

Түлэнхийн тасагт эмчлүүлж байсан бага насны хоёр хүүхэд энджээ

...

Дэлгэрэнгүй » 2016.07.04

Гаалийн ерөнхий газар БНХАУ-ын гаалийн ерөнхий газартай хар тамхины чиглэлээр хамтарч ажиллахаар боллоо

...

Дэлгэрэнгүй » 2017.04.28

Украин улс Оросын хийг худалдаж авахаа зогсоолоо

...

Дэлгэрэнгүй » 2015.07.02

Сэтгүүлчдийн нэгдсэн эвлэл уриалга гаргалаа

...

Дэлгэрэнгүй » 2015.07.15

Д.Оюунхорол: Бодит амьдралд тулгуурлаж асуудлыг шийдэхийг эрмэлзэж байна

...

Дэлгэрэнгүй » 2017.01.25

”Сайн аав” кино хөдөө орон нутгаар гарах хуваарь

...

Дэлгэрэнгүй » 2017.02.19

Сураад боломжийг атгаж авсан хүмүүс амьдралд хожлын нүүдлийг илүү сайн хийдэг

...

Дэлгэрэнгүй » 2015.11.03

Хөгжлийн Банк “ТОП 100 ААН”-ийн нэгээр дахин шалгарлаа

...

Дэлгэрэнгүй » 2018.04.30

”Хүрхрээ” зуслан

...

Дэлгэрэнгүй » 2015.08.11