Төр засгаас телевизийн удирдлагуудад шууд нөлөөлж байна

АН засгийн эрх барьсан жилүүдэд хуруу гараа “дүрээгүй”, хутгалдаагүй газар хэлтэс гэж үлдээгүй гэдэг. Харин тэд эрхээ эдлээд дуусах үед эргээд хартал өөрсдийнх нь гар хөл ороогүй нэг салбар үлдсэн байсан нь Үндсэн хуулийн Цэц байв.

 

Тиймээс ч тэд кнопын олон, эрх мэдлийнхээ хүчээр маш хурдан хугацаанд Үндсэн хуулийн Цэцийн даргыг өөрчилж орхив. Тэр байтугай албан тушаалаасаа "хүчээр" огцорсон Ж.Амарсанаа даргыг телевизийн эфирээр яриулсныхаа төлөө Д.Жаргалсайхан Олон нийтийн телевизээр нэвтрүүлгээ цацах эрхээ хүртэл хасуулав.

 

Хэдийгээр МОҮНРТ-ийн зүгээс “Нэвтрүүлгээ хаалгасан нь өөрөөс нь болсон” гэх учир битүүлэг тайлбарыг хийж байгаа ч үнэн хэрэгтээ “Дефакто" нэвтрүүлгийг хаасан нь АН-ынхны хийж байгаа ажил. Тэр дундаа энэ улсад “эзэн суусан” Зи даргын явуулга гээд хэлчихэд хилсдэхгүй. Хэдий олон нийтийн гэх тодотголтой ч МҮОНРТ өдгөө АН-ын телевиз болж хувирсныг хэн хүнгүй мэдэж байгаа.

 

Учир нь өрдөө ганцхан жилийн өмнө энэ намын Ерөнхий нарийн бичгийн даргаар ажиллаж байсан Ц.Оюундарийг тус телевизийн даргаар томилсон цагаас олон нийт ийм сэтгэгдэлтэй болсон. Угаас үүнээс өөрөөр харах боломжгүй. Өөрөөр хэлбэл, ашиг сонирхлын зөрчилтэй хүн Үндэсний телевизийг удирдаж байгаа учраас л Д.Жаргалсайхан нэвтрүүлгээ хаалгаж, телевизийн халаа сэлгээ утгаа алдаж, иргэд МҮОНРТ-ийн нэгдүгээр сувгаар "Цагийн хүрд”-ээ үзэх эрхгүй болоод буй. Уг нь та бид энэ телевизийн татвар төлөгчийн хувьд хэрэгцээтэй мэдээ мэдээллээ нэгдүгээр сувгаар шууд хүлээн авах учиртай. Гэтэл эрх баригчид Ц.Оюундариараа дамжуулаад иргэдийн энэ эрхэд халдсан. Ингээд зогсохгүй цаг үеийн чухал сэдвээр ярилцлага хийж, мэдээлэл цацсаныхаа төлөө Д.Жаргалсайхан нэвтрүүлгээ хаалгалаа. Чухам ямар алдаа гаргаж, нэвтрүүлгээ хаалгах болсон талаар нь эдийн засагч, “Дефакто” нэвтрүүлгийн хөтлөгч Д.Жаргалсайханаас тодруулахад ийн хариулав.

 

“Асуудлын гол нь Үндсэн хуулийн Цэцийн даргын ярьсанд ч биш, олон нийтийн телевизээр 40 минут гардаг миний нэвтрүүлэгт зөвшөөрөлгүй зочин оруулахгүй гэдэг дээр үндэслэсэн. Цэцийн дарга байсан Ж.Амарсанаа гэдэг хүн өөрийн үзэл бодлоо илэрхийлсэн. Энэ бол зарчмын асуудал болчихож байгаа юм. Үндэсний телевизээр янз бүрийн үзэл бодол явах ёстой.

 

Ялангуяа томоохон хэмжээний асуудал учраас тэр хүний байр суурийг сонсох ёстой шүү дээ. Тиймээс хүмүүст энэ мэдээлэл очих ёстой гэж бодсон. Ж.Амарсанаа гуай бусад хэвлэл мэдээллээр ярьсан юмаа л ярьсан, шинэ юм яриагүй. Би нэвтрүүлгээрээ өөр бусад байр суурийг ч сонсох бодолтой байсан. Бодлогын уялдаа холбоо байхгүй байна, бидний бодлого үүнд тусах ёстой, цаашдаа ч янз бүрийн хүн уриад байх юм байна гэж нэвтрүүлгийн агуулгад цензур тавиад эфиртээ цацахгүй гэлээ” гэсэн юм.

 

Түүнчлэн энэ телевизэд Үндэсний зөвлөл гэж бодлогын хэсэг бий. Гэтэл энэ Үндэсний зөвлөлийг алгасаад төр засгийн зүгээс телевизийн удирдлагуудад шууд нөлөөлж байна гэдгийг тэрбээр мөн хэлсэн. Харин телевизийн зүгээс "Өөрөөс нь болсон” гэх тайлбарыг твиттер хуудсаараа дамжуулан хийсэнтэй холбоотойгоор өөрөө ямар нэгэн байдлаар хариуцлага алдсан эсвэл эфирийн цаг тасалж, хоцроосон гэх мэтээр хариуцлага алдсан эсэхийг тодруулахад “Эрх баригчдаас өөр бодолтой хүнийг нэвтрүүлэгтээ урьсан явдал л тэдэнд таалагдаагүй. Зургаан жил энэ ажлыг хийхэд техникийн болон бусад алдаа гаргаж байсангүй.

 

Би аль нэг улс төрийн намын гишүүн биш. Тиймээс хүмүүст юмны учрыг ойлгуулах гэж соён гэгээрүүлэх энэ ажлыг хийдэг. Орон даяар гарч байгаа ганц үндэсний телөвизээр би санал бодлоо илэрхийлэх нь зүйтэй гэж бодож нэвтрүүлгээ өгч байсан. Телевизийн дарга нь утсаар ярьсан. “Уучлаарай, сонгууль хүртэл таны нэвтрүүлгийг гаргаж чадахгүй нь ээ" гэсэн.

 

Хамтран ажиллаж эхлэхдээ хийсэн гэрээ бий. Би өөрөө контентоо хариуцна, бэлдсэн нэвтрүүлгээ тэднийхээр цацна гэсэн гэрээ байсан” гэж ярилаа. Тэгэхээр "Дефакто” нэвтрүүлгийг хаахдаа хүртэл албан бус байдал гаргажээ гэж ойлгож болохоор байгаа юм. МҮОНРТ түүний нэвтрүүлгийг анхлан гаргаж эхлэхдээ албан ёсоор гэрээ байгуулан баталгаажуулсан атлаа хаахдаа зүгээр л утсаар ярьсан байх юм.

 

МҮОНРТ бол хувийн байгууллага биш.Бие даасан хуультай, төсвөөс санхүүжилттэй ганц хэвлэл мэдээллийн хэрэгсэл. Гэсэн атлаа аливаа ажлыг ийм хариуцлагагүй хийж байгааг юу гэж ойлгох вэ. Тэгээд ч тэд иргэдийн мэдэх эрхэд энэ мэт бүдүүлгээр халдсаар байх уу. Олон нийтийн дуу хоолой болох үндсэн үүргээ ухамсарлахгүй байгаа энэ байгууллагыг цаашид хэрхэх вэ.

 

Эрх : баригчдын “халаасанд” энэ чигээр нь байлгасаар байх уу гэх мэт олон асуулт энэ удаагийн үйл явдлаас урган гарч ирлээ. Нэвтрүүлгийнх нь зочин эрх баригчдад таалагдахааргүй зүйл ярьсан 'нь уг нь Д.Жаргалсайханы буруу биш Гэсэн ч тийм яриаг олон нийтийн телевизийн эфирээр олон түмэнд хүргэснийхээ төлөө тэрбээр нэвтрүүлгээ хаалгаж байна.

 

Хэдий МҮОНРТ Д.Жаргалсайхан гэдэг хүнд хаалгаа хааж байгаа ч тэрбээр “Цаашдаа миний ажил үргэлжилнэ. Сонинд юмаа бичнэ, аль нэг телевизээр нэвтрүүлгээ гаргана. Сошиал медиа, интернэт гэж хэнээс ч хараат бус суваг байгааг илүү ашиглаж явна” гэдгээ хэлсэн. Ямартай ч эрх баригчдын нөлөө хаа сайгүй байгааг эндээс харж болно, Тэрбүүхэл, Үндсэн хуулийн манаач болсон Цэцийг хүртэл атгандаа оруулах ажиллагааг Зи тэргүүтэй АН-ынхан эхлүүлсэн. Цаашид ч энэ процессыг үргэлжлүүлж, “өөрийн хүн”-ээ Цэц рүү чихэх ажиллагааг улайм цайм зүтгүүлэх нь дамжиггүй. Гагцхүү энэ бүхнээ тэд ямар хуулийг хэрхэн зөрчиж, ямархан балмад замаар биелүүлэхийг харах л үлдлээ.

 

М.Өнөржаргал

Эх сурвалж: "Монголын үнэн" сонин


2016.02.29

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Д.Үүрцайх: Үндсэн хуульт ёс, парламентын ардчиллаа үгүйсгэсээр ирсэн Ерөнхийлөгч барьцаа лавшруулсан учраас цэцэд хандлаа

...

Дэлгэрэнгүй » 2019.09.23

Хүнээ мартсан төр

...

Дэлгэрэнгүй » 2019.05.21

Дэлхий дахинаа авлигатай хийх тэмцлээр сонин сайхан юутай байна вэ?

...

Дэлгэрэнгүй » 2019.05.21

Гачуурт Арцатын аманд 153 өрх айлыг цахилгаанаар хангаж улсын комисст хүлээлгэн өгчээ

...

Дэлгэрэнгүй » 2019.05.21

Зөв тусгал: Бидний төсөөлснөөс ч илүү хөгжих боломж хүүхдэд бий

...

Дэлгэрэнгүй » 2019.05.21

Г.Наранбаатар: Хүүхэд насандаа сэтгэл зүйн гэмтэл авсан хүмүүс сэтгэл зүйн зөвлөгөө авахаар их ирдэг

...

Дэлгэрэнгүй » 2019.05.21

Монголын эдийн засаг гадны нөлөөнд эмзэг хэвээр байна гэж АХБ дүгнэжээ

...

Дэлгэрэнгүй » 2019.05.21

Селена Гоме Билл Мюррей нар гэрлэх үү

...

Дэлгэрэнгүй » 2019.05.21

Д.Үүрцайх: Үндсэн хуульт ёс, парламентын ардчиллаа үгүйсгэсээр ирсэн Ерөнхийлөгч барьцаа лавшруулсан учраас цэцэд хандлаа

...

Дэлгэрэнгүй » 2019.09.23

ОХУ-д мал, мах экспортолж, өвс тэжээл худалдаж авна

...

Дэлгэрэнгүй » 2017.08.23

Хаврын тариалалт 60.1 хувьтай үргэлжилж байна

...

Дэлгэрэнгүй » 2016.05.25

Шатахууны хомсдол өргөн хэрэглээний бүтээгдэхүүний үнэд шууд нөлөөлжээ

...

Дэлгэрэнгүй » 2018.01.31

Ц.Түвшинжаргал: Картгүй бол 700 төгрөгөөр зорчино

...

Дэлгэрэнгүй » 2015.11.24

Бүх Хятадын малын ерөнхий эмч Ван Жыцайг хүлээн авч уулзлаа

...

Дэлгэрэнгүй » 2016.10.13

Орон нутгийн замд анхаарал болгоомжтой зорчихыг сэрэмжлүүлж байна

...

Дэлгэрэнгүй » 2017.03.02

Өнөөдөр цахилгааны хязгаарлалт хийх газрууд

...

Дэлгэрэнгүй » 2016.03.21

Л.Чинбат Цензургүй багийг таван сая төгрөгөөр урамшууллаа

...

Дэлгэрэнгүй » 2016.04.25

Кёокүшүзан Батбаяр "дахин дурлав"

...

Дэлгэрэнгүй » 2016.03.21

Ерөнхий сайд Жембориг дэмжиж захирамж гаргав

...

Дэлгэрэнгүй » 2017.04.19

Маргааш Чингисийн талбайд 500 лам ном хурна

...

Дэлгэрэнгүй » 2015.08.07

Банкны шаардлагыг хангасан ч, урьдчилгаа төлбөргүй иргэд орон сууцтай болох боломжтой

...

Дэлгэрэнгүй » 2016.03.16

Дэвшилтэт технологи, инноваци нэвтрүүлэх замаар Гэмт хэргээс урьдчилан сэргийлэх ажлын үр дүнг дэвшлүүлэх нь чухал

...

Дэлгэрэнгүй » 2018.05.09

Н.Түвшинбаяр Азийн аварга боллоо

...

Дэлгэрэнгүй » 2016.04.18

“Хүүхдийн эрүүл мэндэд агаарын бохирдлын үзүүлэх нөлөө, шийдвэрлэх арга зам” Олон улсын зөвлөгөөн болж байна

...

Дэлгэрэнгүй » 2016.01.25