Улсын их хурлын дарга Дундговь аймгийн зарим аж ахуйн нэгжийн үйл ажиллагаатай танилцав

Монгол Улсын Их Хурлын дарга Зандаахүүгийн Энхболд Дундговь аймагт ажиллах үеэрээ /2016.03.08/ үйлдвэрлэл эрхлэгчидтэй уулзаж, үйл ажиллагаатай нь танилцав. 

 


Дундговь аймгийн нийт  15 сумын хэмжээнд 78 үйлдвэр, цех хүнсний үйлдвэрлэлийн үйл ажиллагаа явуулж, 255 гаруй хүн ажилладаг байна. Эдгээр үйлдвэрлэгчид орон нутгийн хэрэглэгчдийн хүнсний хэрэгцээний 45-50 хувийг хангадаг бөгөөд Улсын Их Хурлын дарга хүнсний үйлдвэрлэл эрхлэгч “Говийн гэгээ” ХХК-ийн үйл ажиллагаатай танилцлаа. Тус компанийн захирал Н.Эрдэнэбат 2003 оноос өрхийн үйлдвэрлэл эрхэлж, 2011 онд компани байгуулан, үйл ажиллагааг нь өргөжүүлжээ. Одоо “Говийн гэгээ” ХХК 20 гаруй нэр төрлийн хүнсний бүтээгдэхүүн үйлдвэрлэн, сард дунджаар 8 сая орчим төгрөгийн борлуулалт аймгийнхаа хэмжээнд хийдэг байна. Өнөөдрийн байдлаар 8 хүнийг тогтмол ажлын байраар ханган, нийгмийн даатгалын шимтгэлийг төлж байгаа талаараа тус компанийн захирал Улсын Их Хурлын даргад танилцуулав. 

Цаашид үйлдвэрлэлээ нэмэгдүүлж, үйл ажиллагаагаа өргөжүүлэх сонирхол байгаа хэдий ч  санхүүгийн нөхцөл байдлаас шалтгаалан ажил хэрэг болгож чадахгүй байгаагаа хэлж байв. “Говийн гэгээ” ХХК-ийн захирал Н.Эрдэнэбат хэлэхдээ, 2014 онд ЖДҮХС-аас 15 сая төгрөгийн зээл авч үйлдвэрийн байраа завсарлан, шинэ байрны ажил эхлүүлээд байгаагаа дуулгаж байв. Орон нутагт үйл ажиллагаа явуулж буй жижиг дунд үйлдвэрлэл эрхлэгчид арилжааны банкнаас бизнесийн зээл авахад нэн тэргүүнд зээлийн шалгуур өндөр байдаг, цаашлаад зээлийн хүү өндөр учраас зээл аваад үйл ажиллагаагаа өргөжүүлэх бололцоо тун бага байдгийг хэлж байсан. Тиймээс орон нутагт үйл ажиллагаа явуулж буй үйлдвэрлэл эрхлэгчдэд бага хүүтэй, урт хугацаатай зээл олгоход анхаарах, бичил бизнес эрхлэгчдэд татвар, нийгмийн даатгалыг хөнгөлөх зэрэг дэмжлэг үзүүлэх талаар төр, засгийн зүгээс судалж үзээсэй хэмээн хүсч байдгаа Улсын Их Хурлын даргад дуулгалаа.

Дундговь аймагт жижиг дунд үйлдвэрлэл эрхэлдэг бүртгэлтэй 500 гаруй иргэн, аж ахуй нэгж байдаг бөгөөд Улсын Их Хурлын дарга тус аймагт ажиллах үеэрээ модон эдлэлийн үйлдвэрлэл эрхэлдэг “Агь” мужааны цехийн үйл ажиллагаатай танилцсан юм. Мандалговь суманд 3 аж ахуйн нэгж модон эдлэлийн үйлдвэрлэл эрхэлж байгаа ба “Агь” мужааны цех  2007 оноос хойш гэрийн мод, модон эдлэл болон төрөл бүрийн тавилга үйлдвэрлэж байгаа юм байна. Тус цехийн захирал Г.Цэрэндаш Улсын Их Хурлын даргад үйл ажиллагааныхаа талаар танилцуулах үеэрээ “Манай аймгийн урчуудын хийсэн гэрийн мод эрт үеэсээ алдартай. Тиймээс аймаг орон нутгийнхаа нэрийг гаргах брэнд бүтээгдэхүүн үйлдвэрлэх зорилготой ажиллаж байна. Үүний тулд бүтээгдэхүүний чанарт өөрөө хяналт тавьж, ажилдчынхаа ур чадварыг сайжруулахад анхаарч, мужаанууддаа зааж зөвлөн ажилладаг” гэв. Сард дунджаар 5-6 сая төгрөгийн борлуулалт хийдэг байна. Өнөөдрийн байдлаар 6 хүнийг тогтмол ажлын байраар хангаж байгаа ч бүтээгдэхүүний захиалга нэмэгдэн, ачаалал ихсэх үед 4-5 туслах ажилчин нэмж ажиллуулдаг талаараа Улсын Их Хурлын даргад танилцууллаа.

“Агь” мужааны цех түүхий эдээ Улаанбаатар хотоос авдаг бөгөөд модны үнэ сүүлийн жилүүдэд өсч байгаагаас бүтээгдэхүүнийх нь үнэ ч өсөх хандлагатай байгаа гэнэ. Энэ нь бүтээгдэхүүний борлуулалтад сөргөөр нөлөөлж байгаа хэдий ч үйлдвэрлэлээ өргөжүүлэн, Улаанбаатар хотод бүтээгдэхүүнээ борлуулах зорилготой гэдгээ тус компанийн захирал Г.Цэрэндаш хэлж байлаа.

Улсын Их Хурлын дарга Дундговь аймгийн МСҮТ-ийн шинэ байртай танилцав. Тус сургалтын төвд 2015-2016 оны хичээлийн жилд 400 орчим сурагч 16 төрлийн мэргэжил эзэмшиж байгаа аж.

Дундговь аймгийн болон Улаанбаатар хотын барилгын компаниудтай хамтран ажилладаг тус төгсөгчид нь 100 хувь ажлын байртай байдаг талаар тус сургалтын төвийн сургалтын албаны дарга Э.Эрдэнэбаяр Улсын Их Хурлын даргад танилцуулсан юм. Тус сургууль энэ хавраас хичээлийн шинэ байрандаа сургалтын үйл ажиллагаагаа явуулж эхлэх гэнэ.

Үүний дараа уурын зуухны тогоо үйлдвэрлэдэг “Ган илч” компанийн үйл ажиллагаатай танилцав. Тус компани аймгийнхаа ЖДҮ-ийн сангаас 800 сая төгрөгийн зээл авсан бөгөөд үйлдвэрийн байраа энэ онд ашиглалтад оруулахаар ажиллаж байгаа аж. Үйлдвэрийн бүтээгдэхүүн, технологи, түүхий эдийнхээ талаар мэдээлж, Улсын Их Хурлын дарга “Танай хэрэглэж буй лист төмрийг Орхон аймгийн “Бэрэн” компани үйлдвэрлэж байгаа тул цаашид дотоодын түүхий эдээ ашиглах тал дээр судлах нь зүйтэй” гэсэн юм. 

 

Мөн энэ өдөр Улсын Их Хурлын дарга Мандалговь сумын “Говийн ирээдүй” дунд сургуульд сүү, сүүн бүтээгдэхүүн нийлүүлдэг фермийн үйл ажиллагаатай танилцсан юм. Тус ферм нь аймгийн төвөөс 5 км-ийн зайд байрладаг, нийт 85 үхэртэй. Үүнээс төллөх 20-30 үнээтэй энэ фермийг Ц.Нарандэлгэр эцэг, эхийнхээ хамтаар эрхэлдэг байна. 2009 оноос мал аж ахуй эрхэлж эхэлсэн бөгөөд 2015 онд үйл ажиллагаагаа өргөжүүлэн ферм болгосон байна. Тус ферм өдөртөө 40-60 литр сүүг “Говийн ирээдүй” сургуульд нийлүүлдэг аж. Сардаа борлуулалтын орлого 2 сая орчим төгрөг байдаг талаар Ц.Нарандэлгэр хэлж байв. 2014 онд ЖДҮХС-аас 30 сая төгрөгийн зээл авч, үйл ажиллагаагаа өргөжүүлэхээр зарцуулжээ. Дундговь аймгийн 2015 оны шилдэг байгууллагын нэгээр шалгарсан тус ферм малынхаа үүлдэр, угсааг сайжруулах, үр ашгийг нэмэгдүүлэхэд анхаарч ажилладаг талаараа Улсын Их Хурлын даргад танилцуулсан юм. 

Улсын Их Хурлын даргыг дагалдан Улсын Их Хурлын гишүүн, Засгийн газрын гишүүн, Хүнс, хөдөө аж ахуйн сайд Р.Бурмаа, Улсын Их Хурлын гишүүн Б.Наранхүү, Дундговь аймгийн Засаг дарга С.Од-Эрдэнэ болон албаны бусад хүмүүс дагалдан ажиллавхэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

2016.03.09

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.
  • Шинэ
  • Их уншсан
  • Их сэтгэгдэлтэй

Эрчим хүчээ нэмье

...

Дэлгэрэнгүй » 2018.05.18

Б.Батбаяр: Улс орныхоо эдийн засагт дэмжлэг болох төсөл хөтөлбөрүүдээ бүрэн хангаж яваа

...

Дэлгэрэнгүй » 2018.05.18

Хөгжлийн банкны хөгжил

...

Дэлгэрэнгүй » 2018.05.17

Х.Мандахцэцэг: Дөрвөн улсаас бусад оронд сунгалттай паспорт үйлчилнэ

...

Дэлгэрэнгүй » 2018.05.17

Хайчлуулсан засаг

...

Дэлгэрэнгүй » 2018.05.17

Ажилгүйдлийн түвшин өмнөх оны мөн үеэс 0.6 хувиар өслөө

...

Дэлгэрэнгүй » 2018.05.17

П.Товуудорж: Багануурын төсөл зогслоо гэхэд Монголчууд өөрсдөө станц барина гэдэг бол үлгэр

...

Дэлгэрэнгүй » 2018.05.17

Малчдын улсын зөвлөгөөн бэлчээрийн асуудлыг шийдэхэд чиглэж байна

...

Дэлгэрэнгүй » 2018.05.17

Замын-Үүд дэх гаалийн газарт жилд 15 тэрбум төгрөгөөс илүү орлого олдог хоёр байцаагч байна

...

Дэлгэрэнгүй » 2018.05.16

Цаазаар авах ялын хэрэглээ багасчээ

...

Дэлгэрэнгүй » 2018.04.16

Д.Сугарыг “сугалах” баримт Б.Мөнхжаргалын гэрээс олдсон уу

...

Дэлгэрэнгүй » 2018.04.19

Б.Бахытгүл:Би Мураттай эцсээ хүртэл тэмцэнэ, дээрэлхүүлэхгүй

...

Дэлгэрэнгүй » 2018.03.22

Төрийн банкны амралтын өдрүүдээр ажиллах цагийн хуваарь

...

Дэлгэрэнгүй » 2016.12.29

УИХ-ын дарга М.Энхболд: Авлигын эсрэг бид бас нэгэн шинэ алхам хийж байна

...

Дэлгэрэнгүй » 2016.12.09

Тэмдэг, тэмдэглэгээг зөв газарт байршуулвал талбай дээр ажиллаж байгаа ажилчдын амь насыг аврах боломжтой

...

Дэлгэрэнгүй » 2017.10.24

Эмч,сувилагчийн эрүүл мэндийг хамгаалах талаар ярилцлаа

...

Дэлгэрэнгүй » 2017.03.14

Маргаашийн ирээдүйн төлөө Арын сайхан хангайн эмэгтэйчүүд чууллаа

...

Дэлгэрэнгүй » 2015.08.11

Хог хаягдлын цэвэрлэгээ, ачилт,цуглуулалт, тээвэрлэлтийн ажлыг эрчимжүүлнэ

...

Дэлгэрэнгүй » 2016.09.29

Азийн тогтвортой өсөлт, тулгарч буй сорилтууд

...

Дэлгэрэнгүй » 2017.10.19

Төрд хатан ухаан хэрэгтэй ч хатдын сүнс дуудахын хэрэг юун

...

Дэлгэрэнгүй » 2015.11.05

”Эрүүл далай- Эрүүл дэлхий”

...

Дэлгэрэнгүй » 2016.07.06

Монгол Улсын Хөгжлийн банкинд итгэх итгэл нэмэгдэж байна

...

Дэлгэрэнгүй » 2017.11.01

Э.Бат-Үүл нийслэлийн түүхэнд байхгүй их мөнгөтэй Засаг даргаар тодров

...

Дэлгэрэнгүй » 2015.09.29

О.Баасанхүү: Үндэсний эв нэгдлийг хангах үүрэгтэй Ерөнхийлөгч жагсаал цуглаанд уриалж болохгүй

...

Дэлгэрэнгүй » 2018.01.31