Ээлжит бус чуулган хаалтаа хийнэ

Үндсэн үүргээ гүйцэтгэсэн чуулган өнөөдөр хаалтаа хийнэ. Үндсэн үүрэг гэдэг нь чухамдаа Өршөөлийн хууль гэсэн үг. Хэдийгээр ээлжит бус чуулганыг зарлахдаа улс орны өмнө тулгамдсан чухал асуудлыг хэлэлцдэг ч тийм жишиг энэ удаад алдагдсан гэхэд болно. Анхнаасаа УИХ-ын дарга өргөн бариагүй асуудлыг хэлэлцэх асуудлын дараалалд оруулсан нь хууль зөрчсөн. Өөрөөр хэлбэл, МАН-ын зургаан сайдыг огцруулах асуудлыг гүйцэтгэх засаглалын тэргүүн нь өргөн бариагүй байхад спикер захирамж гаргахдаа эхний ээлжид хэлэлцэхээр болсон. Харин түүний энэхүү үйлдлийг МАН-ынхан эсэргүүцэж, хууль бус чуулганд оролцохгүй гэдгээ илэрхийлэн, ээлжит бус чуулганы нээлтэд нэг нь ч хүрэлцэн ирээгүй юм. Гэтэл үүнтэй зэрэгцэн хэсэг иргэн мэдээлэл хийж, УИХ-ын даргын энэхүү үйлдлийг хууль зөрчсөн гэж үзэж буйгаа илэрхийлэн, Үндсэн хуулийн Цэцэд хандаж байгаагаа хэлсэн юм. Энэ бол ээлжит бус чуулган эхлэхдээ л маргаан дагуулсны илрэл. Энэ чуулганыг учир мэдэх хүмүүс хэлэхдээ “Ган, зуд эсвэл эдийн засаг биш сайд огцруулж, засгаа тогтворгүй болгох, улмаар Эдийн засгийн болон Эрүүгийн өршөөлийн хууль батлах гэж байгаа нь учир дутагдалтай” гэж хэдэнтээ хэлсэн. Гэвч хэн ч юу ч гэж хэлсэн эрх баригч хүчин АН-ынханд хамаагүй болсон энэ цаг үед Төрийн тэргүүний үг хүртэл хүчгүйдээд байгаа. Монгол төрийн номер нэг эрхэм “МАН-ын зургаан сайдыг огцруулж, засгаа бужигнуулах шаардлагагүй” гэж хэлсэн ч түүнийг ингэж хэлснээс ердөө хэдхэн цагийн дараа Ерөнхий сайд Ч.Сайханбилэг танхимынхаа сайд нарыг сэлгэх тогтоолыг УИХ-ын дарга өргөн барьсан нь яах аргагүй энэ удаагийн чуулганы онцлох үйл явдал. Харин дараагийн анхаарал татсан бас Цэцэд хүрэхээр болсон хоёр дахь асуудал нь Төсвийн байнгын хороогоор хэлэлцэх асуудлын дараалалд багтаагүй асуудлыг хэлэлцэж, 280-аад аж ахуйн нэгжийг “боомилсон” явдал. Тодруулбал, Сангийн сайдын шийдвэрлэснээр төрийн ажлыг хийж гүйцэтгэсэн ч санхүүжилтээ авч чадаагүй явсаар4-5 жил болж байгаа 280-аад аж ахуйн нэгжид төр өрийн бичиг буюу вексель бичсэнээр аж ахуйн нэгжүүд авлагаа авах боломж бүрдсэн ч Төсвийн байнгын хорооны дарга Б.Болор хуралдааны дундуур оруулж ирэн, вексель бичих ажлыг зогсоож, байнгын хорооноос ажлын хэсэг байгуулж шалгасны дараа векселийг үргэлжлүүлнэ гээд үүрэгдсэн. Товчхондоо, энэ бол төрийн ажлын уялдаа холбоо ямар байгааг харуулснаас гадна төр жирийн иргэддээ хэрхэн дарамт болж чаддагийн бодит жишээ болсон юм. Бас болоогүй уг ажлын хэсгийг Тавантолгойг хаваржин гацаасан алдарт Л.Эрдэнэчимэг гишүүнээр ахлуулсан. Гэтэл асуудал хариуцсан ажлын хэсгийн ахлагчаас энэ талаар тодруулахад “Энэ талаар мэдэхгүй” гээд сууж байх жишээтэй. Нэг ёсондоо, ээлжит бус чуулганаар ингэж 280-аад аж ахуйн нэгжийг боомилсон шийдвэр гарсан. Харин хамгийн сүүлийн буюу их шуугиан дэгдээж байгаа асуудал нь Өршөөлийн хууль. Эдийн засгийн өршөө-лийн хууль баталж, татвараа бараг-дуулалгүй, их хэмжээнд хүртэл нь нууж чадсан олигархиудын компани, аж ахуйн нэгжүүдийн толгойг илсэн хууль баталсан. Гэтэл үүнд ханаагүй бололтой, “Улсын болон хувь хүний нууцтай холбоотой асуудал” гэх нэрийн дор Өршөөлийн хуулийг хаалттай хаалганы цаана хэлэлцсэнээр авлигачдыг тэр аяар нь өршөөсөн хуулийг батлаад байна. Хэдийгээр хүүхэд, эмэгтэйчүүд, залилан хийсэн гэх мэт хүмүүсийг өршөөх гэж байна хэмээн гадна рекламдаж байгаа ч энэ хуулийг эхний ээлжид мэдээж МАХН-ын дарга Н.Энхбаярт, харин дараагийн ээлжид томоохон авлигачдад, албан тушаалаа урвуулан ашиглаж, улсад их хэмжээний хохирол учруулсан том толгойтнуудад зориулсан нь хэний ч нүдэнд илхэн. Энэ ч утгаараа хүргэн Дэнзэнгээс авахуулаад “Алтанхуягийн” Гансүх зэрэг АН-ын угшилтай нөхөд наранд гарахаар болоод байгаа. Товчхон дурдахад, ээлжит бус чуулган нэг иймэрхүү л болж өнгөрөв. Анхнаасаа ч ард түмэнд хэрэгтэй асуудлыг хэлэлцэхээр товлоогүй шигээ масст хэрэгтэй нэг ч хуулийг ээлжит бус чуулганаар нугалсангүй. Харин ч төр засагт тогтворгүй байдал үүсч, түмэн олны бухимдах сэдэв хэд хэдээр нэмэгдэв бололтой.

2015.08.14

Сэтгэгдэл бичих

АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 11321287 утсаар хүлээн авна.

ТӨСТЭЙ МЭДЭЭЛЭЛ

  • Шинэ
  • Их уншсан
  • Их сэтгэгдэлтэй

Хүнээ мартсан төр

...

Дэлгэрэнгүй » 2019.05.21

Дэлхий дахинаа авлигатай хийх тэмцлээр сонин сайхан юутай байна вэ?

...

Дэлгэрэнгүй » 2019.05.21

Гачуурт Арцатын аманд 153 өрх айлыг цахилгаанаар хангаж улсын комисст хүлээлгэн өгчээ

...

Дэлгэрэнгүй » 2019.05.21

Зөв тусгал: Бидний төсөөлснөөс ч илүү хөгжих боломж хүүхдэд бий

...

Дэлгэрэнгүй » 2019.05.21

Г.Наранбаатар: Хүүхэд насандаа сэтгэл зүйн гэмтэл авсан хүмүүс сэтгэл зүйн зөвлөгөө авахаар их ирдэг

...

Дэлгэрэнгүй » 2019.05.21

Монголын эдийн засаг гадны нөлөөнд эмзэг хэвээр байна гэж АХБ дүгнэжээ

...

Дэлгэрэнгүй » 2019.05.21

Селена Гоме Билл Мюррей нар гэрлэх үү

...

Дэлгэрэнгүй » 2019.05.21

Хятадын буцалтгүй тусламжаар 1008 айлын орон сууц барина

...

Дэлгэрэнгүй » 2019.05.21

Хэргийг сэргээн шалгуулахаар болжээ

...

Дэлгэрэнгүй » 2019.05.09

Язгуур урлагийн “Хөөмэй-Домог” тоглолтод урьж байна

...

Дэлгэрэнгүй » 2019.04.03

Д.Амарбаясгалангаар ахлуулсан ажлын хэсэг орон нутагт ажиллалаа

...

Дэлгэрэнгүй » 2017.03.20

Б.Мөнгөнчулуун: Манай сургууль эрүүл, ёс зүйтэй, чадварлаг иргэдийг бэлтгэнэ

...

Дэлгэрэнгүй » 2016.04.19

Д.Оюунхорол сайдын урилгаар НҮБ-ын Байгаль орчны хөтөлбөрийн дарга Монгол Улсад айлчилж байна

...

Дэлгэрэнгүй » 2017.09.14

Хаврын тариалалт 60.1 хувьтай үргэлжилж байна

...

Дэлгэрэнгүй » 2016.05.25

Шатахууны хомсдол өргөн хэрэглээний бүтээгдэхүүний үнэд шууд нөлөөлжээ

...

Дэлгэрэнгүй » 2018.01.31

Хөвсгөл нуур орчимд байгаль орчинд ээлтэй ариун цэврийн байгууламж барина

...

Дэлгэрэнгүй » 2017.04.27

Жүдочид Зүүн Азийн цуврал тэмцээнээс 12 медаль хүртлээ

...

Дэлгэрэнгүй » 2015.12.08

2010 оноос Монголд тахь нутагшуулах ажлыг амжилттай хийж иржээ

...

Дэлгэрэнгүй » 2017.01.08

Эрүүл мэндийн салбарыг эзэнтэй болгож, иргэдийнхээ эрүүл мэндэд анхаараачээ

...

Дэлгэрэнгүй » 2016.01.13

Оросуудаар Монголын Засгийн газрыг дарамтлуулдаг том артай О.Орхон захирал зээлийн хүүг бууруулахгүй гэж 7 сар бултаж явна

...

Дэлгэрэнгүй » 2016.10.27

“Home plaza” төвийн уулзвараас Нарны зам хүртэлх замын хөдөлгөөнийг хаалаа

...

Дэлгэрэнгүй » 2018.04.16

Гаалийн ерөнхий газар БНХАУ-ын гаалийн ерөнхий газартай хар тамхины чиглэлээр хамтарч ажиллахаар боллоо

...

Дэлгэрэнгүй » 2017.04.28

АН дахь увсынхан хуралдаж, Лу.Гантөмөрийг намын даргад зүтгүүлж эхэллээ

...

Дэлгэрэнгүй » 2016.12.09

Гэрлийн шон сурталчилгааны самбар биш

...

Дэлгэрэнгүй » 2017.03.10