Б.Дамба Ялагдсан Ч Б.Амармэнд Африкийн Хошиказэ Зулу Омгийн Дайчинг Буулган Авав


Японы тулааны урлагийн "Ганрюүжима” холбооны "Starting Over” тэмцээн Токио хотын "Тokyo dome” спорт цогцолборт болж өнгөрлөө. Тус тэмцээнд манай хоёр тамирчин оролцохоор бэлтгэл сургуулиа базааж байгаа талаар бид мэдээлсэн билээ.
Төв аймгийн арслан Б.Дамба, түүний дүү, мэргэжлийн сүмод Хошиказэ нэрээр барилдаж байсан Б.Амармэнд нар тус холбооны дэвжээн дээр тулалдсан. Б.Дамба Сенегалын үндэсний бөхийн аваргатай тулалдсан бол Хошиказэ зулу омгийн дайчинтай өрсөлдсөн. Тэмцээний эхнээс л тамирчид монгол, сенегал бөхийн хэн нь хүчтэйг харуулна, монгол хүн зулу омгийн аль нь чадалтай, зоригтойг үзүүлнэ хэмээн хэвлэл мэдээллээр мэдэгдэж байсан тул энэ хоёр тулаан хамгийн их анхаарал татаад байлаа.

"Starting Over” тэмцээнд нийт найман тулаан явагдсан. Тулааны урлагийн маш олон төрлийн тамирчид тус тэмцээнд хүч сорьсон. Эхлээд Бразилийн капоэйра Маркус Аурильо Японы сүмоч Накажима Тайшитэй тулалдлаа. Тоглолт эхлээд ердөө 28 секундын дотор Маркус капоэйрагийн эргэлттэй өшиглөлтөөр Тайшиг нам цохин унагаасан. Дараа нь гарч ирсэн Тайландын муай тай боксын Күнтапп холимог тулааны мастер Тошиг баруун гарын хүчтэй цохилтоор, Японы үшүч Шинсүкэ Сэто нутгийнхаа жижицүгийн Цүёоши Ивакүраг мөн л хүчтэй цохилтоор эхний үед цэвэр ялцгаав. Тэмцээний эхнээс л тоглолтууд хүнд цохилтоор дуусаж, үзэгчид тун баяртай байцгаана. Гэхдээ зарим тоглолт үзэгчдийн санаанд хүрсэнгүй, хэт хурдан өндөрлөж байв. Цагтаа К-1-ийн рингэн дээр үзэлцэж явсан боксчин Ватанабэ Казүхиса Энэтхэгийн сират хэмээх тулааны урлагийн тамирчинтай халз тулсан. Ердөө 25 секундэд сиратын Бхарат Кандарэ түүнийг өшиглөж унагаан, дээрээс нь нэг цохиод л нам болголоо. Харин ОХУ-ын байлдааны самбоч Виталий Клатт Бразилийн Luta Livre төрлийн Андрей Дида нарын тоглолт 3 үе үргэлжилсэн. Харилцан зодолдож, барилдсаар Дида хүнд цохилтоор давамгайллаа.



Ингээд 6 дахь тоглолт дээр Төв аймгийн арслан Б.Дамба гарч ирсэн. Түүний өрсөлдөгч сенегал бөхийн их аварга Грис Бүдо гэж байсан ч харин Бүдо ирсэнгүй. Оронд нь түүний дүү Грис Бүдо 2 гэгч бөх Африкаас иржээ. Африкчуудын менежер, орчуулагч Бобби Орегон энэ талаар "Японы тулааны ертөнцийг улам сонирхолтой болгохын тулд Африк тивийг хөндлөн гулд тэнэж, хүчтэй тамирчин олсон. Гэвч долоодугаар сарын 30-нд Сенегалд үндэсний бөхийн наадам болох гэж байгаа тул Сенегал бөхийн холбооноос Грис Бүдог тулааны тэмцээнд оролцохыг зөвшөөрсөнгүй. Тийм болохоор Грис Бүдо уг нь Японд ирээд, бэлтгэл хийж байсан ч тэмцээнд орох боломжгүй болсон. Түүний оронд төрсөн дүү нь болох "Грис Бүдо 2” тулалдана. Бас сенегөл бөх барилддаг тамирчин” гэж тайлбар хийсэн юм.



Бүдо 2 үндэснийхээ дуу хөгжмийн аялгуун дор бүжиглэсээр талбайд гарч ирлээ. Харин гэнэт өрсөлдөгч нь солигдсон нь Б.Дамбын сэтгэл зүйд нөлөөлсөн биз ээ.


Тулаан эхэллээ. Бүдо хөлд орон, дээр нь гарсан ч мэх хийхгүй удсан тул шүүгчид босголоо. Тоглолтын дүрэм ёсоор дугуй талбайгаас өрсөлдөгчөө гаргах, унагаахад оноо өгч байв. Тамирчид харилцан цохилцож, тулалдсаар Бүдо нэг удаа унагааж, оноо илүү болсон. Б.Дамба зайнаас өшиглөн, зодолдохыг бодож байсан бол Бүдо унагааж, оноо авахыг илүүд үзсэн. Барьц аван унагаана. Цохилт гаргаад л урагш орж ирэн, бүснээс барин эргүүлээд л унагаана. Б.Дамба байдлыг өөрчилж чадсангүй. Иймэрхүү маягаар тоглолт үргэлжилсээр гурван удаа Б.Дамбыг талбайгаас гарган унагаасан Бүдо хоёрдугаар үеийн 2 дахь минутад иппон ялалт авлаа. Тоглолтын дараа Бүдо "Сенегал бөхийн хүч чадлыг япончуудад харуулах сайхан боломж гарсанд баяртай байна. Сенегал Япон улсууд ахмад настнаа хүндлэх зэрэг ёс заншил ижилхэн орон. Баярлалаа” гэж ярьсан. Ийнхүү сенегал бөх манай үндэсний бөхийг ялж чадсан.



Тэгвэл мэргэжлийн сүмогийн жюүрёо зиндаанд барилдаж байсан Хошиказэ Өмнөд Африкийн зулу үндэстний дайчин, Бонгинкоши Мадонсэра гэгчтэй тулалдсан. Нүднийх нь өмнө төрсөн ах нь ялагдаж, африкчууд баярлалдаж байхад түүнд ялахаас өөр зам байгаагүй. Ямар зулу, юун Африк. Наана чинь Монгол үндэстний нэр төрийн асуудал яригдаж байна. Тоглолтын өмнөөс л монголчуудыг эр зоригоороо нухан дарна гэж мэдэгдэж байсан Бонгинкоши мөн л бүжиглэсээр орж ирэх аж. Бие хаа бол манай тамирчнаас илүү том.



Тоглолт эхлээд л Хошиказэ хөлд нь орж, дээр нь гарлаа. Гэвч давуу байдлаа хэвтээгээс мэх хийх цаг дуустал ашиглаж чадсангүй. Байнга урагш зүтгэн довтлох Б.Амармэнд. Хэт улайран дохио өгөөгүй байхад дайраад байсан тул шүүгч манай тамирчнаас нэг оноо хаслаа. Түүний зүүн гарын цохилт амжилттай болж, Мадонсэрагийн баруун нүдний дээд талаас цус асгаран, эмнэлгийн тусламж авлаа. Барилцаж аван, талбайн захад унаж, тоглолтыг зогсоосон ч дээрээс нь нүдэж байгаад Хошиказэ дахиад торгуулсан. Гэхдээ түүний урагш довтлон, үхэх сэхэхээ үзэх гэсэн эр зориг зулу омгийн хамгийн хүчирхэг залууг айлгав бололтой.






Хоёрдугаар үед Мадонсэра хөлд орон, унагаах үедээ Хошиказэгийн гарыг хазаж, торгууль хүлээлээ. Хошиказэ дайрсаар л. Түүний толгойд Мадонсэрагийн тоглолтын өмнө хэлж байсан "Рингэн дээр тулалдаж үзээгүй, гэхдээ ширэнгэн ой дотор байлдахаас л амар байх. Анх энэ тэмцээнд орох урилга ирэхэд хэдэн арван хүнтэй л тулалдах юм бодож байлаа. Тэгсэн чинь ганцхан хүн юм байна. Ардаас гэнэдүүлж дайрна гэхгүй хялбархан юм. Дүрмийг нь сайн ойлгоогүй ч алж болохгүй юм байна гэдгийг л ойлгосон” гэсэн бардам үг орж ирсэн нь лавтай. Мадонсэра хөл гэмтлээ гэж эмчийн тусламж аван, цаг нөхцөөн, яаж энэ монгол залуугаас бүрэн бүтэн салах вэ гэж байгаа бололтой сууна. Тулаан дахин эхэллээ. Барилцаад авлаа. Талбайн гадна дахин зууралдан унаж, Хошиказэ босоод ирэхэд зулу омгийн дайчны эр зориг нь хугарлаа. Тэрбээр дасгалжуулагч руугаа харж, нөгөөх нь ч цагаан алчуур гарган хаяснаар Монгол залуу зулу омгийг дахиж, монгол гэж дуугарахгүй болтол нь хашраасан. Хошиказэ "Бие махбодийн томоор биш сэтгэл зүрх, эр зоригоор ялдагийн үлгэр жишээг харууллаа гэж бодож байна. Бобби Орегон Африкаас улам том, бүр хүчтэй бөх дагуулаад ир. Будаа болгоод өгье” гэж африкчуудад дайн зарласнаа мэдэгдсэн юм.




Эх сурвалж. www.ub.life

2016.03.26

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Монгол прагматизмыг санал болгоё

...

Дэлгэрэнгүй » 2018.09.25

М.Даваажаргал: Тэнгэрт морилсон аавдаа том амжилттай ирлээ

...

Дэлгэрэнгүй » 2018.09.25

Хуан Лерма: Тархи судлал XXI зуунд хамгийн чухал үүрэгтэй

...

Дэлгэрэнгүй » 2018.09.25

“МИАТ”-ийн “нойтон түрээс”-ийн экипаж эх орондоо ирлээ

...

Дэлгэрэнгүй » 2018.09.25

"Галзуурсан" үнийг төрөөс барих цаг болжээ

...

Дэлгэрэнгүй » 2018.09.25

АТГ: Нэг компани 10 жил дараалан тендерт шалгарсан зөрчил илэрчээ

...

Дэлгэрэнгүй » 2018.09.25

Л.Энхболд гүтгэх ажилдаа өмнөговьчуудыг татан оролцуулж эхэлжээ

...

Дэлгэрэнгүй » 2018.09.24

“Хөдөлмөрийн эрүүл мэндийн суурь тусламж үйлчилгээ” сэдэвт олон улсын сургалт амжилттай боллоо

...

Дэлгэрэнгүй » 2018.09.24

БНСУ-д амьдардаг гадаад иргэдэд хууль зүйн зөвлөгөө үнэ төлбөргүй өгөхөөр болжээ

...

Дэлгэрэнгүй » 2018.09.18

Баруун аймгийн зарим нутгаар нойтон цас оржээ

...

Дэлгэрэнгүй » 2018.09.19

Дарханчууддаа зориулж S.Outlet дэлгүүр онцгой хямдрал зарлалаа

...

Дэлгэрэнгүй » 2016.04.14

МАХН-ын Бага чуулганаас МАН-д хандаж уриалга гаргалаа

...

Дэлгэрэнгүй » 2016.04.21

СХД-ийн Засаг дарга М.Чинболдыг хуулийн дагуу огцруулсан болохыг мэдэгдэв

...

Дэлгэрэнгүй » 2016.05.02

​Хээр хаясан архины шил түймрийн шалтгаан болж байна гэв

...

Дэлгэрэнгүй » 2017.07.16

Эмэгтэй Ерөнхий сайдтай болох уу

...

Дэлгэрэнгүй » 2017.09.15

Энэ сарын 26-нд зуны цагийн хуваарьт шилжинэ

...

Дэлгэрэнгүй » 2016.03.11

Д.Оюунхорол: Дарь-Эхийн 180 гаруй айлыг цахилгааны шугаманд холбуулна

...

Дэлгэрэнгүй » 2017.06.07

Арван жил зогсонги байдалд байсан 25 сая долларын төсөл хөдөлгөөнд орлоо

...

Дэлгэрэнгүй » 2016.10.13

УИХ-ын гишүүн Г.Уянга 40 нас хүрэв

...

Дэлгэрэнгүй » 2015.10.05

Наадмын өдрүүдэд 659 автобус иргэдэд үйлчилнэ

...

Дэлгэрэнгүй » 2016.07.06

Ерөнхийлөгч та яг одоо л хэрэгтэй байна

...

Дэлгэрэнгүй » 2016.04.21

Б.Индра: Зүүн дөрвөн замын давхар гүүрэн гарцын ажил энэ онд эхэлнэ

...

Дэлгэрэнгүй » 2018.01.12

Монголын топ 100 баячуудын жагсаалт Оросын сайт дээр шуугиан тарьж байна!!!

...

Дэлгэрэнгүй » 2015.09.07

Нийтийн тээврийн “Цахим төлбөрийн карт” захиалах мэдүүлгийн маягтыг баталлаа

...

Дэлгэрэнгүй » 2015.09.14