Хамтын тэтгэврийн тухай хуульд 76 мянга гаруй иргэн хамрагдана

Хамтын тэтгэврийн тухай хуульд 76 мянга гаруй иргэн хамрагдана

Эрхэм гишүүд хоёр жил хэртээ дуншсан Хамтын тэтгэврийн тухай хуулийг баталлаа. Ингэснээр 15-аас дээш жил хамт амьдарсан ахмадууд нэг нь ертөнцийн мөнх бусыг үзүүлсэн ч тэтгэврийг нь улсаас үргэлжүүлэн олгохоор болж байгаа юм. Харин тэтгэврийнх нь яг хэдэн хувийг олгох эсэхийг Засгийн газраас тогтоох бөгөөд хуулийг 2017 оны нэгдүгээр сарын 1-ээс хэрэгжүүлэхээр боллоо.
 
Эл хуулийн төслийг анх 2014 оны нэгдүгээр сарын 1-нд Хүн амын хөгжил, нийгмийн хамгааллын сайд С.Эрдэнэ нарын гишүүд өргөн мэдүүлж байв. Өргөн мэдүүлсэн цагаас эхлэн иргэд, тэр тусмаа ханиа алдсан ахмадуудад багагүй хүлээлт үүсгээд байсан билээ. Гэр бүлийн тогтвортой байдлыг дэмжсэн, ахмадуудын амжиргаанд нэмэр болох энэхүү хуулийн төслийг УИХ-ын эрхэм түшээд хоёр жил дуншуулан байж, өчигдрийн УИХ-ын чуулганы нэгдсэн хуралдаанаар гишүүдийн олонхийн саналаар баталсан юм.
 
Хуулийг эцэслэн батлах үед зарим гишүүнээс “Жилээс жилд Нийгмийн даатгалын сан хүндэрч байгаа. Энэ хүндрэлийг нарийн тооцож чадаагүй байвал хуулийг хэрэгжүүлэх боломжгүйд хүрэх эрсдэлтэй” гэдгийг сануулсан.
 
Учир нь, эл хуулийг хэрэгжүүлэхийн тулд улсын төсөвт жил бүр 21 тэрбум төгрөгийг тусгах шаардлагатай аж. Гэхдээ дээрх мөнгөн дүн бол эцсийн байдлаар тогтоосон тоо биш. Хууль санаачлагчдын зүгээс гаргасан урьдчилсан тооцоо юм. Хуульд тусгаснаар 2012 оны нэгдүгээр сарын 1-нээс хойш ханиа алдсан хүмүүс Хамтын тэтгэврийн тухай хуульд хамрагдах бүрэн боломжтой бөгөөд өнгөрсөн гурван жилийн хугацааг нөхөн олговор тооцож тэтгэвэр олгохоор заажээ.
 
Харин дээр дурдсан хугацаанд ганцаараа үлдсэн хүн даатгалын байгууллагад хандаж, өргөдөл гаргах аваас хуульд хамрагдах боломжтой юм. Хамтын тэтгэврийн тухай хуулийн гол үзэл санаа нь хуулийн төсөлд зааснаар олон жил хамт амьдарсан гэр бүлийн гишүүдийн нэг нь нас барсан тохиолдолд үлдсэн гэр бүлийн гишүүнд нь түүний амьдрах хугацаанд нь тэтгэвэр нь тодорхой хувь хэмжээгээр давхар олгогдох явдал юм. Гэхдээ хуульд зааснаар тодорхой шалгуурыг тавьж байгаа ч амьдрал баян учир зарим иргэнд уг хууль үйлчлэхгүй байгаа  тдаиолдол бий. Тухайлбал, хүнтэй суугаагүй боловч тэтгэвэр тогтоолгосон иргэн, насны хэт зөрүүтэй боловч хуульд заасан зарим шаардлагыг хангаж байгаа иргэн, улсад ажил, хөдөлмөр эрхлээгүй, нийгмийн даатгалын шимтгэл төлж байгаагүй иргэд энэ хуульд хамрагдах боломжгүй гэдгийг хууль санаачлагчдын зүгээс хэлж байна.
 
Харин статистик мэдээллээс үзэхэд 2010 оны байдлаар Монгол Улсын нийт хүн амын 69.2 хувь 15-аас дээш насныхан байна. Эдгээрийн 31.3 хувь нь огт гэр бүл болоогүй, 60.1 хувь нь гэр бүлтэй, 3.1 хувь нь салсан, 5.5 хувь нь өрх толгойлсон эцэг, эхчүүд аж. Нөгөөтэйгүүр хуулийн төслийн шаардлагад нийцвэл зохих 10- аас дээш жил хамт амьдарсан, гэр бүлийн баталгаатай, дундаасаа үх хүүхэд төрүүлэн өсгөсөн гэр бүлийн тоог нарийвчлан гаргахад одоогийн байдлаар хүндрэлтэй байгааг албаныхан хэлж буй бөгөөд хууль санаачлагчид тооцоолсноор ойролцоогоор хамтын тэтгэвэр авах боломжтой 76 мянга гаруй иргэн бий хэмээн тооцоолжээ.
 

Өглөөний сонин
Б.Төрбат

2015.12.04

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Азийн Силикон Валлей гэж нэрлэгддэг Сингапур улсад Монголын компаниудыг Азийн зах зээлд гаргах хөтөлбөр

...

Дэлгэрэнгүй » 2019.03.21

Хаврын улиралд ашигтай 5 дасгалыг танилцуулж байна

...

Дэлгэрэнгүй » 2019.03.21

Д.Эрдэнэсувд: Үндэслэлгүйгээр хөрөнгөжсөн хэрэгт нэр бүхий долоон шүүгчийг шалгаж байна

...

Дэлгэрэнгүй » 2019.03.21

Монгол Улс эдийн засгийн цагаачтай орон болов уу

...

Дэлгэрэнгүй » 2019.03.21

KFC хэдий болтол иргэдийг хохироох вэ?

...

Дэлгэрэнгүй » 2019.03.21

Б.Жаргалсайхан: УИХ-ын гишүүд "завсарлага" нэрээр зальдан морь малаа эргэсээр байх уу...

...

Дэлгэрэнгүй » 2019.03.21

Н.Оюунцэцэг: Энэ ондоо “U Money“ карт цэнэглэх цэгийн тоог 650-д хүргэнэ

...

Дэлгэрэнгүй » 2019.03.21

Нара: Батцацралаа чи ичиж амьдар

...

Дэлгэрэнгүй » 2019.03.21

Монгол Улс эдийн засгийн цагаачтай орон болов уу

...

Дэлгэрэнгүй » 2019.03.21

Ганга нуурыг хамгаалах асуудлаар санал солилцлоо

...

Дэлгэрэнгүй » 2017.01.25

БОАЖ-ын сайд Д.Оюунхорол Дэрэвгэр жиргэрүүг түүн бэлтгэж, экспортлохыг хориглолоо

...

Дэлгэрэнгүй » 2017.09.22

21 аймгийн байгаль орчин, аялал жуулчлалын салбарынхан номын дуу сонсож байна

...

Дэлгэрэнгүй » 2017.09.26

Б.Насанбаяр уучлал гуйлаа

...

Дэлгэрэнгүй » 2016.04.05

Хүүхдийн мөнгийг олгоно

...

Дэлгэрэнгүй » 2016.01.04

Эмэгтэйг зодсон цагдааг ажлаас нь халж, цолыг нь хураалаа

...

Дэлгэрэнгүй » 2015.07.19

Д.Оюунхорол сайд Хан-Уул дүүрэгт суурьшсан Завхан, Төв аймгийн төлөөлөлтэй уулзлаа

...

Дэлгэрэнгүй » 2017.06.21

“Эдийн засаг, бизнесийн салбарын оны онцлох хүн”-ээр МУХБ-ны гүйцэтгэх захирал Б.Батбаярыг шалгарууллаа

...

Дэлгэрэнгүй » 2018.01.03

Өвчинд шаналсан Жэт Лигийн зураг хүмүүсийг цочроожээ

...

Дэлгэрэнгүй » 2018.05.21

“Мишээл Экспо”-гийн Б.Энх-Амгаланд эрүүгийн хэрэг үүсгэжээ

...

Дэлгэрэнгүй » 2016.03.18

Хотын даргын томилгоог энэ сарын 28-нд хэлэлцэнэ

...

Дэлгэрэнгүй » 2018.12.17

Мөөеө аваргыг нутаглуулсан шөнө Баянаа аварга хүүхдүүдтэйгээ бөхийн өргөө рүү дайрлаа

...

Дэлгэрэнгүй » 2018.04.14

Ерөнхий сайд Бразилийн тэнгэрт мандах төрийн далбааг гардуулна

...

Дэлгэрэнгүй » 2015.07.20

Сурагчид 9 сарын 1-нд чанартай, хямд үнэтэй хувцасаар гангарах нь

...

Дэлгэрэнгүй » 2015.08.15

Монгол Улсын Ерөнхийлөгч Ц.Элбэгдорж: Төрд эхлээд хариуцлага бий болгоё

...

Дэлгэрэнгүй » 2017.04.28