УИХ-ын дарга З.Энхболд мэндчилгээ дэвшүүллээ


 

 

 Монголын нийт ард иргэд ээ, 
 

Жил бүрийн 01 дүгээр сарын 13-ны өдөр бол манай улс, үндэстний язгуур эрх ашгийг хамарсан гол харилцааг зохицуулах суурь хуулийг ард түмэнтэйгээ хамтран хэлэлцэж, хүний эрх, эрх чөлөөг баталгаажуулсан, ардчилсан тогтолцооны үндсийг бүрдүүлсэн шинэ Үндсэн хуулиа баталсан түүхт баярын өдөр юм. 
 

Энэ баярын өдөр шинэ Үндсэн хуулийг батлахад бие, сэтгэл, оюунаа чилээн оролцсон Улсын Бага Хурлын гишүүд, Ардын Их Хурлын депутатууд, эрдэмтэн судлаачид, хуулийн төсөл боловсруулах, хуралдаанд бэлтгэх ажлыг хариуцсан Улсын Бага Хурлын Тамгын газрын ажилтнууд болон нийт ард түмэндээ Монгол Улсын Их Хурлын нэрийн өмнөөс болон хувиасаа чин сэтгэлийн талархал илэрхийлж, баярын мэнд дэвшүүлье. 
 

Олон хуульч, улстөрчид нийгмийн зүтгэлтнүүдийн хүч оролцоотойгоор боловсруулагдсан Үндсэн хуулийн төслийн талаар тухайн үед нийт ард түмнээсээ 3 сар гаруй хугацаанд санал авч, засаг захиргаа, нутаг дэвсгэрийн нэгж бүрийн төлөөлөл багтсан, улс төрийн олон намын тогтолцоо бүхий Ардын Их Хурлын 430 депутат 76 хоногийн турш оюун бодол, эрдэм мэдлэг, ажил, амьдралын туршлагаа дайчлан ажиллаж, идэвх зүтгэл гаргасаны үр дүнд Монгол Улсын анхны ардчилсан шинэ Үндсэн хуулийг баталсан түүхтэй. 
 

Ардчилсан нийгмийн суурийг бэхжүүлсэн шинэ Үндсэн хууль маань тусгаар тогтнолыг улс төрийн хувьд баталгаажуулж, хүний эрх, эрх чөлөөг бодитой хангахын тулд, иргэн бүрийн өмчлөх эрх, үзэл бодлоо чөлөөтэй илэрхийлэх, сайн дураараа эвлэлдэн нэгдэх, төрийн удирдах хэрэгт оролцох боломжийг баталгаажуулан, төрийн эрх мэдлийн хуваарилалтыг бий болгосноороо өмнөх гурван Үндсэн хуулиас ялгагдах өвөрмөц онцлогтой, дэвшилтэт чанартай болсон юм. Үндсэн хуулиар хувийн өмчийг хамгаалах хөшүүргийг баталгаажуулснаар эдийн засаг дахь төрийн оролцоог багасгах, зах зээлийн чөлөөт өрсөлдөөн, иргэдийн чөлөөт сонголтоор зохицуулах үндсийг тавьснаараа түүхэн чухал үүрэгтэй болсон юм. 
 

Сүүлийн жилүүдэд төрийн удирдлагын бүтэц, зохион байгуулалтыг боловсронгуй болгох зорилгоор Үндсэн хуульд өөрчлөлт оруулах, зарим зүйл заалтыг боловсронгуй болгох талаар санал, санаачилга олонтоо гарч байна. Үүнтэй холбоотойгоор Улсын Их Хурлын даргын 2013 оны 2 дугаар сарын 8-ны өдөр 27 дугаар захирамжаар томилогдсон ажлын хэсэг Үндсэн хуульд оруулах нэмэлт, өөрчлөлтийн төслийг 2011 онд батлагдсан Монгол Улсын Үндсэн хуульд нэмэлт, өөрчлөлт оруулах журмын тухай хуульд заасны дагуу боловсруулан 2015 онд Улсын Их Хуралд өргөн мэдүүлээд байна. 
 

Монгол Улсын иргэн бүрийн сайн сайхан, эрх чөлөөтэй амьдрах нийтлэг хүсэл зориг, ашиг сонирхлыг хамгаалах гол баталгаа болсон Үндсэн хуульд нэмэлт өөрчлөлт оруулах эсэх асуудалд хэсэг бүлэг хүмүүс, үзэл бодлын зөрчилдөөнөөс илүүтэй ард түмний нийтлэг эрх ашгийн үүднээс хандан, нухацтай хэлэлцэн, Үндсэн хуулийн одоогийн хүрсэн түвшин, ололт амжилтыг бууруулахгүй, цааш нь улам бэхжүүлэн, сайжруулах чиглэлийг чанд баримтлах учиртай гэж би үздэг. 

 
        Монголын ард иргэд ээ,
 

Үндсэн хуулийнхаа залгамж чанарыг хадгалан баяжуулж, хүний эрх, эрх чөлөө, парламентын засаглал, сонгуулийн ардчилал, олон намын тогтолцоо, иргэдийн улс төр, эдийн засаг, нийгмийн харилцаанд оролцох тэгш боломж, ил тод байдал, нээлттэй хэлэлцүүлэг зэрэг ардчиллын үнэт зүйлсийг хөгжүүлэхэд чухал үүрэг гүйцэтгэж ирсэн  шинэ Үндсэн хууль ард түмний маань хүсэл зоригийн баталгаа байх болтугай. 
 

 

        Тогтвортой төр, хуулийн шударга хэрэгжилт дор төр улс маань хөгжин мандах болтугай.


 

МОНГОЛ УЛСЫН ИХ ХУРЛЫН ДАРГА 
ЗАНДААХҮҮГИЙН ЭНХБОЛД 
2016.01.13

 

2016.01.13

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Ц.ЭЛБЭГДОРЖИЙН АЖЛЫН ӨРӨӨНД НЭГЖЛЭГ ХИЙЖ УРАН ЗУРГУУДЫГ ХУРААН АВЛАА

...

Дэлгэрэнгүй » 2019.03.20

Нүдний доод зовхины үрчлээ, хаван, хөхрөлтийг арилгах арга

...

Дэлгэрэнгүй » 2019.03.19

​Эхнэр нь нөхрөө цайны аяганы хэлтэрхийгээр хутгалжээ

...

Дэлгэрэнгүй » 2019.03.19

Арктикийн мөс 20 жилийн дараа хайлна

...

Дэлгэрэнгүй » 2019.03.19

Сахарын өвчний ганц эмчилгээ нь рашаан

...

Дэлгэрэнгүй » 2019.03.19

С.Баярцогтын оффшор бүсэд нуусан их хэмжээний ам долларын эх үүсвэр хаанаас вэ ?

...

Дэлгэрэнгүй » 2019.03.19

И.Мөнхцэцэг: Орон сууц, сургалтын төлбөр төлсөн иргэдийн тайланг Төрийн сан руу илгээнэ

...

Дэлгэрэнгүй » 2019.03.19

“Эко Алтан Заамар”-ын лицензийг яагаад цуцлахгүй байна вэ?

...

Дэлгэрэнгүй » 2019.03.19

Байнгын хороодын дарга нар томилогджээ

...

Дэлгэрэнгүй » 2016.07.22

Цагдаагийн байгууллагын нээлттэй хаалганы өдөрлөг болно

...

Дэлгэрэнгүй » 2016.05.13

Маргааш Ерөнхий цэргийн өдөр

...

Дэлгэрэнгүй » 2016.05.13

Хаврын тариалалт 60.1 хувьтай үргэлжилж байна

...

Дэлгэрэнгүй » 2016.05.25

Төрийн банкны баг тамирчид “Банкир-2016” сагсан бөмбөгийн тэмцээний шилжин явах цомын эзэд боллоо

...

Дэлгэрэнгүй » 2016.05.31

УИХ-ын гишүүн Х.Баттулгын албан өрөөнд Цагдаагийн тусгайгийнхан хүчээр дайран оржээ

...

Дэлгэрэнгүй » 2016.04.11

Талбайн хоёр талын зам 08:00-18:00 цагийн хооронд хаалттай

...

Дэлгэрэнгүй » 2016.06.01

Нийслэлийн автозамын эвдрэлийг нано технологийн резинэн асфальтаар нөхдөг болно

...

Дэлгэрэнгүй » 2017.05.09

Этүгэн их сургуулийнхан сайдаас саашаал хүртэв

...

Дэлгэрэнгүй » 2017.03.15

Р.Анхням: Оскарт оролцох эрхтэй кино ямар байдгийг хараарай

...

Дэлгэрэнгүй » 2017.10.16

"Metropolis Ulaanbaatar night club" шинэ өнгө төрхтэйгээр эргэн ирлээ

...

Дэлгэрэнгүй » 2018.05.28

Их жанжин Д.Сүхбаатарын хөшөөнд цэцэг өргөнө

...

Дэлгэрэнгүй » 2016.03.01

Менежер коллеж сургалт болно

...

Дэлгэрэнгүй » 2016.09.13

Төрийн банкны баг тамирчид “Банкир-2016” сагсан бөмбөгийн тэмцээний шилжин явах цомын эзэд боллоо

...

Дэлгэрэнгүй » 2016.05.31

Иргэн Б.Цогтгэрэл Ерөнхий сайдын 96 тэрбумыг шалгуулахаар ӨБХ-нд хандана

...

Дэлгэрэнгүй » 2015.10.16

Хөрш орнуудтай итгэлцэл сэргэж байна

...

Дэлгэрэнгүй » 2017.05.18