"Давхар дээл"-ээ тайлах талаар гишүүд юу гэж хэлж байв

УИХ-ын ээлжит бус чуулганы өнөөдрийн хуралдаанаар Засгийн газрын зарим гишүүдийг томилох тухай асуудлыг хэлэлцэнэ. Эхлээд байнгын хороодоор хэлэлцээд дараа нь чуулган хуралдах хуваарьтай байгаа. Сайдад нэр дэвшигчид бүгд УИХ-ын гишүүний статустай. Тэд өнөөдөр сайд болвол "Давхар дээлтэй" гишүүн болно. УИХ-ын гишүүн Засгийн газрын гишүүний албыг давхар хашихыг хориглох хуулийн төслийг Ерөнхийлөгч санаачлан УИХ-аар өнгөрсөн жил хэлэлцүүлсэн ч олонхийн дэмжлэг авч чадаагүй. Уг хуулийн төслийг хэлэлцэх үед УИХ-ын зарим гишүүд сайд нарын "давхар дээл"-ийг тайлахыг дэмжиж, 2014 оны долдугаар сарын 1 буюу хууль батлагдсан өдрөөс хэрэгжүүлэх ёстой гэж үзэж байсан. Харин МАН-ын зургаан сайдыг хамтарсан Засгийн газраас хөөсний дараа зургаан сайдын суудалд гаднаас бус заавал УИХ-ын гишүүдээс томилох үүргийг АН-ын бүлэг Ерөнхий сайд Ч.Сайханбилэгт өгсөн. Тэгвэл "Давхар дээл"-ээ тайлахыг дэмжиж гишүүд байр сууриа хэрхэн илэрхийлж байсан нь хэвлэлийн хуудсанд ингэж үлджээ. Эдгээр гишүүд өнөөдөр үзэл баримтлалдаа үнэнч үлдэж чадах уу. Аль эсвэл "дэмжсэн" кноп дарах уу, үгүй юу гэдгийг хамтдаа харцгаая. М.Батчимэг: Сайд нар давхар дээлээ тайлах цаг болсон -Энэ хуулийг УИХ ойрын өдрүүдэд хойш­луу­лалгүй хэлэлцэх шаард­лагатай. Өнөөдөр сайд нар давхар дээлтэй, УИХ-ын гишүүн, сайдын ажлыг давхар хийж бай­гаа нь УИХ ч, Засгийн газар ч хариуцлагагүй байх гол үндэс болж бай­гаа. Дээрх нь суудлаа олохгүй бол доорх нь гүйд­лээ олдоггүй гэдэг биз дээ. Хариуцлагагүй Засгийн удирдсан тө­рийн алба яаж хариуц­лагатай ажиллах юм бэ. Тиймээс төрөө ухаалаг болгохыг хүсч байгаа бол УИХ өөрөөсөө энэ ажлыг эхлэх ёстой. Үлгэрлэх ёстой. Сайд нар давхар дээлээ тайлах цаг нь бол­сон. Иймээс хуулийг 2014 оноос хэрэгжүүлэхээр батлуулах ёстой. Төрийн ажил муудаад, байдал хүндрээд байгааг хар­саар байж 2016 он хүртэл явуулж болохгүй. УИХ-д надтай адил бодол­той хүмүүс цөөнгүй байгаа гэж бодож байна. "Өдрийн сонин" /2013.12.15/ Ц.Цолмон: Батлагдсан цагаас нь мөрдөж эхлэх ёстой -Ерөнхийлөгчийн өргөн мэдүүлсэн Засгийн газрын тухай хуульд нэмэлт, өөрчлөлт оруулах тухай хуулийг хэрхэх санал хураалт болохоос өмнө хуулийг үргэлжлүүлэн хэлэлцэх үү буцаах уу гэдгийг хэлэлцдэг. ”Давхар дээл”-ийн асуудлыг хэрхэхийг алиныг нь ч яриагүй байна. Тиймээс ямартай ч эхний ээлжинд буцаалгүй хэлэлцэж эхлэх нь зүйтэй гэж үзэж байгаа. Миний хувьд УИХ-ын гишүүд сайдын албыг давхар хаших нь буруу гэж үзэж байгаа. Тиймээс энэ хуулийн төслийг даруй хэлэлцэж, батлагдсан цагаас нь мөрдөж эхлэх ёстой гэсэн байр суурьтай байгаа. "Монголын үнэн" сонин/2014.04.09/ Д.Ганбат: Нэг өдрийн өмнө ч хэрэгжүүлэх нь зөв -Сайд нарын давхар дээлийг тайлах ёстой гэсэн миний байр суурь одоо ч хэвэндээ байгаа. Давхар дээлийг тайлах ёстой гэдэг нь эрх мэдлийн хуваарилалт, хариуцлагын зарчмын тухай л асуудал. УИХ нь Засгийн газартаа хариуцлага тооцдог механизмыг энэ давхар дээлтэй сайд нар чинь байхгүй болгочихсон. Хэрэв тайлуулчих юм бол УИХ, Засгийн газрын зааг ялгаа бий болно. Тэгэхгүй бол өнөөдөр бараг Засгийн газар нь УИХ шиг л болчихоод байна шүү дээ. Үүнийг Ерөнхийлөгч олж хараад салгах ёстой гэсэн. Угаасаа ардчилал хөгжсөн оронд эрх мэдлийг хууль тогтоох, гүйцэтгэх, шуух гэж гурав хуваадаг. Манайд хоёр нь холилдоод явчихсан учраас бие биедээ харилцан хяналт тавьж чадахаа байсан. Үүнийх нь сул тал ч харагдаад эхэллээ. Тиймээс үнэхээр л энэ нь болохгүй байна гэвэл заавал 2016 оны долдугаар сарын 1 хүртэл хүлээх хэрэг юу байна вэ. Зөв зүйтэй, хэрэгтэй гэвэл нэг өдрийн өмнө ч хэрэгжүүлэх нь зөв. "Үндэсний шуудан" сонин /2014.03.26/ Ж.Батзандан: Хэрэглэх хугацааг нь наашлуулбал би дэмжинэ -Мэдээж “Давхар дээл”-ийг тайлахыг би дэмжиж байгаа. Яагаад гэвэл, УИХ, Засгийн газрын гишүүний үүрэгт ажлыг давхар хашсанаас болж ажил цалгардаж байгаа. Засаглалын баланс алдагдаж, ажил гацаж байна. Үүнийг засч залруулах ёстой. Хуулийг хэрэглэх хугацааг нь наашлуулах санал ороод ирвэл би хувьдаа дэмжих болно. "Үндэсний шуудан" сонин/2014.04.09/ О.Баасанхүү: Хуулийг баталсан өдрөөс нь хэрэгжүүлж эхлэх нь зүйтэй -Хуульд юу гэж заасан байдаг, түүгээрээ л явах хэрэгтэй. Өөрсдийнхөө сонирхлоор шийдвэр гаргана гэхээр тэр хүмүүсийн үзэмжийн асуудал болчихоод байгаа юм. Тиймээс “давхар дээл”-ийг тайлах эсэх санал хураалтад гишүүн сайд нар оролцохгүй байх нь зөв. Нэг юмыг ойлгох хэрэгтэй. Энэ 17 сайдыг бид огцруулах зорилгоор “давхар дээл”- ийн тухай яриагүй. Нөгөө талаас Ерөнхийлөгчийн өргөн мэдүүлснээр гэхээр хэрэгжих хугацаа нь 2016 он болчихож байгаа юм. Тэгэхээр хуулийг баталсан өдрөөс нь хэрэгжүүлж эхлэх нь зүйтэй гэсэн байр суурьтай байгаа. "Монголын үнэн" сонин/2014.04.09/ Ц.Даваасүрэн: “Давхар дээл”- ийн тухай хуулийн төслийг төгс шийдэх ёстой -“Давхар дээл”- ийн тухай хуулийн төслийг төгс шийдэх ёстой. Яагаад гэхээр одоо Засгийн газрын тухай хууль, УИХ-ын тухай хуулийн төслийг ярьж байна л даа. Хамгийн гол нь нөгөө дордохын долоо болсон Үндсэн хуульд байгаа УИХ-ын гишүүн, Засгийн газрын гишүүн гэсэн заалтаа орхиод байгаа нь анхаарал татаж байгаа юм. Угтаа энэ хуулийн заалтаа ч хамтад нь авч үзэх ёстой. Тэгэхгүй бол хоёрын хооронд юм болно. Өөрөөр хэлбэл, “Давхар дээл”-ийг нь тайлах биш өнгө, дотрыг нь тайлах тухай яриад байна л даа. 2016 оны сонгуулиар гарч ирсэн нам нь Үндсэн хуульд давхар албан тушаал хаших заалт байгаа юм чинь дотор, өнгө татна гээд яриад байж мэдэх л юм. Тийм учраас л төгс, үндсээр нь шийдэх ёстой гээд байгаа юм шүү дээ. Хэрэгжих хугацааны хувьд хууль батлагдсан цагаасаа л хэрэгжих ёстой. "Монголын үнэн" сонин /2014.04.09/ С.Ганбаатар: Энэ 17 сайдаас болж маш их хохирол амслаа -Өнөөдөр АН-ынхан 34 гишүүнтэй. Үүнээс Засгийн газарт УИХ-аас 17 сайд байна. Бараг тал орчим хувь нь давхар албан тушаал хашиж байна. Тэд өнөөдөр Засгийн газраа хянаж чадахгүй байна. Нөгөө АН-ын 34-өө УИХ нь хянаж чадахгүй байдал үүсчихээд байна шүү дээ. Үндсэндээ тэр 17 хүний халаасанд УИХ байна гэсэн үг. Үүнийг зогсоох ёстой. "Монголын үнэн" /2014.04.16/ Р.БУРМАА: ДАВХАР ДЭЭЛТЭЙ САЙД НАР АЖЛАА ЯАЖ ХИЙДГИЙГ ИРЦЭЭС НЬ ХАРЖ БОЛНО -УИХ-ын дээд байгууллага болон гүйцэтгэх засаглал нь чадамжгүй болсон байна. Учир нь энэ бүхэн "давхар дээл"-тэй сайд нараас болж байна. Тэд төрийн ажлыг цалгардуулж байгаа. Ганцхан жишээ дурдахад давхар дээлтэй сайд нарын УИХ-ын чуулганд суусан ирцээс ажлаа хэрхэн хийж байгааг харж болно. Үүнээс болж Монголын төрийн ажил цалгардаж байна. Гэтэл алдаа дутагдлыг нь хэлсэн ядарсан эмэгтэй гишүүнээ Ардчилсан нам дарамталж, дээрэлхэж намаас хөөнө гэх мэтээр ярьж байна. Энэ үнэхээр хэдэн он бэ гэж хэлмээр байна. Өнөөдөр төрийг тогтвортой байлгахын тулд УИХ нь өөрөө тогтвортой ажиллах ёстой. Бүх сайд давхар дээлтэй болчих юм бол парламент утга учраа алдаж чадамжгүй болно. Засгийн газарт хяналт тавьж чадахаа болино. Өнөөдөр Засгийн газрын оруулж ирж байгаа хуулиуд хэчнээн хуультай зөрчилтэй байгаа билээ. Гэтэл УИХ-ын гишүүд кабинетын зарчим гэдэг үүднээс амаа үдүүлээд сууж байна. УИХ-ын гишүүнийхээ кнопыг дарж байхдаа амаа үдүүлсэн байдлаар л хандаж байгаа шүү дээ. mass.mn /2014.04.30/ М.Зоригт: Засаглалын хямралын бас нэг шалтгаан "давхар дээл" -Засаглалын хямралын бас нэг шалтгаан "давхар дээл"-ийн асуудал. Бодлогын Их хурлынхаа дээр гүйцэтгэх Засгийн газар нь гарчихаад Их хурлыг их хурал биш болгож завхруулаад үүнээс болж энэ нөхцөл байдал үүссэн. Өмнөх Засгийн газар 100 хувь "давхар дээл"-тэй байсан, одоогийн Засгийн газар 40 хувь "давхар дээл"-тэй байгаа. Удахгүй "давхар дээл"-ийн тухай хуулийг Ерөнхийлөгчөөс өргөн барих юм билээ. "Давхар дээл"-ээ тайлахад бэлэн хэд хэдэн сайд орсон. Жишээлэх юм бол Бурмаа гишүүн үлгэрлээд хамгийн түрүүнд давхар дээлээ тайлах тэнхээтэй хүн гэж харж байгаа юм

2015.09.08

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Шат нураахаас өөр хийх ажилгүй улс юм байх даа?

...

Дэлгэрэнгүй » 2018.10.19

Магистр, докторын сургалтандаа элсэлт авч дуусахад цөөхөн хоног үлджээ

...

Дэлгэрэнгүй » 2018.10.19

Д.Батсайханы гэр бүлд талийгаачийн 120 сарын үндсэн цалин болох 76 сая төгрөгийн тэтгэмжийг олгохоор болжээ

...

Дэлгэрэнгүй » 2018.10.19

Согтуугаар жолоо барьж хөдөлгөөнд оролцвол 7-30 хоног баривчилж, сая хүртэлх төгрөгөөр торгоно

...

Дэлгэрэнгүй » 2018.10.19

Ирэх жил 42 мянган тонн нүүрс экспортолно

...

Дэлгэрэнгүй » 2018.10.19

Эксим банкны 150 сая долларын хөнгөлөлттэй зээлийн хөрөнгөөр арван аймагт ДЦС байгуулна

...

Дэлгэрэнгүй » 2018.10.19

Улаанбаатар хотын ойролцоо дагуул, эко хот байгуулах төслийг Меркель дэмжин ажиллахаа мэдэгдэв

...

Дэлгэрэнгүй » 2018.10.19

Эх орныхоо тусгаар тогтнолыг, бүх ард түмнийхээ санал асуулгаар тунхаглан баталгаажуулсан түүхт 73 жилийн ойн мэндчилгээ

...

Дэлгэрэнгүй » 2018.10.19

Түрээсийн орон сууцанд орох иргэдийг бүртгэнэ

...

Дэлгэрэнгүй » 2017.03.02

УИХ-ын дарга М.Энхболд нийслэлийн удирдлагуудыг хүлээн авч уулзав

...

Дэлгэрэнгүй » 2016.07.07

Б.Чулуудай оффшор дансныхаа талаар албан ёсны тайлбар хийлээ

...

Дэлгэрэнгүй » 2016.05.10

Хаан банканд итгэж болохгүй шалтгаан

...

Дэлгэрэнгүй » 2016.03.23

НМХГ: Шонхор шувууг зөвшөөрөлгүй барьсан Катар иргэдийг саатуулсан

...

Дэлгэрэнгүй » 2015.10.07

Д.Амарбаясгалангаар ахлуулсан ажлын хэсэг орон нутагт ажиллалаа

...

Дэлгэрэнгүй » 2017.03.20

МАХН-ын Бага чуулган эхэллээ

...

Дэлгэрэнгүй » 2016.04.19

Түргэн үйлчилгээний цэгийн шинэчилсэн журмын төсөлд иргэд, аж ахуйн нэгжээс санал авч байна

...

Дэлгэрэнгүй » 2016.09.13

Үс шинээр үргээлгэх буюу засуулбал өвчин эмгэг ирнэ

...

Дэлгэрэнгүй » 2016.03.31

Замын цагдаагийн газрыг алба болгон өргөтгөлөө

...

Дэлгэрэнгүй » 2016.11.08

Д.Оюунхорол: Хэнтийн Гутайн даваа, Завханы Дооно орчимд үйл ажиллагаа явуулж байсан зөрчилтэй компаниудын тусгай зөвшөөрлийг цуцлууллаа

...

Дэлгэрэнгүй » 2017.07.05

Д.Оюунхорол: Түймрийн голомт дээр ажиллахдаа авсан мэдээллээ Засгийн газрын хуралдаанд танилцуулж, асуудлыг шийдвэрлүүлнэ

...

Дэлгэрэнгүй » 2017.07.18

Хан-Уул дүүргийн Капитал банкинд халдлага гарлаа

...

Дэлгэрэнгүй » 2015.12.25

Танилц: Шинэ Засгийн газрын бүтцийн сүүлийн хувилбар

...

Дэлгэрэнгүй » 2016.07.04

Э.Сумъяагаас илэрсэн допингийн асуудалд албан ёсны тайлбар өглөө

...

Дэлгэрэнгүй » 2016.05.12

МАН-ыг гүтгэсэн асуудлаар Л.Эрхэмбаярт иргэний хэрэг үүсгэжээ

...

Дэлгэрэнгүй » 2016.01.12