Огцрох болзол


Г.Балжинням 

Оюутолгойн далд уур­хайн бүтээн байгуулалтын төлөв­лөгөө батлагдаж, 4.4 тэрбум ам.долларын хөрөнгө оруулалт орж ирэхээр болсон нь 2015 оны онцлох мэдээ байлаа. Харин энэхүү гэрээнд гарын үсэг зурахыг даалгасных нь төлөө, 2015 оны тавдугаар сарын 19-нд Дубайд айлчилж шийдвэр гаргасныг нь бу­руут­гаж Ерөнхий сайд Ч.Сайханбилэгийг огцруулах тог­тоолын төслийг өчигдөр УИХ-ын даргад өргөн барив. Ерөнхий сайдыг огцруулах төсөл санаачилсан УИХ-ын гишүүн Г.Уянга энэ талаараа “Монгол Улсын Үндсэн хууль болон УИХ-ын тухай хуульд заасан тодорхой эрх, үндэс­лэлийн дагуу Ерөнхий сайд Ч.Сайханбилэгийг огц­руулах асуудлыг УИХ-ын даргад өр­гөн барилаа. Огцруулах гол үндэслэл бол, Арабын нэгдсэн Эмират улсад Ерөнхий сайд Ч.Сайханбилэг очиж гэрээ бай­­гуулсныг мэдэж байгаа байх. Оюутолгойн хөрөнгө оруу­лалтын гэрээ, хувь ний­лүү­­лэгчийн гэрээ болон бусад асуудлаар Монголын талд то­дор­хой хугацааны дараа 34 хувиа эзэмшилд авах ёс­той байсан. Гэтэл үүнийг өөр­чилсөн, мөн Монголын талын хүртэх ашгийг хойш­луулсан маш том алдаатай гэрээнд га­рын үсэг зурах ажлыг Зас­гийн газрын тэргүүн өөрөө зохион бай­­гуулсныг гол үндэслэлээ бол­гож, ийнхүү өргөн барьж байна” гэж тайлбарлав. Өөрөөр хэл­бэл, Дубайн гэрээг бай­гуулс­­наараа Ерөнхий сайд Ч.Сайханбилэг “Огцрох бол­зол”-оо нэгэнт хангасан гэж тэр үзжээ. 
Ерөнхий сайдыг огцруулах саналыг дор хаяж 19 гишүүн санаачилдаг. Тэгвэл Г.Уянга гишүүний албан бланк дээр бичигдсэн  гүйцэтгэх засаглалын тэргүүнд хариуц­лага тооцох төсөлд нийтдээ 20 гишүүн гарын үсгээ зуржээ. Засагт хамтарч буй “Шударга ёс” эвслээс Г.Уянга, Л.Цог, О.Баасанхүү нар гарын үсгээ зурсан бол АН-аас ганцхан Р.Амаржаргал л тэдэнтэй нэгдсэн байна. Гэхдээ Р.Амаржаргал гишүүн аль хоёр сарын өмнө саналаасаа татгалзсан гэж мэдэгдээд байсан юм. Гэвч түүний гарын үсэгтэй, үсэггүй хуулийн босго болох 19 гишүүн гарын үсгээ зурчихаад байгаа. Тодруулбал МАН болон бие даагчид гээд сөрөг хүчнийхэн Ерөнхий сайдыг огцрох болзлоо хангачихсан гэж үзсэн байна. Дээр дурдсан эвслийн гурав дээр О.Содбилэг, Ж.Энхбаяр, Д.Сарангэрэл, А.Тлейхан, Д.Хаянхярваа, Ч.Хүрэлбаатар, Ц.Дашдорж, Б.Бат-Эрдэнэ, Су.Батболд, Д.Лүндээжанцан, Ц.Нямдорж, Ё.Отгонбаяр, Ж.Батсуурь, Ц.Даваасүрэн, Х.Болорчулуун, С.Ганбаатар нар нэмэгдэх юм.

Нэгэнт Ерөнхий сайд Ч.Сайханбилэгийг огцруулах тог­тоолын төсөл өргөн баригд­сан учраас УИХ энэ асуудлыг хуулийн дагуу хэлэлцэх ёстой. “Давхар дээл”-ийн төсөл, Н.Алтанхуягийн огцролт, МАН-ыг  засгаас хөөсөн зэр­гээр нэг бус удаа Засгийн газ­рын тогтвортой байдалтай хол­боотой асуудлыг хэлэлцсэн энэ удаагийн УИХ дөрвөн жилд хоёр дахь Ерөнхий сайдаа огцруулах эсэхийг энэ долоо хоногтоо багтаж шийд­вэрлэхээр болсон байна. Юу гэвэл, УИХ дахь АН-ын бүлэг өчигдөр хуралдаж ямар ч то­хиол­долд Ч.Сайханбилэгийн тан­химыг авч үлдэх ёстой гэж шийд­вэрлэжээ. 1996-2000 оны гашуун туршлагаа давтахгүй, сонгуулийн өмнө шинэ Засгийн газар байгуулж амжихгүй, АН засаглаж чаддаггүй гэсэн нэр зүүхгүй зэрэг олон хүчин зүйлсийг яриад ийнхүү шийдвэрлэсэн юм байна. Нэг ёсондоо Ч.Сайханбилэгийг “Огцрох болзол”-оо хангаагүй гэж дүгнэжээ. 
АН-ын бүлэг Ерөнхий сайдыг огцруулах асуудлыг энэ долоо хоногтоо багтаж шийдвэрлэхээр болсон нь бас өөр шалтгаантай юм. Засгийн газар огцрох, эс огцрохоос үл хамаарч огцруулах асуудлыг УИХ хэлэлцэх нь өөрөө гадаад ертөнцөд сөрөг дохио болж очдог. Гэтэл яг энэ өдрүүдэд Сангийн яамнаас олон улсын зах зээлд “Мазаалай” нэртэй бонд гаргаж, хөрөнгө босгохоор ажиллаж байгаа юм байна. Өөрөөр хэлбэл, Засгийн газар огцруулах, бонд гаргах хоёр үйл явц цаг хугацааны хувьд давхацсан нь эргээд хөрөнгө оруулагчдад эргэлзээ төрүүлнэ гэж УИХ-ын удирдлагууд үзсэн ажээ.  Иймээс л Ерөнхий сайдыг огцруулах яриа энэ долоо хо­ногтоо багтаж нэг тийш шийдэгдэх бололтой. 

Эх сурвалж: Ардын эрх

2016.01.20

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Ц.ЭЛБЭГДОРЖИЙН АЖЛЫН ӨРӨӨНД НЭГЖЛЭГ ХИЙЖ УРАН ЗУРГУУДЫГ ХУРААН АВЛАА

...

Дэлгэрэнгүй » 2019.03.20

Нүдний доод зовхины үрчлээ, хаван, хөхрөлтийг арилгах арга

...

Дэлгэрэнгүй » 2019.03.19

​Эхнэр нь нөхрөө цайны аяганы хэлтэрхийгээр хутгалжээ

...

Дэлгэрэнгүй » 2019.03.19

Арктикийн мөс 20 жилийн дараа хайлна

...

Дэлгэрэнгүй » 2019.03.19

Сахарын өвчний ганц эмчилгээ нь рашаан

...

Дэлгэрэнгүй » 2019.03.19

С.Баярцогтын оффшор бүсэд нуусан их хэмжээний ам долларын эх үүсвэр хаанаас вэ ?

...

Дэлгэрэнгүй » 2019.03.19

И.Мөнхцэцэг: Орон сууц, сургалтын төлбөр төлсөн иргэдийн тайланг Төрийн сан руу илгээнэ

...

Дэлгэрэнгүй » 2019.03.19

“Эко Алтан Заамар”-ын лицензийг яагаад цуцлахгүй байна вэ?

...

Дэлгэрэнгүй » 2019.03.19

Байнгын хороодын дарга нар томилогджээ

...

Дэлгэрэнгүй » 2016.07.22

Цагдаагийн байгууллагын нээлттэй хаалганы өдөрлөг болно

...

Дэлгэрэнгүй » 2016.05.13

Маргааш Ерөнхий цэргийн өдөр

...

Дэлгэрэнгүй » 2016.05.13

Хаврын тариалалт 60.1 хувьтай үргэлжилж байна

...

Дэлгэрэнгүй » 2016.05.25

Төрийн банкны баг тамирчид “Банкир-2016” сагсан бөмбөгийн тэмцээний шилжин явах цомын эзэд боллоо

...

Дэлгэрэнгүй » 2016.05.31

УИХ-ын гишүүн Х.Баттулгын албан өрөөнд Цагдаагийн тусгайгийнхан хүчээр дайран оржээ

...

Дэлгэрэнгүй » 2016.04.11

Талбайн хоёр талын зам 08:00-18:00 цагийн хооронд хаалттай

...

Дэлгэрэнгүй » 2016.06.01

Нийслэлийн автозамын эвдрэлийг нано технологийн резинэн асфальтаар нөхдөг болно

...

Дэлгэрэнгүй » 2017.05.09

Өдгөө цагийн амьдралын нийгэм зүйн төлөв байдал

...

Дэлгэрэнгүй » 2015.10.23

Үүлэн үст Мэрүүд

...

Дэлгэрэнгүй » 2015.09.11

Хайрт Ээждээ буяны хөшөө босгон хүүхдийн цэцэрлэг барьж байгаа Болдко сэтгүүлчдээ туслая

...

Дэлгэрэнгүй » 2015.12.11

Ерөнхийлөгчийн хориг Ч.Сайханбилэгийн огцрох эсэхийг шийдэх үү

...

Дэлгэрэнгүй » 2015.09.21

“Монголын зэс”-ийн ТУЗ-ийн дарга М.Мөнхбаатар О.Орхон захирлын өмнөөс тайлбар хийхийн учир юу вэ?

...

Дэлгэрэнгүй » 2016.10.12

Г.Дэлгэрцогт: Орчин үеийн монгол дуу бүтээхийг зорьж байна

...

Дэлгэрэнгүй » 2017.06.29

Даншигууд-Эдийн засагт “дайсагнах” вий

...

Дэлгэрэнгүй » 2015.07.23

Охиныг битгий түлх

...

Дэлгэрэнгүй » 2016.03.13