УИХ-ын дарга З.Энхболд “Хөгжилд хүргэх зам 2016” үзэсгэлэнг сонирхов

Монгол Улсын Их Хурлын дарга Зандаахүүгийн Энхболд өнөөдөр /2016.04.11/ хүнд болон хөнгөн аж үйлдвэрийн салбарт үйл ажиллагаа явуулж буй аж ахуйн нэгжүүдийн оролцсон “Хөгжилд хүргэх зам 2016” үзэсгэлэнг үзэж сонирхлоо. 

 

Аж үйлдвэрийн яам, Үндэсний аж үйлдвэрийн зөвлөл хамтран зохион байгуулж буй тус үзэсгэлэнд 60 гаруй компани оролцон, бүтээгдэхүүнүүдээ дэлгэжээ. Монгол Улсын эдийн засгийг төрөлжүүлэх, өндөр технологийн суурь аж үйлдвэрийн салбарыг шинжлэх ухааны тооцоо судалгаа, зах зээлийн эрэлт хэрэгцээнд тулгууран хөгжүүлэх зорилтыг үндэсний үйлдвэрлэгчид дэвшүүлэн ажиллаж байгаа талаар Үндэсний аж үйлдвэрийн зөвлөлийн удирдлагууд Улсын Их Хурлын даргад танилцууллаа. 

Улсын Их Хурлын дарга, Монгол орны байгаль, цаг уурын онцлогт тохируулан монгол инженерийн зохион бүтээсэн загвараар Герман, БНХАУ-ын хамтарсан үйлдвэрт тусгай захиалгаар үйлдвэрлэгддэг амортизатор болон автомашины бусад сэлбэгийг дотоодын зах зээлд нийлүүлж буй “Сэйф трэк” компанийн бүтээгдэхүүнүүдийг үзэж танилцаад, үйл ажиллагааны төлөвлөгөөний талаар ярилцав.

Мөн импортын шилэн бүтээгдэхүүнийг 100 хувь орлуулах зорилготой шил боловсруулах “Макс Шил” үйлдвэрийн бүтээгдэхүүнийг үзэж сонирхлоо. Плазма технологийг Монгол Улсад нэвтрүүлэх, байгальд ээлтэй технологиор төмрийн хүдрээс цэвэр ган боловсруулах үйлдвэр байгуулахаар судалгаа хийж буй “Монголын плазма технологийн үндэсний төв”-ийн хамт олон Улсын Их Хурлын даргад төслийнхөө талаар болон судалгаа, туршилтынхаа үр дүнг танилцуулж, мэдээлэл өгсөн юм. Мөн төрөл бүрийн ган, ширэм хайлуулж, автомшин хүнд машин механизмийн сэлбэг үйлдвэрлэж буй үндэсний металлургийн “Хөтөлган” үйлдвэрийн бүтээгдэхүүнүүдийг сонирхож, үйлдвэрлэл эрхлэгчидтэй ярилцав.

Энэ үеэр Үндэсний аж үйлдвэрийн зөвлөлийн удирдлагууд, уул уурхайн хүнд машин механизмийн сэлбэг хэрэгслийн дотоодын хэрэгцээг "Хөтөлган" үйлдвэр хангах юм бол үйл ажиллагаагаа тогтмол явуулж, олон хүнийг ажлын байраар хангах бололцоотой талаар хэлж байв. Энэ үеэр “Бэрэн” групп үйлдвэрлэж буй бүтээгдэхүүнүүд, хэтийн төлөвийнхөө талаар танилцуулж, Эрдэнэтийн төмөрлөгийн үйлдвэрлэлийн цогцолборын төслийг Улсын Их Хурлын даргад танилцуулан, ярилцлаа. 

Улсын Их Хурлын дарга “Хөгжилд хүргэх зам 2016” үзэсгэлэнд оролцсон автомашины резинэн сэлбэг хэрэгсэл, төмөр замын бетон дэрний жийрэг резин, уул уурхайн хүнд машин механизмийн резинэн эдлэл зэрэг олон нэр төрлийн бүтээгдэхүүн үйлдвэрлэж буй Резинэн эдлэлийн үйлдвэр, унадаг дугуй үйлдвэрлэж буй "Никель Ганбаа" компани, Монгол Улсад машин үйлдвэрлэлийг хөгжүүлэхээр үйл ажиллагаа явуулж буй “Эклогбус” компани, нарны зайн үйлдвэрлэл явуулж буй “Санко Соолар Монголиа” компани, нийтийн хоол, хүнсний зориулалтын тоног төхөөрөмжийн үйлдвэрлэл эрхэлж буй “Чиглэл” компани зэрэг үзэсгэлэнд оролцож буй 60 гаруй аж ахуйн нэгжийн бүтээгдэхүүнүүдийг үзэж, сонирхон, үйлдвэрлэл эрхлэгчидтэй уулзаж ярилцсан юм. 

Энэ үеэр үйлдвэрлэгчид “Төрөөс аж үйлдвэрийн талаар баримтлах бодлого” батлагдан, өндөр технологийн суурь аж үйлдвэр дээр түшиглэсэн хөгжлийн цоо шинэ загварчлал бий болгох төр-хувийн хэвшлийн хамтын ажиллагаа амжилттай эхэлж байгааг хэлж байв.

Улсын Их Хурлын дарга “Аж үйлдвэрийн яамыг шинээр байгуулсан, өнгөрсөн хугацаанд тус яам олон ажил хийснийг Та бид харж байна. 2015 онд Улсын Их Хурал “Төрөөс аж үйлдвэрийн талаар баримтлах бодлого” болон Үйлдвэржилтийг дэмжих тухай хуулийг баталсан. Төр засгаас үндэсний үйлдвэрлэлээ дэмжин, дотоодын үйлдвэрлэлээр хангах боломжтой барааны тендер шалгаруулалтад гадаадын бараа нийлүүлэгчийг шалгаруулахыг хуулиар хориглосон. Мөн дотоодод үйлдвэрлэж буй 370 гаруй нэр төрлийн барааны гаалийн албан татварыг 5-20 хувь хүртэл нэмэгдүүлэх эрхийг Засгийн газарт олгосон. Одоо үндэсний үйлдвэрлэгчдээ дэмжих бодлого дараагийн үе шат руу шилжиж байна” гэлээ. 

Үзэсгэлэнд оролцогчид төрөөс аж үйлдвэрийн салбарыг хамгаалах, дэмжих бодлого хэрэгжүүлэх шаардлагатай байгаа талаарх саналаа Улсын Их Хурлын даргад хэлж байлаа. Тухайлбал, дотоодод үйлдвэрлэж буй сэлбэг хэрэгсэл, тоног төхөөрөмжтэй ижил нэр төрлийн импортын бүтээгдэхүүний гаалийн татварыг нэмэгдүүлэх, үйлдвэрлэгчдийн хэрэглэж буй түүхий эд, угсралтын эд анги, тоног төхөөрөмжийг гаалийн татвараас чөлөөлөх эрх зүйн зохицуулалт шаардлагатай байгаа юм байна. Мөн аж үйлдвэрийг хөгжүүлэх бодлогыг үе шаттай, зөв дараалалтайгаар явуулж бүс нутгийн зах зээл рүү аж үйлдвэр, технологи, санхүү эдийн засгаар үр ашигтай нэгдэх төлөвлөлтийн ажлыг төр засгаас зохион байгуулах шаардлагатай болохыг үзэсгэлэнд оролцогчид хэлж байв. 

Улсын Их Хурлын дарга, салбарын яамнаас үйлдвэрлэлийг дэмжих асуудлыг Улсын Их Хурлаар хэлэлцүүлж, батлуулахаар ажиллаж байгааг үйлдвэрлэл эрхлэгчдэд дуулгасан юм. 

Улсын Их Хурлын даргыг дагалдан Улсын Их Хурлын гишүүн, Засгийн газрын гишүүн, Аж үйлдвэрийн сайд Д.Эрдэнэбат болон албаны бусад хүмүүс ажиллавхэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв. 

2016.04.12

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.
  • Шинэ
  • Их уншсан
  • Их сэтгэгдэлтэй

Монголд анх удаа умайн хоргүй хавдрын тохиолдолд мэс заслын бус эмчилгээ хийлээ

...

Дэлгэрэнгүй » 2018.11.08

Сураггүй алга болсон БНХАУ-ын иргэдийг хайхаар нислэг үйлдэнэ

...

Дэлгэрэнгүй » 2018.11.08

Цахим залилангийн гэмт хэргээс сэрэмжлүүлж байна

...

Дэлгэрэнгүй » 2018.11.08

236.7 тэрбум төгрөгийн ипотекийн зээл олгожээ

...

Дэлгэрэнгүй » 2018.11.08

Виферон лааны талаар мэргэжлийн байгууллага дүгнэлт гаргах шаардлагатай гэв

...

Дэлгэрэнгүй » 2018.11.08

Монгол улсад “Максим” олон улсын такси захиалгын үйлчилгээ үйл ажиллагаагаа эхлүүллээ

...

Дэлгэрэнгүй » 2018.11.08

Их эзэн Чингис хааны хөшөөнд хүндэтгэл үзүүллээ

...

Дэлгэрэнгүй » 2018.11.08

Н.ЦЭРЭНБАТ САЙДЫГ ЭРГҮҮЛЭН ТАТ

...

Дэлгэрэнгүй » 2018.11.08

Улсын хэмжээнд эмэгтэйчүүдийн баяраар 161 эх амаржив

...

Дэлгэрэнгүй » 2017.03.09

Нутгийн төв хэсгээр хур тунадас орж, говь талын нутгаар салхи шуургатай байна

...

Дэлгэрэнгүй » 2016.04.25

Мэдэгдэл

...

Дэлгэрэнгүй » 2016.05.31

Ноён Бондгорыг Монгол улсын шадар сайд дэмжлээ

...

Дэлгэрэнгүй » 2017.02.21

Он гарсаар 21 мянга ой газар түймэрт өртжээ

...

Дэлгэрэнгүй » 2016.07.05

Алтан амь аварсан ачит ”Өрхийн эмч нар”

...

Дэлгэрэнгүй » 2017.05.23

"Этүгэн энтрепренёр" хөтөлбөр амжилттай явагдаж дуусчээ

...

Дэлгэрэнгүй » 2018.03.12

БНН-н дарга Б.Жаргалсайхан Round15 нэвтрүүлэгт оролцлоо

...

Дэлгэрэнгүй » 2016.03.24

“РИО 2016”-д оролцох жудочдын нэрийг зарлалаа

...

Дэлгэрэнгүй » 2016.04.27

Г.Алтанхүү өршөөлийн хуульд хамрагдан суллагдлаа

...

Дэлгэрэнгүй » 2015.12.04

“ДЮЦ” компанийн буруутай үйл ажиллагаанаас болж нэг хүний амь нас эрсэдлээ

...

Дэлгэрэнгүй » 2015.07.16

Ерөнхий сайд Ж.Эрдэнэбат Улсын аварга малчин, тариаланч, тариаланч хамт олны шагналыг гардуулж байна

...

Дэлгэрэнгүй » 2017.02.20

Эрүүл мэндийн салбарын цомын төлөөх тэмцээн зохион байгуулагдлаа

...

Дэлгэрэнгүй » 2017.04.10

Батж. Батбаярын зувчуулсан таван тэрбумын асуудал ил боллоо

...

Дэлгэрэнгүй » 2015.09.21

Монгол Улсын Ерөнхийлөгч Ц.Элбэгдорж Хөвсгөл аймагт ажиллана

...

Дэлгэрэнгүй » 2016.03.02

Э.Батшугар: Эдийн засаг хөрсөн дээрээ буучихсан учраас “Стэнд бай” хөтөлбөрийн хэрэгцээ шаардлага алга

...

Дэлгэрэнгүй » 2015.06.24